Néra Njékaḭkulaje 21:24 - Maktub gə́ To gə Kəmee

²⁴ Maji kari ɔr némina̰ rɔi’g sə dee na̰’d ndá i nja a ndogo né kar dee ndisa ne dɔ dee mbɔji. Togə́bè dəwje lai d’a kooi gə́ njekaa dɔ godndu lé kər-kər ndá d’a koo ta gə́ dəwje təd d’ɔm tai’g lé gə́ taŋgɔm ya.

Néra Njékaḭkulaje 21:24 ပူးပေါင်းရင်းမြစ်များ

Maktub gə́ wɔji dɔ Jɔb 1:5

Loo gə́ ndɔ muru-gadje lé dəs mba̰ ndá Jɔb ɓar ŋganeeje ree unda dee gə kəmee, tɔɓəi yeḛ uba naŋg ḭta gə ndɔ rad inja nékinjaməs gə́ ka̰ roo mbata lə dee kára-kára lai. Mbata Jɔb pana: Banelə ŋgan neḛje ra kaiya d’ar meḛ dee ɔs gel gə Ala. Yee ɓa gə́ né gə́ Jɔb ra ta-ta ya.

Maktub gə́ wɔji dɔ Jɔb 41:25

Dɔ naŋg neelé béeje kára kara godo keneŋ ləm, D’undá d’aree ɓəl né kára kara el ləm tɔ.

Teḛ-Raga 19:10

Tɔɓəi Njesigənea̰ ula Moyis pana: Aw rɔ koso-dəwje’g neelé ar dee d’unda rɔ dee gə kəmee mba ndɔ gə́ ɓogənè gə bèlè ləm tɔ ndá maji kar dee togo kubuje lə dee tɔ.

Teḛ-Raga 19:14

Moyis ḭ dɔ mbal’g risi ur naŋg aw rɔ koso-dəwje’g lé, yeḛ ar koso-dəwje lé d’unda rɔ dee gə kəmee ləm gə togo kubuje lə dee ləm tɔ.

Bula lə Israɛlje 6:13

Godndu gə́ wɔji dɔ dəw gə́ unda rəa gə kəmee ar Njesigənea̰ lé ɓa nee: Loo gə́ ndɔje gə́ yeḛ wɔji mba kɔr ne rəa kunda gə kəmee lé as lé mba̰ ndá d’a ree səa tarəw kəi-kubu-kiŋga-na̰’g.

Bula lə Israɛlje 6:18

Njekunda rəa gə kəmee kar Njesigənea̰ neelé a ndisa dəa gə́ to gə kəmee lé tarəw kəi-kubu-kiŋga-na̰’g ndá yeḛ a kodo yiŋga dəa gə́ to gə kəmee doi neelé kɔm pər’d gə́ to gel nékinjaməs gə́ ka̰ kɔm na̰’d sad’g lé.

Bula lə Israɛlje 6:5

Ndɔje lai gə́ yeḛ ɔr rəa unda gə kəmee lé d’a ndisa yiŋga dəa bur el ya saar kar ndɔ gə́ yeḛ ɔr ne rəa unda gə kəmee mbata lə Njesigənea̰ lé as mba̰ ndá yeḛ a to dəw gə́ to gə kəmee doi ləm, yeḛ a kya̰ yiŋga dəa karee idi ŋgal pɔ-pɔ ɓəi ləm tɔ.

Bula lə Israɛlje 6:9

Ɓó lé dəw oso mbɔree’g vad wəi ɓa ar dəa gə́ to gə kəmee lé tel mina̰ ne ndá ndɔ kɔr gəm dəa’g lé yeḛ a ndisa dəa, yeḛ a ndisa gə́ ndɔ gə́ njekɔm’g siri lé ya.

Tagə́maji gə́ Ja̰ ndang 11:55

Ndɔ naḭ Pag lə Jibje nai dəb. Koso-dəwje bula d’ḭ ɓee-booje lə dee d’aw Jerusalem gə mba kɔr won kaiya lə dee kédé ɓa mba kar ndɔ naḭ Pag lé teḛ ɓəi.

Tagə́maji gə́ Ja̰ ndang 3:25

Yen ŋga njékwakila Ja̰je maḭ gə Jib kára bèe dɔ ta togo won néje’g.

Néra Njékaḭkulaje 18:18

Pool nai Korintə ndəa bula bəl. Gée gə́ gogo yeḛ ra ŋgako̰ na̰je lapia ɓa uru mee bato’g gə mba kaw Siri gə Prisil gə Akilas na̰’d. Kédé ɓa karee uru mee bato’g ɓəi yeḛ ndisa dəa mee ɓee gə́ Sa̰kre mbata ndukun gə́ yeḛ un lé.

Néra Njékaḭkulaje 21:26

Yen ŋga Pool ɔr dəwje neelé ɔr némina̰ rəa’g sə dee na̰’d. Tɔɓəi bèlè lookàree yeḛ aw sə dee mee kəi-Ala’g wɔji ne rudu ndɔ kɔr némina̰ rɔ dee’g ɓa d’a gə ree gə nékinjanéməsje gə́ wɔji dɔ dee kára-kára lai ɓəi.

Néra Njékaḭkulaje 24:18

Yee gə́ bèe ɓa Jibje gə́ na̰je gə́ Asi d’iŋgam ne mee kəi-Ala’g gə rɔm gə́ ɔr ɓə̰dərə-ɓə̰dərə ya, ɓó teḛ yao-yao əsé kaw dɔ na̰’d pum-pum lé to gə́ néram’g lé el.

1 Njé gə́ Kɔrḭtə 9:20

Mbuna Jibje lé ma m’tel rɔm gə́ Jib ɓó gə mba kiŋga ne Jibje. Mbuna deḛ gə́ d’isi gin godndu Moyis’g lé ma gə́ m’to gə́ gin godndu’g neelé el lé m’tel m’oso gin godndu’g ɓó gə mba kiŋga ne deḛ gə́ d’isi gin godndu’g lé tɔ.

Njé gə́ Galati 2:12

Tɔgərɔ ya, loo gə́ dəwje gə́ Jak ula dee lé ree el ɓəi ndá Képas si ta nésɔ’g gə njépole-magəje na̰’d, nɛ loo gə́ deḛ ree mba̰ ndá yeḛ sa rəa rəw mbata yeḛ ɓəl kəm njékḭja tamɔd deeje lé.

Njéga̰g-Rəwtaje 13:5

Mbata i a gə taa kèm ndá a koji ŋgon gə́ diŋgam. Nɛ yiŋga a kinja dəa bur el mbata ŋgon neelé d’a kundá gə kəmee kar Ala loo gə́ yeḛ nai ne mee kea̰je’g ya ɓəi, yeḛ neelé a to njekun kudu kɔr Israɛlje ji Pilistije’g kɔm dee tar.