Néra Njékaḭkulaje 21:11 - Maktub gə́ To gə Kəmee

¹¹ Yeḛ ree rɔ sí’g ndá un ndar lə Pool tɔ ne gɔlee gə jia-yeḛ ya ɓa tel pana: Aa ooje, ta gə́ Ndilmeenda riba dəa lé ɓa nee: Dəw gə́ njendar neelé Jibje d’a teá ne togə́bè Jerusalem’g ɓó gə kulá ne ji njépole-magəje’g ya.

Néra Njékaḭkulaje 21:11 ပူးပေါင်းရင်းမြစ်များ

1 Mbaije 22:11

Sedesias, ŋgolə Kenaana, léḛ larndul ndaji ne gaji daje ndá yeḛ pa ne pana: Njesigənea̰ pa togə́bè pana: Gaji daje neelé ɓa i a tɔl ne Aramje saar kar dee godo.

Esai 20:2

mee ndəa’g neelé ɓa Njesigənea̰ pata ar Esai, ŋgolə Amots pana: Aw ɔr kubu-kwa-ndòo reŋgi’g ləm, gə ɔr négɔl gɔli’g ləm tɔ. Ndá yeḛ aw ra togə́bè ya tɔ ndá njaa ne kudee dum ləm, gə gɔlee kari ba ləm tɔ.

Jeremi 19:1

Njesigənea̰ pa togə́bè pana: Aw rɔ njekubajo’g aw ndogo səa jo. Ar ŋgatɔgje lə koso-dəwje ləm, gə ŋgatɔgje lə njékinjanéməsje ləm tɔ d’aw səi na̰’d.

Ojee 12:10

Nɛ ma nja m’to Ala lə sí gə́ Njesigənea̰, Un kudee mee ɓee gə́ Ejiptə’g, M’a kar sí síje mee kəi-kubuje’g To gə́ mee ndɔ ra naḭje’g bèe.

Tagə́maji gə́ Ja̰ ndang 18:1

Loo gə́ Jeju pata néje nee mba̰ ndá yeḛ ɔr njékwakiláje gaŋg sə dee nia̰ gə́ ria lə Sedro̰ teḛ sə dee loo gə́ deḛ ma̰a kagje keneŋ lé, deḛ gə njékwakiláje d’aw mee kagje’g neelé.

Néra Njékaḭkulaje 13:2

Loo gə́ d’wa dɔ na̰ gə mba kwa Mbaidɔmbaije meḛ dee’g, d’ɔg ne meḛ dee ɓoo keneŋ ndá Ndilmeenda ula dee pana: Maji kar sí ɔrje Barnabas gə Sool unda deeje gə kəmee loo kula gə́ m’ɓar dee keneŋ lé.

Néra Njékaḭkulaje 16:6

Ndilmeenda ɔg dee loo kila mber ta mee dəb ɓeeko̰ gə́ Asi. Togə́bè ɓa deḛ d’unda mee ɓee gə́ Prigi gə Galati gaŋg.

Néra Njékaḭkulaje 20:23

Nɛ gə ɓee-ɓee lai lé Ndilmeenda ulam keneŋ təsərə pana: Kula tɔm ləm, gə nékəmndoo gə́ a gə ram lé to ŋginam ya.

Néra Njékaḭkulaje 21:33

Yen ŋga ɓé-njérɔje ree pər gə́ rəa’g ubá wá ar dee teá gə kúla lar gun joo. Tɔɓəi yeḛ dəji pana: See yeḛ to gə́ nawa əsé kula rəa to ɗi wa.

Néra Njékaḭkulaje 21:4

J’iŋga njékwakiláje keneŋ ndá j’isi sə dee ndɔ sí siri. Ndilmeenda ɔs njékwakiláje budu ar dee d’ula Pool gə mba karee aw Jerusalem el.

Néra Njékaḭkulaje 22:25

Loo gə́ d’ɔr ndəi piao ndá Pool dəji njekɔrno̰ njérɔje gə́ tɔl-tɔl gə́ aar keneŋ lé pana: See d’un ndu dee d’ar sí gə mba kar sí kundaje dəw gə́ Rɔm gə́ ta wa dəa el ɓəi lé gə ndəi wa.

Néra Njékaḭkulaje 24:27

Loo gə́ ləb joo dəs ndá d’ar Porsius Pestus taa tor Pelis. Pelis ya̰ Pool daŋgai’g gə mba karee lel Jibje.

Néra Njékaḭkulaje 26:29

Pool tel ilá keneŋ pana: Nai lam bèe əsé kuree a kəw waga ɓəi kara ma m’ra ndòo rɔ Ala’g gə mba karee teli to gə́ ma bèe ya, i ɓa gə kari el nɛ deḛ lai gə́ d’isi d’oo ta ləm ɓogənè lé tɔ, nɛ kúla lar gə́ wam lé ɓa maji karee tibi mbɔri sí el.

Néra Njékaḭkulaje 28:17

Ndɔ gə́ njekɔm’g munda lé Pool ɓar ŋgatɔgje lə Jibje lé rəa’g. Loo gə́ d’wa dɔ na̰ ndá yeḛ ula dee pana: Ŋgakɔmje gə́ dəwje, ma lé m’ila ndɔl dɔ dəwje’g el ləm, gə dɔ néjiɓee’g lə ka síjeḛ el ləm tɔ nɛ deḛ d’wam d’ilam daŋgai ɓee gə́ Jerusalem ləm, d’ulam ne ji njé gə́ Rɔm’g ləm tɔ.

Néra Njékaḭkulaje 28:20

Gelee gə́ nee ɓa ma m’ɓar sí ne gə mba koo sí ne ləm, gə mba kula sí ne taree ləm tɔ. Ndukun gə́ Ala un ar Israɛlje gə́ m’unda məəm yel dɔ’g lé ya ɓa m’isi ne gə kúla lar gwɔsm’g gə mbəa.

Néra Njékaḭkulaje 28:25

Loo gə́ deḛ d’ḭ sa rɔ dee mbata d’ɔr kəm na̰ lé ndá Pool ila ta nee keneŋ kára pana: Ta gə́ Ndilmeenda ula ka síje gə ndu Esai njetegginta lé pa lée’g ya mbata yeḛ pana:

Néra Njékaḭkulaje 8:29

Ndilmeenda lé ula Pilibə pana: Aw kəmi gə́ kédé pər gə́ rɔ pusu’g neelé.

Néra Njékaḭkulaje 9:16

Tɔɓəi ma nja m’a tɔjee loo némeeko̰ gə́ a kiŋgá gə mbata lə no̰’m gə́ yeḛ a kunda lé karee oo gao ya ɓəi.

Njé gə́ Epesə 3:1

Gelee gə́ nee ɓa, ma Pool m’to ne daŋgai lə Kristi mbata lə sí-seḭ njépole-magəje lé ...

Njé gə́ Epesə 4:1

Ma gə́ m’isi daŋgai’g mbata Mbaidɔmbaije lé ma m’ndəji sí bər-bər mba kar néra sí wa bua kula gə́ yeḛ ɓar sí keneŋ.

Njé gə́ Epesə 6:20

Yee ɓa ma m’to ne njenai gə dəwje mba Kristi nɛ m’isi gə kúla lar gwɔsm’g. Bèe ndá raje tamaji mba karm m’pa ne ta gə́ dum maḭ gə́ to kəm karm m’pa taree lé ya.

1 Timote 4:1

Ndil ɓa riba dəa təsərə pana: Ndəaje gə́ rudee a gə kun ɗiao lé njé gə́ na̰je d’a tusu meekun lə dee kya̰ mba kwa goo ndilje gə́ njésutaje ləm, mba kula rɔ dee mbiriri dɔ ta’g lə ndilje gə́ yèr ləm tɔ.

2 Timote 2:9

Yee ɓa, deḛ tɔm ne, d’am m’isi ne dan némeeko̰’g asəna gə njera néje gə́ majel bèe. Nɛ ta lə Ala lé ndá təa el.

Ǝbrəje 10:34

Tɔgərɔ ya seḭ ooje kəmtondoo lə daŋgaije ləm, loo gə́ deḛ tuji néje lə sí ndá seḭ raje rɔlel dɔ’g ləm tɔ mbata seḭ gərje gao, nébaoje lə sí gə́ maji unda gə́ to gə no̰ lé to gən.

Ǝbrəje 3:7

Gelee gə́ nee ɓa, goo ta gə́ Ndilmeenda pa lé: Ɓogənè lé ɓó lé seḭ ooje ndia

1 Piɛrə 1:12

Ala ɓa riba sə dee dəa ar dee gər gao, néje neelé to mbata lə dee-deḛ el nɛ to mbata lə sí-seḭ ɓa deḛ nja to gə́ njékɔrgoo tareeje ya. Ɓasinè deḛ gə́ Ndilmeenda gə́ ḭ dara ɔs dee ɓɔḭ-ɓɔḭ ɓa d’ɔr gée d’ila ne mber Tagə́maji d’ar sí. Kuraje gə́ dara kara ndiŋga rɔ dee gə mba koo néje neelé tɔ.