Néra Njékaḭkulaje 20:30 - Maktub gə́ To gə Kəmee

³⁰ njé gə́ na̰je mbuna sí-seḭ’g ya d’a kḭ gaŋgta badə-badə ndoo dəwje ɓó gə kɔr ne njékwakiláje kɔm dee ne goo dee’g ləm tɔ.

Néra Njékaḭkulaje 20:30 ပူးပေါင်းရင်းမြစ်များ

Gosota-Kəmkàrje 19:1

Njendoo gə́ njaa gə goo rəbee lé Maji unda njepa taŋgɔm gə́ to mbə-dəw.

Gosota-Kəmkàrje 23:33

Kəmi a to gə́ dɔ denéje gə́ raŋg ləm, Məəi a pata gə́ kori-kori ləm tɔ.

Esai 59:3

Mbata məs wa ji sí mbəgə-mbəgə ləm, Ŋgan ji sí ra néje gə́ majel ləm tɔ, Taŋgɔm rusu ta sí tub-tub ləm, Ndo̰ sí teḛ gə ta néra gə́ kori-kori ləm tɔ.

Loo gə́ killa rea kəm Daniel’g 11:34

Mee ndəaje gə́ d’a gə kwəi bèe neelé d’a la sə dee lam ba, tɔɓəi njé gə́ na̰je bula bəl d’a kɔm sə dee na̰’d gə ta gə́ ta dee’g ba.

Matiyo 23:15

Seḭ njéndaji-maktubje gə Parisiḛje gə́ toje njéhulaije lé meeko̰ a koso dɔ sí’g mbata seḭ aḭje dɔ baa-boo gə dɔ naŋg nee ulaje na̰’d sub-sub mba kiŋga dəw kára telee gə́ ka̰ sí-seḭ, loo gə́ seḭ teleeje ndá seḭ teleeje gə́ ŋgon ka̰ gehene gə́ ur dɔ sí-seḭ’g ya.

Néra Njékaḭkulaje 11:26

Loo gə́ yeḛ iŋgá mba̰ ndá yeḛ ɔree ree səa Antiɔs. As ləb kára doŋgɔ lé deḛ d’wa dɔ na̰ gə Eglisəje loo-kwa-dɔ-na̰je’g lə dee ndá deḛ ndoo dəwje bula né keneŋ. Ɓee gə́ Antiɔs lé to loo gə́ dɔtar gə́ deḛ d’unda ri njékwakiláje ɓar dee ne njétaamee-Kristije.

Néra Njékaḭkulaje 21:38

See i to dəw gə́ Ejiptə gə́ njekḭ gə njéko̰ɓeeje gogo nee kɔr gayim-dəwje tɔl-dɔg-loo-sɔ kaw sə dee gə dɔdilaloo’g lé el wa.

2 Njé gə́ Kɔrḭtə 11:13

Dəwje neelé to njékaḭkulaje gə́ ŋgɔm gə njékulaje gə́ d’ər kəm dəwje gə́ tel rɔ dee asəna gə njékaḭkulaje lə Kristi.

1 Timote 5:13

Kila tar ɓa gə́ néra dee gə karee el, nɛ deḛ to njékwɔjitaje ləm, gə njékun dɔ mar deeje gə loo-loo pa ne ta gə́ kəm pa el ləm tɔ.

1 Timote 6:5

gə maḭta gə́ gə mḭdé-mḭdé ləm tɔ. Deḛ gə́ ra togə́bè lé ndum ta ɓa wa meḛ dee, ar kankəmta kára kara uba meḛ dee təb el tɔ, dee tel ta kwa Ala mée’g gə goo rəbee lé tel to gə́ rəw nékiŋga ba.

2 Piɛrə 2:18

Deḛ d’un ta beeléje pa ne ta gə goo kaiya ra dee gə́ ula pər meḛ dee’g ɓa su ne kəm deḛ gə́ d’unda loo rad dan dəwje gə́ d’isi ndəm lé teḛ ya.

1 Ja̰ 2:19

Deḛ d’ḭ mbuna sí’g teḛ mba̰, nɛ deḛ to gə́ ka̰ síjeḛ el, mbata ɓó lé deḛ to gə́ ka̰ síjeḛ ndá d’a nai sə sí. Né neelé teḛ dɔ sí’g mba kar sí n’gər deḛ gə́ to gə́ ka̰ síjeḛ el təsərə.

2 Ja̰ 1:7

Mbata njésukəmlooje bula taa loo dɔ naŋg nee pəl-pəl. Deḛje neelé ta dee teḛ pana: Jeju Kristi lé ree naŋg nee gə darəa, deḛ pa bèe el. Dəw gə́ ra togə́bè lé to njesukəmloo ləm, yeḛ to Njendaji Kristi lé ləm tɔ.

Loo gə́ killa rea kəm Ja̰’g 2:6

Nérai kára gə́ taa kəm lé wɔji dɔ néra Nikolaitəje gə́ i oo dee gə́ né gə́ ram, ma kara m’oo dee gə́ né gə́ ram tɔ.