Néra Njékaḭkulaje 21:19 - Maktub gə́ To gə Kəmee

¹⁹ Yeḛ ra dee lapia mba̰ ɓa yeḛ ɔr sor néje lai-lai gə́ Ala ra mbuna njétareeje’g gə goo kula’g ləa lé.

Néra Njékaḭkulaje 21:19 ပူးပေါင်းရင်းမြစ်များ

Matiyo 23:7

Deḛ ndigi kar dəwje ra dee lapia loo-suk’d ɓar dee ne pana: Mbai, mbai.

Néra Njékaḭkulaje 1:17

Yeḛ neelé deḛ turá sə sí na̰’d ləm, yeḛ si sə sí na̰’d loo kula ra sí’g ləm tɔ.

Néra Njékaḭkulaje 14:27

Loo gə́ deḛ teḛ Antiɔs mba̰ ndá deḛ d’ula kula ɓar Eglisəje d’ar dee d’wa dɔ na̰, tɔɓəi deḛ d’ɔr gin néje lai gə́ Ala ra sə dee d’ar dee d’oo ləm, d’ula dee ta loo rəw gə́ yeḛ ɔr ar njépole-magəje d’un ne meḛ dee ləm tɔ.

Néra Njékaḭkulaje 15:12

Dəwje lai gə́ mbo̰ dɔ na̰ lé d’isi ndiŋ d’ur mbi dee d’oo ne ta gə́ Barnabas gə Pool d’ula dee, d’wɔji ne dɔ némɔrije lai gə nédumkooje gə́ Ala ar dee ra mbuna njétareeje’g lé.

Néra Njékaḭkulaje 15:4

Loo gə́ deḛ teḛ Jerusalem mba̰ ndá Eglisə ləm, gə njékaḭkulaje ləma, gə ŋgatɔgje ləm tɔ lé d’wa dee gə́ rɔ dee’g ɓa, d’ɔr sor néje lai gə́ Ala ra sə dee d’ar dee d’oo.

Néra Njékaḭkulaje 20:24

M’ra né kára kara gə mba taa ne rɔm el ləm, m’oo rɔm gə́ né gəd kəm dɔ’g el ləm tɔ. Né gə́ wa məəm lé kɔr suna rəw ləm gə meendakaḭ ləm, gə tɔl ta kula gə́ Mbaidɔmbaije Jeju ɔm jim’g, am m’ula dee ne tagə́maji gə́ wɔji dɔ noji lə Ala lé ləm tɔ lé yee ɓa gə́ né gə́ wa məəm ya.

1 Njé gə́ Kɔrḭtə 15:10

Nɛ noji lə Ala ɓa m’to ne dəw gə́ togə́bè, noji gə́ yeḛ wa səm lé tel to né gə́ gə mḭdé rɔm’g el. Ta gə́ kɔl ɓa nee: Ma m’ra kula m’unda deḛ lai ya, nɛ noji lə Ala gə́ to məəm’g ɓó to ma ɓa gə dɔrɔm el.

2 Njé gə́ Kɔrḭtə 12:12

Néramje gə́ d’ɔr gin rɔm to gə́ ma m’to njekaḭkula gə́ gəd lé nduba rɔ dee gə́ raga kəm sí’g d’ar sí ooje loo gə́ m’ai məəm sam-sam dan né gə́ rara gə́ naam lé ləm, m’ra nédumkooje gə nésiŋgamoŋje, gə némɔrije ləm tɔ.

2 Njé gə́ Kɔrḭtə 6:1

To gə́ jeḛ n’ra kula na̰’d gə Ala lé jeḛ ndəji sí mba kar noji lə Ala gə́ seḭ iŋgaje lé a teleeje gə́ né gə́ gə mḭdé ba el.

Njé gə́ Kolosə 1:29

Yee ɓa, m’ra ne kula m’təd ne loo, gə goo siŋgamoŋ ləa gə́ yeḛ ula məəm’g ɔsm ne ɓɔḭ-ɓɔḭ.