Néra Njékaḭkulaje 20:31 - Maktub gə́ To gə Kəmee

³¹ Yen ŋga sije kəmba jəgəgə, arje meḛ sí olé dɔ ta gə́ ma m’ndəji sí kára-kára lai gə mán-no̰ kəm’g as ləb munda, dan kàrá gə loondul’g m’ar tam wəi el.

Néra Njékaḭkulaje 20:31 ပူးပေါင်းရင်းမြစ်များ

Ejekel 3:21

Nɛ ɓó lé ma m’ndəji njera né gə́ gə dɔ najee gə mba karee ra kaiya el ɓa yeḛ ra kaiya el ya tɔ ndá yeḛ a si kəmba mbata yeḛ ya̰ loo am m’ndəjee, bèe ɓa ma lé m’a taa ne rɔm ya.

Matiyo 13:25

Loo gə́ dəwje d’ɔm ɓi yəm ndá njeba̰ ləa aw ila haowa mée’g podé-podé ndá ɔd par aw.

Matiyo 3:7

Loo gə́ yeḛ oo Parisiḛje gə Saduseḛje bula ree rəa’g mba karee ra dee batɛm lé ndá yeḛ ula dee pana: Seḭ ŋgan li-meewaije, see na̰ ɓa ndoo sí mba kar sí aḭje oŋg gə́ a gə ree lé wa.

Lugu 21:36

Sije dɔkəji sí’g kəgəgə, raje tamaji lé ta-ta togə́bè ɓa loo gə́ néje neelé a teḛ ndá siŋga sí a kas gə mba kɔrje dɔ sí keneŋ ləm, seḭ a teḛ kaarje ne tar no̰ Ŋgon-dəw’g lé ləm tɔ.

Néra Njékaḭkulaje 19:10

Yeḛ ra togə́bè ləbee joo, ar deḛ lai gə́ d’isi dəb ɓeeko̰ gə́ Asi gə́ to Jibje gə Grekje lé d’oo ne ta lə Mbaidɔmbaije.

Néra Njékaḭkulaje 19:8

Gée gə́ gogo Pool andə aw mee kəi-kwa-dɔ-na̰’g ndá yeḛ aar keneŋ pata yororo-yororo. As naḭ munda yeḛ ɔr goo ta néje gə́ wɔji dɔ ɓeeko̰ lə Ala ula ne rəa ndubu gə mba kar deḛ gə́ d’oo ta ləa lé taa ta gə́ yeḛ ula dee lé rəgm.

Néra Njékaḭkulaje 20:11

Tɔɓəi yeḛ tel tuga loo gə́ kəmee gə́ tar ndá yeḛ təd muru o̰ ɓa yeḛ wɔji sə dee ta kuree əw ya saar ar loo àr ɓəi. Gée gə́ gogo yeḛ uba naŋg ḭ aw ɓəi.

Néra Njékaḭkulaje 20:19

M’ula dɔm m’ra ne né m’ar Mbaidɔmbaije ləm, m’isi gə mán-no̰ kəm’g dan né gə́ naam’g loo kumum rəw’g lə Jibje ləm tɔ.

Néra Njékaḭkulaje 20:7

Ndɔ gə́ doŋgɔr gə́ njekorè goo ndɔ-kwa-rɔ lé jeḛ j’wa dɔ na̰ gə mba gaji muru kar na̰. Pool gə́ bèlè a gə kḭ lé yeḛ ɔr ginta ar njékwakiláje ula dee ta yaa̰ saar ar dan loo bab.

Néra Njékaḭkulaje 24:17

Ma lé m’godo ɓee ləm as ləb bula ɓa m’tel m’ree gə mba kun né kwa ne noji gə njéndooje gə́ mee ɓee’g ləm ləm, gə mba kun né kar Ala ləm tɔ.

1 Njé gə́ Kɔrḭtə 4:14

Ta neelé ma m’ndaŋg gə mba kila ne rɔkul dɔ sí’g el: nɛ ma m’oo sí gə́ ŋganəmje gə́ m’unda sí dan kəm’g ɓa m’ndəji sí ne mbeḛ-mbeḛ gə mbəa.

Njé gə́ Pilibə 3:18

Mbata ma m’ula sí gɔl bula, nɛ m’a kula sí gɔl kára gə mán-no̰ kəm’g ɓəi tɔ, njé gə́ na̰je d’aw gə́ njéba̰je lə kag-dəs lə Kristi.

Njé gə́ Kolosə 1:28

Yeḛ nja ɓa j’ula sí ta ləa ləm, jeḛ n’tɔg ne dəwje lai ləma, jeḛ ndoo ne dəwje lai gə kəmkàree ləm tɔ gə mba kar deḛ lai tel ne maji d’ɔr njoroŋ gin Kristi’g ɓa j’aw ne sə dee no̰ Ala’g ɓəi.

1 Njé gə́ Tesalonikə 5:14

Ŋgako̰ síje, jeḛ n’ra ndòo rɔ sí’g ɓəi: maji kar sí ndəjije deḛ gə́ d’aw kori-kori ləm, ulaje diŋgam meḛ deḛ gə́ meḛ dee təd mán ləm, gədje njémeembɔrèje ləma, ilaje meḛ sí po̰ dɔ dəwje’g lai ləm tɔ.

2 Njé gə́ Tesalonikə 2:5

Loo gə́ ma m’nai sə sí ɓəi lé ma m’tɔji sí néje neelé ya, see meḛ sí olé dɔ’g el wa.

2 Njé gə́ Tesalonikə 3:8

Jeḛ j’usɔ né lə dəw kára kara kari ba el, nɛ jeḛ n’ra kula dan kàrá gə loondul’g, j’ula ne rɔ sí ndubu keneŋ n’dao ne mba kar dəw kára kara oo ne ndòo mbata lə sí el.

2 Timote 4:5

Nɛ i lé unda kəmkàr dɔ rɔi’g gə mba néje lai ləm, ai məəi sam-sam dan némeekonje’g ləm, ra kula gə́ wɔji dɔ kila mber Tagə́maji lé ləma, ɔr suna kula ləi lai lé ləm tɔ.

Ǝbrəje 13:17

Ilaje ŋgonkoji dɔ njékɔrno̰ síje’g gə́ d’aḭ bada dɔ sí’g, ḭje kalaŋ-kalaŋ no̰ dee’g, mbata loo gə́ d’a kula njea taree ndá d’a kulá gə ŋgaŋ kogo. Ɓó lé d’a kulá taree gə rɔkim ndá lé a maji dɔ sí’g el.

Loo gə́ killa rea kəm Ja̰’g 16:15

Aa ooje, m’a gə teḛ dɔ sí’g asəna gə njeɓogo gə́ teḛ wai bèe. Yeḛ gə́ si kəmba gə si gə kubu rəa’g ɓó aw gə kudee dum ba ar dee d’oo rɔkul ləa el ndá rəa a lelee yaa̰.