Néra Njékaḭkulaje 20:19 - Maktub gə́ To gə Kəmee

¹⁹ M’ula dɔm m’ra ne né m’ar Mbaidɔmbaije ləm, m’isi gə mán-no̰ kəm’g dan né gə́ naam’g loo kumum rəw’g lə Jibje ləm tɔ.

Néra Njékaḭkulaje 20:19 ပူးပေါင်းရင်းမြစ်များ

Pakɔsje 119:136

Man-no̰ ruba kəm’g asəna gə kəm-rəw-mán gə́ aḭ kuji-kuji bèe Mbata dəwje d’aa dɔ godndui el.

Jeremi 13:17

Ɓó lé seḭ ooje ta el ndá N’a no̰ gə goo ŋgəḭ mbata beelé lə sí, Man no̰ a ruba kəm neḛ’g pɔ-pɔ, Mbata koso-dəwje gə́ to nékulje Le Njesigənea̰ lé d’a kaw sə dee ɓee-ɓər’g.

Jeremi 9:1

Wai! Lée m’iŋga ŋgon Kəi-to-mbàje dɔdilaloo’g ndá M’a kuba koso-dəwje ləm kya̰ dee kaw əw keneŋ! Mbata deḛ lai to njémɔdkaiyaje ləm, Deḛ to kudu dəwje gə́ njékun dɔ mar deeje ləm tɔ.

Lugu 19:41

Loo gə́ nai tḛ́ bèe gə mba kar dee teḛ mee ɓee’g lé ndá Jeju ila kəmee dɔ ɓee-boo’g neelé ndá no̰ gə mán kəmee dəa’g pana:

Tagə́maji gə́ Ja̰ ndang 12:26

Dəw gə́ rara ɓa ɓó lé ndigi ra né kam ndá maji karee un rəw goom’g, bèe ɓa loo gə́ m’a si keneŋ ndá lé neelé kura ləm a si səm keneŋ tɔ. Dəw gə́ rara ɓa ɓó lé ra né am ndá Bɔm a kila riɓar dəa’g ya.

Néra Njékaḭkulaje 17:13

Nɛ loo gə́ Jibje gə́ Tesalonik d’oo to gə́ Pool ula njé gə́ Bere’g ta lə Ala lé ndá deḛ ree bəg boo-dəwje keneŋ ya tɔɓəi.

Néra Njékaḭkulaje 17:5

Nɛ Jibje lé kəmkəḭ rusu meḛ dee njḭ-njḭ ar dee d’ɔr njémeeyèrje gə́ na̰je mbuna dalm-dəwje’g d’ɔm dee goo dee’g gə mba kar dee pələ meḛ dəwje d’ar dee d’aw dɔ na̰’d pum-pum ɓó gə kar ɓee ləŋg ne. Deḛ saŋg Pool gə Silas saar d’aw ɓee lə Jaso̰ mba kɔr dee kaw sə dee no̰ koso-dəwje’g.

Néra Njékaḭkulaje 20:3

Yeḛ si keneŋ naḭ munda. Nai lam bèe yeḛ a gə kuru mee bato’g gə mba kaw Siri ndá yeḛ oo no̰ Jibje gə́ d’umee rəw. Togə́bè yeḛ ɔs tel taa rəw gə́ Masedoinə.

Néra Njékaḭkulaje 20:31

Yen ŋga sije kəmba jəgəgə, arje meḛ sí olé dɔ ta gə́ ma m’ndəji sí kára-kára lai gə mán-no̰ kəm’g as ləb munda, dan kàrá gə loondul’g m’ar tam wəi el.

Néra Njékaḭkulaje 21:27

Ndɔ siri ləa nai dəb ndá Jibje gə́ d’ḭ Asi d’oo Pool mee kəi-Ala’g ndá d’ɔs kudu boo-dəwje lai ɓɔḭ-ɓɔḭ d’ar dee ɓugu na̰ dəa’g d’wá

Néra Njékaḭkulaje 27:23

Kura lə Ala gə́ dara gə́ ma m’to gə́ kea̰ ləm, m’wá məəm’g ləm tɔ lé teḛ dɔm’g təsərə loondul gə́ nee

Njé gə́ Rɔmə 1:1

Ma Pool, kura lə Jeju Kristi, gə́ Ala ɓarm undam gə́ njekaḭkula ləm, yeḛ ɔrm undam gə kəmee mba karm m’aw m’ila mber Tagə́maji lə Ala lé ləm tɔ.

Njé gə́ Rɔmə 1:9

Ala gə́ m’wa məəm’g gə ndiləm bura lé m’ila ne mber Tagə́maji lə Ŋgonee lé yeḛ nja to gə́ njekɔrkəmta ləm gə́ gəd mbata yeḛ oom to gə́ m’ɓar ri sí loo gə́ m’ra tamaji ləm ta-ta ləm,

Njé gə́ Rɔmə 12:11

Raje kula lə sí gə rɔ sí bura ɓó raje dab dɔ’g el. Arje ndil sí ɔs pər keneŋ jəgəgə ya. Raje né arje Mbaidɔmbaije.

2 Njé gə́ Kɔrḭtə 2:4

Tɔgərɔ ya, ma m’isi dan boo-némeeko̰’g ləm, kaarm to ne kəgəgə ləma, kəm təd ne mán-no̰ mbiriri ləm tɔ, yee ɓa ma m’ndaŋg ne maktub m’ar sí mba kar sí gərje gao ma m’ndigi sí gə məəm gə́ ɔr jol-jol ya ɓó gə mba ra sə sí nékəmndoo el.

2 Njé gə́ Kɔrḭtə 3:5

Jeḛ lé j’askəm kwɔji né kára kara gə dɔrɔ sí el nɛ né gə́ rara gə́ to rɔ sí’g lé ḭ rɔ Ala’g ya.

2 Njé gə́ Kɔrḭtə 7:5

Tɔgərɔ ya, un kudee mee ndəa gə́ jeḛ n’teḛ Masedoinə lé j’oo loo kwa rɔ sí ndɔ kára kara el. Néje ɓəd-ɓəd ɔs kaar sí: rɔ to né gə́ raga ləm, ɓəl to né gə́ meḛ sí’g ləm tɔ.

Njé gə́ Galati 1:10

Ɓasinè lé see dəwje ɓa ma m’saŋg loo mba kar dee d’ɔr ta ləm maji əsé Ala wa. See ma m’saŋg loo mba taa kəm dəwje wa. Ɓó lé m’ra né mba taa ne kəm dəwje ɓəi ndá m’a to kura lə Kristi el.

Njé gə́ Epesə 6:7

Raje kula ar deeje gə meḛ sí gə́ kára ba to gə́ seḭ raje arje Mbaidɔmbaije ɓó arje dəwje ba el,

Njé gə́ Pilibə 3:18

Mbata ma m’ula sí gɔl bula, nɛ m’a kula sí gɔl kára gə mán-no̰ kəm’g ɓəi tɔ, njé gə́ na̰je d’aw gə́ njéba̰je lə kag-dəs lə Kristi.

Njé gə́ Kolosə 3:24

mbata seḭ gərje gao, seḭ a kiŋgaje nénduba ji Mbaidɔmbaije’g gə́ nékoga dɔ ji sí lé. Raje né arje Kristi Mbaidɔmbaije lé tɔ.

1 Njé gə́ Tesalonikə 1:9

Kwa gə́ seḭ wa síje gə́ rɔ sí’g ləm, gə meekun lə sí gə́ seḭ unje arje Ala ləma, gə kya̰ gə́ seḭ ya̰je goo magəje lə sí mba kwa Ala gə́ tɔgərɔ gə́ njesikəmba meḛ sí’g ləm tɔ lé yee ɓa dəwje lai d’ɔr soree ya.

2 Timote 1:4

Meem to kəmba dɔ mán-no̰ gə́ kəmi’g ndá ma m’ndiŋga rɔm mba koo kəmi mba kar dɔ rɔlel ləm ɔr ne njal.

Maktub gə́ Jak ula ne ar ngan-Allaje 1:2

Ŋgakɔmje, néje gə́ kədərə ɓəd-ɓəd gə́ naa sí lé maji koo deeje gə́ nérɔlel ya,

1 Piɛrə 1:6

Yee ɓa ɓó lé néje ɓəd-ɓəd naa sí ɓasinè ar meḛ sí o̰ sí waga kara rɔ sí lel sí ne

2 Piɛrə 1:1

Ma Simo̰ Piɛrə, kura lə Jeju Kristi ləm, gə njekaḭkula ləa ləm tɔ. Ma m’ndaŋg maktub nee m’ar deḛ gə́ mbɔl dɔ meekarabasur lə Ala lə sí gə ka̰ Mbaikaji Jeju Kristi lé to ne njéboameekunje lə sí ya.

Loo gə́ killa rea kəm Ja̰’g 7:15

Gelee gə́ nee ɓa d’aar ne no̰ kalimbai’g lə Ala, deḛ d’wa ne səa bua kula dan kàrá gə loondul’g mee kəi-siée’g ya. Yeḛ gə́ si kalimbai’g lé a la kəi-kubu ləa dɔ dee’g.