Néra Njékaḭkulaje 21:27 - Maktub gə́ To gə Kəmee

²⁷ Ndɔ siri ləa nai dəb ndá Jibje gə́ d’ḭ Asi d’oo Pool mee kəi-Ala’g ndá d’ɔs kudu boo-dəwje lai ɓɔḭ-ɓɔḭ d’ar dee ɓugu na̰ dəa’g d’wá

Néra Njékaḭkulaje 21:27 ပူးပေါင်းရင်းမြစ်များ

1 Mbaije 21:25

Deḛ d’oo dəw gə́ un rəa ndogo gə mba ra ne né gə́ majel kəm Njesigənea̰’g to gə́ Akab gə́ dené ləa ɔsee ɓɔḭ-ɓɔḭ keneŋ aree ra bèe lé godo.

Bula lə Israɛlje 19:11

Yeḛ gə́ ɔrɔ rɔ nin dəw gə́ rara kara ndá rəa a mina̰ saar as ndɔ siri.

Bula lə Israɛlje 6:13

Godndu gə́ wɔji dɔ dəw gə́ unda rəa gə kəmee ar Njesigənea̰ lé ɓa nee: Loo gə́ ndɔje gə́ yeḛ wɔji mba kɔr ne rəa kunda gə kəmee lé as lé mba̰ ndá d’a ree səa tarəw kəi-kubu-kiŋga-na̰’g.

Bula lə Israɛlje 6:9

Ɓó lé dəw oso mbɔree’g vad wəi ɓa ar dəa gə́ to gə kəmee lé tel mina̰ ne ndá ndɔ kɔr gəm dəa’g lé yeḛ a ndisa dəa, yeḛ a ndisa gə́ ndɔ gə́ njekɔm’g siri lé ya.

Lugu 21:12

D’a ɓugu ji dee dɔ sí’g ləm, d’a kula kəm sí ndòo ləm, d’a kwa sí kaw sə sí kəi-kwa-dɔ-na̰je’g ləm, d’a ɓugu sí daŋgai’g ləma, d’a kon sí kaw sə sí no̰ mbai-ɓeeje’g gə no̰ njéguburuɓeeje’g ləm tɔ gə mba rim, kédé ɓad ɓa néje nee gə́ ma m’ula sí lé a teḛ ɓəi.

Néra Njékaḭkulaje 13:50

Denéje gə́ na̰je gə́ d’wa Ala meḛ dee’g gə́ to kankəm denéje mee ɓee’g ləm, gə dəwje gə́ boo mee ɓee’g ləm tɔ lé Jibje pélé meḛ dee wəs-wəs dɔ Pool gə Barnabas’g. Deḛ d’ɔs dee mba kar dee d’ula kəm Barnabas gə Sool ndòo ndá deḛ tuba dee dɔ naŋg’g lə dee.

Néra Njékaḭkulaje 14:19

Yen ɓa Jibje gə́ d’ḭ Antiɔs gə Ikɔnə ree d’iŋga dee keneŋ ndá d’ula meḛ koso-dəwje na̰’d, d’ar dee tila Pool gə kɔri-ər, deḛ ndɔree d’ilá ŋgaŋloo’g d’ə̰ji ta meḛ dee’g pana: Yeḛ wəi mba̰.

Néra Njékaḭkulaje 14:2

Nɛ Jibje gə́ d’ɔm meḛ dee dɔ ta’g lə dee el lé pélé meḛ njépole-magəje d’ar meḛ dee adə dee dɔ Pool gə Barnabas’g.

Néra Njékaḭkulaje 14:5

Njétar-Alaje gə Jibje d’ɔm na̰’d gə mbaije lə dee mba ra sə dee majel tila dee gə kɔri-ər.

Néra Njékaḭkulaje 16:6

Ndilmeenda ɔg dee loo kila mber ta mee dəb ɓeeko̰ gə́ Asi. Togə́bè ɓa deḛ d’unda mee ɓee gə́ Prigi gə Galati gaŋg.

Néra Njékaḭkulaje 17:13

Nɛ loo gə́ Jibje gə́ Tesalonik d’oo to gə́ Pool ula njé gə́ Bere’g ta lə Ala lé ndá deḛ ree bəg boo-dəwje keneŋ ya tɔɓəi.

Néra Njékaḭkulaje 18:12

Mee ləb gə́ Galio̰ to ne njeguburuɓee gə́ Akai lé Jibje d’ḭ d’ɔm na̰’d téréré d’ḭ gə Pool d’wá d’aw səa loo-gaŋg-rəwta’g

Néra Njékaḭkulaje 2:9

Jeḛ n’toje Partəje gə Medəje gə Elamje ləm, gə deḛ gə́ d’ḭ Mesɔpotami gə Jude gə Kapadɔs gə Po̰t gə Asi

Néra Njékaḭkulaje 20:19

M’ula dɔm m’ra ne né m’ar Mbaidɔmbaije ləm, m’isi gə mán-no̰ kəm’g dan né gə́ naam’g loo kumum rəw’g lə Jibje ləm tɔ.

Néra Njékaḭkulaje 24:11

To tamaḭ el, i a dəji gée koo gəd ya, as ndɔ dɔg-giree-joo gə́ kédé lé ɓa ma m’ḭ m’aw Jerusalem’g gə mba kwa Ala məəm’g ya.

Néra Njékaḭkulaje 24:18

Yee gə́ bèe ɓa Jibje gə́ na̰je gə́ Asi d’iŋgam ne mee kəi-Ala’g gə rɔm gə́ ɔr ɓə̰dərə-ɓə̰dərə ya, ɓó teḛ yao-yao əsé kaw dɔ na̰’d pum-pum lé to gə́ néram’g lé el.

Néra Njékaḭkulaje 26:21

Gelee gə́ nee ɓa Jibje d’wam ne mee kəi-Ala saŋg rəw gə mba kam m’udu ne bo̰ gə mbəa ya.

Néra Njékaḭkulaje 4:3

D’ur dɔ dee’g d’wa dee ɓugu dee daŋgai’g saar bèlè mbata kàr godo ŋga.

Néra Njékaḭkulaje 5:18

Deḛ d’uba naŋg d’ḭ d’ɔm na̰ dɔ njékaḭkulaje’g twa dee ɓugu dee daŋgai’g dan mee ɓee’g.

Néra Njékaḭkulaje 6:12

Ta gə́ pa lé deḛ pələ ne meḛ koso-dəwje ləm, gə meḛ ŋgatɔgje ləma, gə meḛ njéndaji-maktubje ləm tɔ, ar dee ɓugu na̰ dəa’g d’wá d’aw ne səa loo-gaŋg-rəwta’g lə Jibje.

Néra Njékaḭkulaje 6:9

Njé gə́ na̰je gə́ to barkəm njékwa dɔ na̰je gə́ deḛ ɓar dee Ŋgankojije ləm, gə mbuna barkəm njékwa dɔ na̰je gə́ Sirèn’g gə Aleja̰drə ləma, gə Jibje gə́ Silisi gə Asi ləm tɔ lé d’unda na̰’d bura maḭta gə Etien.

2 Njé gə́ Kɔrḭtə 11:26

Loo mbá gə́ m’aw bula lé m’uru ta yoo’g dan baa’g ləm, m’uru ta yoo’g dan gayim-ɓogoje’g ləm, m’uru ta yoo’g dan njékama’g ya ləm, m’uru ta yoo’g mbuna njépole-magəje’g ləm, m’uru ta yoo’g dan ɓee-booje’g ləm, m’uru ta yoo’g dɔdilaloo’g ləm, m’uru ta yoo’g dan mán bélm’g ləma, m’uru ta yoo’g mbuna njétakorije’g gə́ turu rɔ dee gə́ njénojije ləm lé ləm tɔ.

1 Njé gə́ Tesalonikə 2:16

Deḛ d’ɔg sí loo kula njépole-magəje ta mba kar dee d’iŋga ne kaji, yee ɓa kaiya lə dee uba ne dɔ na̰ ɓul-ɓul rusu loo ya. Nɛ oŋg lə Ala lé uba dee naŋg bus wa dee mba̰.