Néra Njékaḭkulaje 20:6 - Maktub gə́ To gə Kəmee

⁶ Jeḛ lé loo gə́ deḛ ra naḭ gə́ wɔji dɔ muru gə́ nétiee godo keneŋ lé ndá jeḛ j’ḭ j’uru mee bato’g Pilibə, j’aw saar as gə ndɔ sí mi ɓa j’iŋga dee Troas ɓəi. Lée neelé j’isi sə dee keneŋ as gə ndɔ sí siri tɔ.

Néra Njékaḭkulaje 20:6 ပူးပေါင်းရင်းမြစ်များ

Teḛ-Raga 23:15

Seḭ a raje naḭ gə́ wɔji dɔ muru gə́ lal əm-tiné, as ndɔ sí siri mee ndəaje gə́ seḭ wɔjije mee naḭ gə́ Abib lé seḭ a ko̰je muru gə́ lal əm-tiné, to gə́ m’a m’un ne ndum m’ar sí lé mbata to mee naḭ neelé ya ɓa seḭ undaje ne loo mee ɓee gə́ Ejiptə teḛje, tɔɓəi dəw kára kara a ree kaar nɔm’g gə jia kari ba el.

Teḛ-Raga 34:18

Seḭ a tɔsje kəm sí dɔ naḭ gə́ wɔji dɔ muru gə́ əm-tiné godo keneŋ lé, as ndɔ sí siri, mee ndɔje gə́ d’wɔji mee naḭ Abib’g lé seḭ a ko̰je muru gə́ əm-tiné godo keneŋ to gə́ ma m’un ne ndum m’ar sí lé mbata mee naḭ Abib’g lé ɓa seḭ undaje ne loo mee ɓee gə́ Ejiptə teḛje ya.

Néra Njékaḭkulaje 12:3

Tɔɓəi loo gə́ yeḛ oo to gə́ né neelé taa kəm Jibje rəgm ndá yeḛ ar dee d’wa Piɛrə. To ndɔ naḭ gə́ wɔji dɔ muru gə́ nétiee godo keneŋ lé.

Néra Njékaḭkulaje 16:10

Gée gə́ gogo gə́ Pool oo némḭdi neelé ndá léegəneeya jeḛ n’saŋg rəw gə mba kaw Masedoinə mbata jeḛ n’la̰ji meḛ sí’g to gə́ Mbaidɔmbaije ɓar sí mba kar sí j’aw j’ila mber tagə́maji keneŋ.

Néra Njékaḭkulaje 16:12

Jeḛ j’ḭ keneŋ j’aw Pilibə gə́ to ko̰ɓee lə dəb loo gə́ Masedoinə ləm, to loo-taa gə dɔ lə njé gə́ Rɔm ləm lé.

Néra Njékaḭkulaje 16:8

Togə́bè ɓa deḛ d’unda mee ɓee gə́ Misi ta badə gaŋg teḛ d’aw Troas.

Néra Njékaḭkulaje 20:16

Pool wɔji-kwɔji gə mba dəs Epesə tar lal kwa naŋg keneŋ mbata yeḛ ndigi kaw go̰-go̰ ɓeeko̰ gə́ Asi el. Yeḛ ɔs rəa ɓad gə mba kaw, ɓó lé banelə teḛ Jerusalem’g mba̰ ɓa ɓó gə kar ndɔ Pa̰dekɔt teḛ ɓəi.

Néra Njékaḭkulaje 20:5

Deḛ neelé d’aw no̰ sí’g kédé ŋgina sí Troas.

Néra Njékaḭkulaje 21:4

J’iŋga njékwakiláje keneŋ ndá j’isi sə dee ndɔ sí siri. Ndilmeenda ɔs njékwakiláje budu ar dee d’ula Pool gə mba karee aw Jerusalem el.

Néra Njékaḭkulaje 21:8

Bèlè lookàree j’ḭ keneŋ j’aw saar n’teḛ Sejare. Jeḛ j’aw kəi lə Pilibə gə́ to gə́ njekaw gə loo-loo kila mber tagə́maji lé. Yeḛ lé to njekɔm dee gə́ siri gə́ d’ɔr dee gə́ njékaa dɔ néje mee Eglisə gə́ Jerusalem lé ndá jeḛ n’to kəi ləa.

Néra Njékaḭkulaje 28:14

ɓa j’aw j’iŋga ŋgako̰ síjeḛ keneŋ. Deḛ ra ndòo rɔ sí’g mba kar sí j’isi sə dee as ndɔ sí siri. Bèe ɓa j’ḭ j’aw saar n’teḛ Rɔm ɓəi.

Njé gə́ Pilibə 1:1

Ma Pool, jeḛ gə́ Timote, kuraje lə Jeju Kristi lé jeḛ ndaŋg maktub neelé j’ar sí-seḭ gə́ toje gə kəmee gə́ ɔmje na̰’d gə Jeju Kristi gə́ sije Pilibə ləm, j’ar njékaa dɔ Eglisəje gə njékaa dɔ néje lə Eglisəje ləm tɔ.

1 Njé gə́ Tesalonikə 2:2

Seḭ gərje gao, to gə́ d’ila rɔkul dɔ sí’g d’ar rɔ sí ndiri ne njigi-njigi mee ɓee gə́ Pilibə nɛ jeḛ j’ɔm meḛ sí dɔ Ala’g, j’wa ne diŋgam meḛ sí’g mba kula sí ne tagə́maji lə Ala gə kəm ŋgon diŋgam dan néje gə́ d’ɔs kaar sí’g.

2 Timote 4:13

Loo gə́ i a gə ree ndá un kubu kul ləm gə́ m’ya̰ Troas ɓee lə Karpus ləm, odo maktubje ləm ləma, gə ndarje gə́ ka̰ ndaŋg maktub dɔ’g kara ləm tɔ.