Néra Njékaḭkulaje 2:43 - Maktub gə́ To gə Kəmee

⁴³ Deḛ kára-kára lai meḛ dee to kərm ndá njékaḭkulaje ra néje gə́ dum kəm dəwje ləm, gə némɔrije ləm tɔ.

Néra Njékaḭkulaje 2:43 ပူးပေါင်းရင်းမြစ်များ

Este 8:17

Mee dəb ɓeeko̰je kára kára lai ləm, gə mee ɓee-booje kára kára lai ləm tɔ lé loo gə́ d’ila mber ndukun lə mbai keneŋ ndá loo gə́ mbuna Jibje’g lé rɔlel gə boo-rɔkal gə ra muru-gad gə ra naḭje ɓa to keneŋ ya. Tɔɓəi dəwje bula mbuna koso-dəwje gə́ mee ɓee’g tel rɔ dee gə́ Jibje mbata ɓəl gə́ deḛ ɓəl Jibje lé ɓa unda dee badə gaŋg dee tɔ.

Jeremi 33:9

Ɓee-boo neelé a to nérɔlel, gə népidi, gə nékula rɔnduba mbata ləm mbuna ginkoji dəwje gə raŋg lai dɔ naŋg nee gə́ d’a koo sor meemajije lai gə́ m’ra sə dee lé. Kaar dee a kwa dee paḭ kar dee d’unda bala mbata meemajije lai ləm, gə teḛ gə́ m’ar dee teḛkɔr ləm tɔ.

Ojee 3:5

Gée gə́ gogo ndá Israɛlje d’a tel ree rɔ Njesigənea̰’g tɔɓəi d’a ndolè goo Ala lə dee ləm, gə Dabid gə́ to mbai lə dee ləm tɔ. Mee ndɔje gə́ aw ree’g lé, deḛ d’a rəm pər gə́ rɔ Njesigənea̰’g ləm gə rɔ némeemajije’g ləa ləm tɔ gə kàr gəd ya.

Mark 16:17

Aa ooje, némɔrije gə́ a korè rəw gə deḛ gə́ d’a kɔm meḛ dee dɔ’g lé ɓa nee: Mbɔl dɔ rim ɓa d’a tuba ne ndilje gə́ yèr ləm, d’a pa ne tapa dəwje gə́ ɓəd-ɓəd ləma,

Lugu 7:16

Koso-dəwje lai neelé ɓəl unda dee badə gaŋg dee ar dee pidi Ala pana: Ŋgɔ-njetegginta gə́ dum ya to ŋga, unda loo teḛ mbuna sí’g. To Ala nja ɓa ila ne kəm koso-dəwje ləa toro’g.

Lugu 8:37

Yen ŋga njé gə́ mee ɓee gə́ Gerasaje lé lai to ta Jeju’g pəgə-pəgə, ra ndòo rəa’g gə mba karee sa rəa rɔ dee’g rəw gə́ raŋg mbata deḛ ɓəl kədm-kədm. Jeju uru mee to’g ɔs tel aw tɔ.

Tagə́maji gə́ Ja̰ ndang 14:12

Ma m’ula sí təsərə, yeḛ gə́ ɔm mée dɔm’g ndá néraje gə́ m’ra lé yeḛ a ra nja tɔ. Néraje gə́ ur dɔ njé gə́ nee kara yeḛ a ra ya tɔ mbata m’isi m’aw gə́ rɔ Bɔ-dəwje’g lé.

Néra Njékaḭkulaje 2:22

Seḭ Israɛlje, ooje ta neelé maji. Jeju gə́ Najaret, dəw nee gə́ Ala ɔr goo ta ləa kəm sí’g aree ra ne némɔrije ləm, gə nédumkooje ləma, gə nékunda rɔ ləa gə́ yeḛ unda ne kəm sí’g ləm tɔ lé to néje gə́ seḭ nja gərje gao ya.

Néra Njékaḭkulaje 4:33

Njékaḭkulaje lé d’ɔr goo ta teḛ dɔkumbwa’g lə Mbaidɔmbaije Jeju d’aree ɓar mḭ yaa̰. Deḛ lai d’isi dan boo-meekulɔm’g.

Néra Njékaḭkulaje 5:5

Loo gə́ ta neelé oso mbi Ananias’g ndá yeḛ oso naŋg vad wəi. Ɓəl unda deḛ lai gə́ d’oo né neelé badə gaŋg dee.

Néra Njékaḭkulaje 9:34

Piɛrə ulá pana: Enée, Jeju Kristi ajii mba̰, uba naŋg ḭta wa dɔ gɔl nétoi. Léegəneeya yeḛ uba naŋg ḭta ya tɔ.

Néra Njékaḭkulaje 9:40

Piɛrə ar dəwje lai teḛ ɗaga budu-budu ndá yeḛ ɔs kəjee naŋg ra ndòo rɔ Ala’g. Tɔɓəi yeḛ tel rəa gə́ dɔ nin’g ulá pana: Tabida, uba naŋg ḭta! Ndá yeḛ teḛ kəmee yərərə dɔ Piɛrə’g orè twa ḭ si tar.