Néra Njékaḭkulaje 20:4 - Maktub gə́ To gə Kəmee

⁴ Deḛ gə́ d’aw səa saar teḛ Asi lé ri dee ɓa to nee: Sopater, dəw gə́ Bere, ŋgolə Pirus ləm, gə Arisitarekə gə Səkund njé gə́ Tesalonik ləm, gə Gayus, dəw gə́ Derbə ləma, gə Timote gə Tisik gə Tropim gə́ to dəwje gə́ Asi lé ləm tɔ.

Néra Njékaḭkulaje 20:4 ပူးပေါင်းရင်းမြစ်များ

Néra Njékaḭkulaje 14:20

Nɛ njékwakiláje d’aḭ na̰ dəa’g yir ndá yeḛ uba naŋg ḭta ɔd uru mee ɓee’g. Bèlè lookàree yeḛ ḭ gə Barnabas na̰’d mba kaw Derbə.

Néra Njékaḭkulaje 14:6

Loo gə́ Pool gə Barnabas d’oo no̰ dee kédé ndá d’ḭ d’uru njo̰loo’g mee ɓeeje gə́ Likaoni ləm, gə Listrə ləm, gə Derbə ləma, gə ɓeeje gə́ gugu dɔ dee ləm tɔ.

Néra Njékaḭkulaje 16:1

Gée gə́ gogo yeḛ teḛ Derbə gə Listrə. Aa ooje, njekwakila kára si keneŋ gən ria lə Timote. Yeḛ to ŋgon lə Jib gə́ un mée nɛ bɔbeeje to Grek.

Néra Njékaḭkulaje 16:6

Ndilmeenda ɔg dee loo kila mber ta mee dəb ɓeeko̰ gə́ Asi. Togə́bè ɓa deḛ d’unda mee ɓee gə́ Prigi gə Galati gaŋg.

Néra Njékaḭkulaje 17:1

Pool gə Silas dəs gə rəw gə́ Ampipolis gə Apoloni d’aw saar teḛ Tesalonik, loo gə́ kəi-kwa-dɔ-na̰ lə Jibje to keneŋ.

Néra Njékaḭkulaje 17:13

Nɛ loo gə́ Jibje gə́ Tesalonik d’oo to gə́ Pool ula njé gə́ Bere’g ta lə Ala lé ndá deḛ ree bəg boo-dəwje keneŋ ya tɔɓəi.

Néra Njékaḭkulaje 19:29

Dəwje lai gə́ mee ɓee’g neelé d’aw dɔ na̰’g pum-pum. D’aḭ yao-yao ree mbo̰ dɔ na̰ kəi-koo-néndajije gə́ boo’g lé ndɔr Gayus gə Arisitarəkə gə́ to njé gə́ Masedoinə gə́ to njéboalookawje lə Pool lé keneŋ sə dee na̰’d.

Néra Njékaḭkulaje 2:9

Jeḛ n’toje Partəje gə Medəje gə Elamje ləm, gə deḛ gə́ d’ḭ Mesɔpotami gə Jude gə Kapadɔs gə Po̰t gə Asi

Néra Njékaḭkulaje 20:16

Pool wɔji-kwɔji gə mba dəs Epesə tar lal kwa naŋg keneŋ mbata yeḛ ndigi kaw go̰-go̰ ɓeeko̰ gə́ Asi el. Yeḛ ɔs rəa ɓad gə mba kaw, ɓó lé banelə teḛ Jerusalem’g mba̰ ɓa ɓó gə kar ndɔ Pa̰dekɔt teḛ ɓəi.

Néra Njékaḭkulaje 20:18

Loo gə́ deḛ teḛ rəa’g mba̰ ndá yeḛ ula dee pana: ndɔ gə́ dɔtar gə́ m’ila gɔlm Asi pà lé saar ɓasinè seḭ gərje néram gə́ m’ra ta-ta mbuna sí’g gao ya.

Néra Njékaḭkulaje 21:29

Deḛ pa togə́bè mbata kédé lé d’oo Tropim, dəw gə́ Epesə səa na̰’d mee ɓee’g, yee ɓa meḛ dee ndaji ta pana: Pool aree andə mee kəi-Ala’g ya.

Néra Njékaḭkulaje 27:2

Jeḛ j’uru mee bato gə́ ḭ Adramitə gə́ a gə kaw gə kaar koŋgo-koŋgo ɓeeko̰ gə́ Asi lé j’ɔd j’aw, Arisitarekə, dəw gə́ Masedoinə gə́ ɓee-kojee to gə́ Tesalonik aw sə sí na̰’d tɔ.

Njé gə́ Rɔmə 16:21

Timote, njeboakula ləm, deḛ gə Lusius, gə Jaso̰ gə Sosipater, njénojije ləm lé ra sí lapia.

Njé gə́ Rɔmə 16:23

Gayus, gə́ njekwam gə́ rəa’g lé ləm, gə́ ar Eglisəje lai mbo̰ dɔ na̰ kəi-mbá’g ləa ləm tɔ lé ra sí lapia. Erastə gə́ njeŋgəm lar gə́ mee ɓee’g neelé, deḛ gə Kartus, ŋgoko̰ sí lé deḛ ra sí lapia tɔ.

2 Njé gə́ Kɔrḭtə 1:1

Ma Pool, njekaḭkula lə Jeju Kristi gə́ Ala ɔree kəmee’g to gə́ mée wɔji, jeḛ gə Timote, ŋgoko̰ sí lé jeḛ ndaŋg maktub nee j’ar Eglisə lə Ala gə́ to Korintə ləm, j’ar deḛ gə́ to gə kəmee lai gə́ d’isi Akai ləm tɔ.

2 Njé gə́ Kɔrḭtə 1:19

Mbata Jeju Kristi, Ŋgon-Ala gə́ jeḛ gə Silbɛ̰ gə Timote j’ila mber ta ləa mbuna sí’g lé yee ɓa to ta gə́ ula sí na̰’d el nɛ ta ləa to njaŋg.

Njé gə́ Epesə 6:21

Tisik, ŋgoko̰ sí gə́ jeḛ j’undá dan kəm sí’g ləm, gə́ to majikula lə Mbaidɔmbaije ləm tɔ lé yeḛ nja ɓa a kula sí taje lai gə́ wɔji dɔm ləm, gə né gə́ ma m’isi m’ra ləm tɔ.

Njé gə́ Pilibə 2:19

Togə́bè ɓa, m’unda məəm yel dɔ Mbaidɔmbaije Jeju’g mba kar waga ɓa m’a koo loo kula Timote rɔ sí’g mba koo ne ta lə sí gə́ a kula diŋgam məəm’g.

Njé gə́ Kolosə 4:10

Arisitarekə, njeboadaŋgai ləm ra sí lapia. Mark, ŋgolə bɔ Barnabas gə́ ma m’ula sí ta gə́ wɔji dəa kédé lé yeḛ kara ra sí lapia tɔ. Ɓó lé yeḛ a kaw ɓee lə sí ndá maji kar sí wáje gə́ rɔ sí’g.

Njé gə́ Kolosə 4:7

Tisik, ŋgoko̰ sí gə́ j’undá dan kəm sí’g gə́ to majikula ləm, gə njeboakula ləm gin Mbaidɔmbaije’g ləm tɔ lé a kula sí ta néje lai gə́ wɔji dɔm ya.

1 Timote 1:1

Ma Pool, njekaḭkula lə Jeju Kristi gə goo torndu Ala Mbaikaji lə sí ləm, gə torndu Jeju Kristi, yeḛ gə́ j’unda meḛ sí yel gə́ dəa’g ləm tɔ lé

2 Timote 1:2

ma m’unda maktub nee m’ar Timote, ŋgonəm gə́ m’undá dan kəm’g. Maji kar noji gə meekɔrjol gə meelɔm gə́ ḭ rɔ Ala Bɔ síje’g ləm, gə rɔ Jeju Kristi Mbaidɔmbaije’g lə sí ləm tɔ lé nai səi ya!

2 Timote 4:12

M’a m’ula Tisik m’aree aw Epesə.

2 Timote 4:20

Erastə lé nai Korintə ləm, m’ya̰ Tropim Milet mbata yeḛ oso gə rɔko̰ keneŋ ləm tɔ.

Titə 3:12

Loo gə́ m’a kula Artemas əsé Tisik gə́ rɔi’g ndá maji kari ɔs rɔi ɓad ree iŋgam Nikopolis. Mbata ma m’wɔji mba si keneŋ naḭ kuli lé.

Piləmɔ̰ 1:24

Mark gə Arisitarekə gə Demas gə Lugu gə́ to njéboakulaje ləm lé rai lapia tɔ.

3 Ja̰ 1:1

Ma ŋgatɔg lé m’ndaŋg maktub nee m’ar Gayus gə́ m’undá dan kəm’g gə goo kankəmta lé.