Néra Njékaḭkulaje 20:26 - Maktub gə́ To gə Kəmee

²⁶ Gelee gə́ nee ɓa ma m’ula sí ne təsərə ɓogənè ya, ɓó lé dəw kára mbuna sí’g tuji ndá ta məsee wa dɔm el.

Néra Njékaḭkulaje 20:26 ပူးပေါင်းရင်းမြစ်များ

2 Samel 3:28

Gée gə́ gogo Dabid oo taree ndá yeḛ pana: Ta kára kara wa dɔ neḛ no̰ Njesigənea̰’g mbata məs Abner, ŋgolə Ner lé el ləm, wa dɔ ɓeeko̰ lə neḛ kara el ləm tɔ.

Maktub gə́ wɔji dɔ Jɔb 16:19

Ɓasinè, njekɔrgoota ləm si dara mba̰ ləm, Njekɔrgoota ləm si dɔ looje gə́ ndəw’g ləm tɔ.

Jeremi 42:21

Ɓogənè ma m’ula sí njai ya nɛ seḭ unje mbi sí rəw dɔ ta’g lə Ala lə sí gə́ Njesigənea̰ lé ləm, gə dɔ néje gə́ yeḛ ulam mba karm m’ula sí lé ləm tɔ.

Tagə́maji gə́ Ja̰ ndang 12:17

Deḛ lai gə́ d’aar gə Jeju loo gə́ yeḛ ɓar Lajarə loo gə́ yeḛ to mee bwa-yoo’g ɓa aree unda loo teḛ dan njé gə́ d’wəi’g ɓəi lé deḛ d’ɔr ta ləa maji.

Tagə́maji gə́ Ja̰ ndang 19:35

Yeḛ gə́ oo né neelé gə kəmee lé ɔr goo taree ar takɔr ləa to gə́ kankəmta ya, yeḛ gər gao to gə́ yeḛ pa kankəmta ya gə mba kar sí ɔmje meḛ sí dɔ’g tɔ.

Néra Njékaḭkulaje 18:6

Nɛ Jibje d’ɔsee ŋgərəŋ tajee tila yoo dəa’g. Yen ŋga Pool sugu kubu ləa bugu-bugu ula dee pana: Maji kar məs sí ɔm dɔ sí-seḭ’g ya. Ma ɓa yḛ̀ ta ləm godo ya ŋga. Un kudee ɓasinè lé m’a kḭ kaw gə́ rɔ njépole-magəje’g ŋga.

Njé gə́ Rɔmə 10:2

Mal kwa Ala meḛ dee’g ra dee ŋgwɔd-ŋgwɔd, yee ɓa ma m’oo ginee gao, nɛ deḛ ra gə kəmkàree el.

2 Njé gə́ Kɔrḭtə 1:23

Ala nja gə́ m’wa məəm’g to njekoogoo ta ləm ya: kaw gə́ m’aw Korintə el ɓəi lé to gə mba m’sa rɔm rəw ndɔr sí ne jan-jan ɓəi.

2 Njé gə́ Kɔrḭtə 7:2

Seḭ lé arje meḛ sí to tag mbata lə síjeḛ ya. Jeḛ j’ra majel gə dəw kára kara el ləm, j’ula sul dɔ dəw kára kara el ləma, jeḛ j’unda kəm dəw kára kara jibi n’taa ne né ləa el ləm tɔ.

2 Njé gə́ Kɔrḭtə 8:3

Tɔgərɔ ya, deḛ nja d’ḭ gə meḛ dee d’wa noji gə goo nékiŋgaje lə dee ləm, d’aree al dɔ rɔ dee ləm tɔ, am ma nja m’to gə́ njekɔrgootaree tɔ.

1 Timote 5:22

Maji kari ḭ rad ila jii dɔ dəw’g el ləm, ɔm məəi gə mari na̰’d sad loo-kaiya’g ləa el ləm tɔ, i lé tɔs kəmi dɔ rɔi’g mba kar məəi àr ŋgad-ŋgad.