Néra Njékaḭkulaje 20:27 - Maktub gə́ To gə Kəmee

²⁷ Mbata torndu Ala lai lé ma m’wɔji sí ɓó m’kusu dəa kára kara bèe el.

Néra Njékaḭkulaje 20:27 ပူးပေါင်းရင်းမြစ်များ

Pakɔsje 32:11

Seḭ njémeekarabasurje lé Maji kar sí alje rɔ sí gin Njesigənea̰’g ləm, Sije dan boo-rɔkal’g ləm tɔ! Seḭ lai gə́ meḛ sí to kára ba sur lé Ɔrje ndu sí gə́ tar gə rɔlel!

Pakɔsje 40:10

Ma m’ila mber meekarabasur lé loo-mbo̰-dɔ-na̰ gə́ boo lə koso-dəwje, Aa oo, tam kara m’ndèm na̰’d el nja ɓəi, I Njesigənea̰ lé i gər gao ya tɔ.

Jeremi 23:22

Ɓó lé deḛ d’isi keneŋ D’oo takə̰ji lə neḛ ndá D’a kar taje lə neḛ Oso mbi koso-dəwje’g lə neḛ ləm, D’a kar dee d’ɔs badm tel Dɔ rəw-kawje’g lə dee gə́ majel ləma, Gə dɔ néra meeyèrje’g lə dee ləm tɔ.

Jeremi 26:2

Njesigənea̰ pa togə́bè pana: Aw aar tar gad-kəi’g lə Njesigənea̰’g ndá ula deḛ gə́ d’ḭ ɓee-booje lai gə́ Juda ree d’unda barmba mee kəi’g lə Njesigənea̰ lé taje lai gə́ m’un ndum mba kari ula dee lé, a kya̰ rɔta kára kara el.

Jeremi 34:6

Jeremi, njetegginta ula Sedesias, mbai gə́ Juda taje nee lai mee ɓee gə́ Jerusalem.

Jeremi 42:21

Ɓogənè ma m’ula sí njai ya nɛ seḭ unje mbi sí rəw dɔ ta’g lə Ala lə sí gə́ Njesigənea̰ lé ləm, gə dɔ néje gə́ yeḛ ulam mba karm m’ula sí lé ləm tɔ.

Ejekel 40:4

Dəw neelé ulam pana: I ŋgon-dəw lé maji kari aa loo gə kəmi ləm, tuga mbii oo ne ta ləm tɔ! I orè kəmi sḭ dɔ néje lai gə́ m’a gə tɔjii’g mbata deḛ ree səi loo gə́ nee’g mba karm m’tɔjii néje neelé. Néje lai gə́ a gə koo lé maji kari tegginee ar gel-bɔje lə Israɛl lai d’oo.

Matiyo 28:20

Ndoo deeje mba kar dee gər loo kaa dɔ néje lai gə́ m’un ndum m’ar sí lé. Aa ooje ma nja kara m’orè sə sí rəw na̰’d més saar ndɔ gə́ rudu naŋg nee a kun ɗiao.

Lugu 7:30

Nɛ Parisiḛje gə njéteggin godnduje lé mbad karee ra dee batɛm, d’ɔg ne loo né gə́ Ala wɔji gə mba kar dee lé saar tɔ.

Tagə́maji gə́ Ja̰ ndang 15:15

Ma m’ɓar sí kuraje ləm el mbata kura lé gər néra ɓéeje el. Nɛ ma m’ɓar sí baokuraje ləm mbata néje lai gə́ ma m’oo rɔ Bɔm’g lé ma m’riba dəa pərəg m’ar sí ya.

Néra Njékaḭkulaje 13:36

Dabid lé loo gə́ si gə kəmee ɓa un rudu kula ləa to gə́ mee Ala wɔji ɓəi ndá yeḛ wəi ar dee dubee dɔɓar keaje-je’g, ar darəa unda naŋg ndəs keneŋ ya.

Néra Njékaḭkulaje 2:23

Dəw neelé seḭ uláje ji njémeeyèrje’g, ɗareeje ne kaar kag’d, gə goo rəw gə́ Ala nja wɔji mée’g kédé gə́ dɔtar.

Néra Njékaḭkulaje 20:20

Seḭ gərje gao ma m’lɔm sə sí dɔ né gə́ njekorè sí més loo-kula’g lé el ləm, ma m’ɓəl ndəji sí əsé ndoo sí né raga kəm dəwje’g əsé mee kəije’g el ləm tɔ.

Néra Njékaḭkulaje 20:35

M’ra né ɓəd-ɓəd m’tɔji sí né gə mba kar kula raje gə́ togə́bè ɓa seḭ a kodoje ne yɔ-dəwje ləm, meḛ sí a kolé ne dɔ Mbaidɔmbaije Jeju gə́ yeḛ nja pana: Kun né kar lé to rɔlel unda taa né!

1 Njé gə́ Kɔrḭtə 11:23

Né gə́ ma m’ndoo sí lé m’taa rɔ Mbaidɔmbaije’g ya: Jeju Mbaidɔmbaije, mee tilee gə́ deḛ ndogee’g lé yeḛ un pil muru

2 Njé gə́ Kɔrḭtə 4:2

Nérɔkulje lai gə́ dəwje ra loo-ŋgəḭ lé jeḛ j’unda dee ɓad ləm, jeḛ n’ra goso el ləma, ta lə Ala kara jeḛ n’telee raŋg el ləm tɔ. Nɛ jeḛ n’riba dɔ kankəmta j’wɔji ne dɔ rɔ sí, j’ula taree meḛ dəwje’g kəm Ala’g.

Njé gə́ Galati 4:16

Kankəmta gə́ ma m’ula sí lé see yee ɓa m’tel m’to ne njeba̰ lə sí wa.

Njé gə́ Epesə 1:11

Mbɔl dɔ Kristi lé ɓa jeḛ n’tel n’to ne nédɔji ləa gə goo kuma̰ gə́ yeḛ nja kuma̰ sí mée’g kédé gə́ dɔtar, yeḛ nja ɓa unda ne néje lai gə goo nduree-nduree to gə́ mée wɔji

1 Njé gə́ Tesalonikə 2:4

Nɛ to gə́ Ala nja oo sí gə́ dəwje gə́ kəm kila mber Tagə́maji lé ɓa ɔm kula neelé ji sí’g ɓəi ndá jeḛ j’ɔr taree mba n’taa ne kəm Ala ya, yeḛ gə́ njenaa meekuru lə sí ɓó mba taa ne kəm dəwje ba el.

Jujé 8:35

Taje lai gə́ Moyis un ndia dɔ’g lé Juje tura kəm koso-dəwje gə́ Israɛl lai, kəm denéje, gə ŋganje, gə dəw-dɔ-ɓeeje’d gə́ njaa mbuna dee’g ləm tɔ lé ɓó ta kára kara gə́ yeḛ lal tura lé godo ya.