Néra Njékaḭkulaje 2:7 - Maktub gə́ To gə Kəmee

⁷ Kaar dee wa dee paḭ-paḭ ar ɓəl ra dee kədm-kədm ndá d’ula na̰ pana: Aa ooje, dəwje nee gə́ pata lé see deḛ lai to gə́ njé gə́ Galile el wa.

Néra Njékaḭkulaje 2:7 ပူးပေါင်းရင်းမြစ်များ

Matiyo 21:11

Boo-dəwje tel d’ila dee keneŋ pana: To Jeju, njetegginta gə́ Najaret mee ɓeeko̰ gə́ Galile.

Matiyo 26:73

Waga ndá deḛ gə́ d’aar mbɔree’g dəb lé pana: Tɔgərɔ ya, i lé to ka̰ dee-deḛ nja mbata tapai ɓa ɔr gini ar sí n’gəri ne təsərə ya.

Matiyo 8:10

Loo gə́ Jeju oo tapea ndá kaaree wá paḭ aree ula deḛ gə́ ndɔm na̰ gée’g lé pana: Ma m’ula sí təsərə, mee ɓee gə́ Israɛl’g ya kara ma m’iŋga boo-meekun gə́ togə́bè kəm kára el ɓəi.

Mark 1:27

Deḛ gə́ d’aar keneŋ lé ta igi dee sel, d’aar jim. Tɔɓəi d’ula ta dee dəji na̰ mbuna na̰’d pana: See né neelé to gə́ ri ɓa bèe wa. See to ta gə́ sigi wa. Yeḛ nja ɓa wa ta ndilje gə́ yèr kara ar dee tel rɔ dee goo ta’g ləa.

Mark 2:12

Léegəneeya dəw neelé ḭta un nétée ɔd aw ne raga kəm dee’g təsərə ndá kaar dee wa dee paḭ ar dee tel pidi Ala pana: Jeḛ j’ooje né gə́ togə́bè kédé gɔl kára nda̰ el ɓəi.

Tagə́maji gə́ Ja̰ ndang 7:52

Deḛ tel d’ilá keneŋ pana: See i to gə́ dəw gə́ Galile’g tɔ ŋga wa. Woḭ mee maktub oo mbata njetegginta kára kara a kḭ Galile el.

Néra Njékaḭkulaje 1:11

ndá dəji dee pana: Seḭ dəwje gə́ Galile, see ban ɓa aar aaje loo gə́ dara sɔmɔmo̰ bèe wa. Jeju lé gə́ d’unee dan sí’g d’aw səa dara gə́ seḭ éeje lé pia gə́ a gə kḭ dara tel ree nja to kən.

Néra Njékaḭkulaje 2:12

Kaar dee wa dee paḭ ar takə̰ji dum dɔ dee ndá deḛ d’ula na̰ pana: See gelee ban ɓa togə́bè wa.

Néra Njékaḭkulaje 2:8

See to gə́ ban ɓa jeḛ j’oo ta ta dee’g gə ta koji sí koji sí bèe wa.

Néra Njékaḭkulaje 3:10

Deḛ gəree gə́ yeḛ gə́ si ta kəi-Ala’g gə́ d’unda ria lə Kura Yaa̰ kwɔi dəwje né gə kəmndoo lé ndá kaar dee wa dee paḭ ar ta igi dee sel dɔ né gə́ teḛ dəa’g neelé.