Néra Njékaḭkulaje 2:39 - Maktub gə́ To gə Kəmee

³⁹ Mbata ndukun lé wɔji dɔ sí-seḭ ləm, gə dɔ ŋgan síje ləma, gə dɔ deḛ lai gə́ d’isi ŋgərəŋ, deḛ lai gə́ Ala lə sí a gə ɓar dee gə mbəa lé ləm tɔ.

Néra Njékaḭkulaje 2:39 ပူးပေါင်းရင်းမြစ်များ

Esai 44:3

Mbata m’a gə kɔm mán dɔ naŋg’d gə́ aw ndòo mán ləm, M’a kar ŋgira manje d’aḭ d’ɔm dɔ naŋg’d gə́ tudu kurum-kurum ləm tɔ, M’a kɔm ndiləm dɔ ginkojije’g lə sí ləm, M’a tɔr ndum dɔ ŋgan síje’g ləm tɔ.

Esai 54:13

Ŋganije lai gə́ diŋgam lé D’a to njekwakila Njesigənea̰-je ləm, Némajije d’a daa na̰ rɔ ŋganije’g lé rib-rib ləm tɔ.

Esai 57:19

M’a kar ta pidi oji na̰ ta dee’g. Meelɔm, meelɔm mbata deḛ gə́ d’isi əw Gə deḛ gə́ d’isi dəb! Njesigənea̰ ɓa pa bèe pana: M’a kaji dee ya.

Esai 59:19

Un kudee dɔ-gó lé D’a ɓəl ri Njesigənea̰ keneŋ ləm, Un kudee loo gə́ kàr uba’g lé D’a ɓəl rɔnduba ləa keneŋ ləm tɔ. Loo gə́ njeba̰ lé a ree to gə́ mán baa bèe Ndá Ndil Njesigənea̰ a rəa karee aḭ.

Esai 59:20

Njetaa dɔ dee a ree mbata njé gə́ Sio̰ gə njé’g lə Jakob D’a kuba goo kaiyaje lə dee kya̰, Njesigənea̰ ɓa pa bèe.

Esai 65:23

Deḛ d’a ra kula karee nai rɔ dee’g kari ba el ləm, D’a koji ŋganje kar dee tuji el ləm tɔ, Mbata d’a to ginka dəwje gə́ Njesigənea̰ tɔr ndia dɔ dee’g Gə dɔ ŋgan deeje’g sə dee na̰’d.

Ejekel 37:25

D’a si mee ɓee gə́ n’ar kura lə neḛ Jakob gə́ bɔ síje-je d’isi keneŋ lé, deḛ gə ŋgan deeje-je gə ŋgan meḛ ŋgan deeje d’a si keneŋ saar-saar gə no̰, ndá kura lə neḛ Dabid a to mbai lə dee saar-saar gə no̰ tɔ.

Néra Njékaḭkulaje 10:45

Ar ŋgankojije lai gə́ to njékḭja tamɔd deeje gə́ ree gə Piɛrə lé kaar dee wa dee paḭ mbata Ndilmeenda taa meḛ njépole-magəje pəl-pəl ya tɔ.

Néra Njékaḭkulaje 14:27

Loo gə́ deḛ teḛ Antiɔs mba̰ ndá deḛ d’ula kula ɓar Eglisəje d’ar dee d’wa dɔ na̰, tɔɓəi deḛ d’ɔr gin néje lai gə́ Ala ra sə dee d’ar dee d’oo ləm, d’ula dee ta loo rəw gə́ yeḛ ɔr ar njépole-magəje d’un ne meḛ dee ləm tɔ.

Néra Njékaḭkulaje 15:14

Ŋgakɔmje gə́ dəwje, ooje ta ləm ɓa. Simo̰ ɔr sor loo né gə́ Ala ra dɔtar ila ne kəmee dɔ ginkoji dəwje gə raŋg’g mba kɔr koso-dəwje mbuna dee’g mba kar dee d’un ne ria.

Néra Njékaḭkulaje 15:3

Togə́bè Eglisə dan dee unda dee rəbə ndá d’aw kəm dee gə́ kédé d’unda mee ɓee gə́ Penisi gə Samari gaŋg, d’aw d’ɔr sor meekun lə njépole-magəje, d’ar meḛ ŋgako̰ deeje lel dee ne yaa̰.

Néra Njékaḭkulaje 15:8

Tɔɓəi Ala gə́ njegər meḛ dəwje lé yeḛ nja ɔr ta lə dee maji ar dee ne Ndilmeenda to gə́ ar síjeḛ bèe tɔ.

Njé gə́ Rɔmə 11:29

Mbata nénojije gə́ Ala wɔji gə mba kwa gə dəwje ləm, gə kɔr gə́ yeḛ ɔr dee unda dee gə kəmee ləm tɔ lé yeḛ a tel ne ndia el.

Njé gə́ Rɔmə 8:30

Deḛ gə́ yeḛ wɔji dee mée’g kédé lé yeḛ ɓar dee ləm, deḛ gə́ yeḛ ɓar dee lé yeḛ ɔr ta dɔ dee’g ləma, deḛ gə́ yeḛ ɔr ta dɔ dee’g lé yeḛ ula rɔnduba dɔ dee’g ləm tɔ.

Njé gə́ Rɔmə 9:24

Togə́bè ɓa jeḛ n’to mbuna deḛ gə́ yeḛ ɓar dee ɔr dee dan Jibje’g goo kára ba el nɛ dan njépole-magəje’g tɔ

Njé gə́ Rɔmə 9:4

deḛ gə́ to Israɛlje lé. Ala nja tel dee gə́ ŋganeeje ləm, ula rɔnduba dɔ dee’g ləm, man rəa ar dee ləm, ar dee godndiaje ləm, ar dee kəi-siée ləm,

1 Njé gə́ Kɔrḭtə 7:14

Diŋgam gə́ un mée el ɓəi lé mbɔl dɔ dené ɓa yeḛ tel ne dəw gə́ to gə kəmee, dené gə́ un mée el ɓəi kara mbɔl dɔ ŋgabeeje ɓa yeḛ tel ne dəw gə́ to gə kəmee to. Ɓó lé seḭ raje togə́bè ndá ŋgan síje d’a kàr raŋg-raŋg nɛ ɓó lé seḭ raje togə́bè el ndá ŋgan síje d’a kàr el tɔ.

Njé gə́ Epesə 1:18

Ma m’kwɔiyee mba kar kəmkàr gə́ àr raŋg-raŋg to ne meḛ sí mba kar sí gərje ne némeekundayel gə́ wɔji dɔ ɓar gə́ yeḛ ɓar sí ne ləm, gə boo-ronduba lə nédɔji gə́ yeḛ unda gə kəmee mbata lə deḛ gə́ to gə kəmee ləma,

Njé gə́ Epesə 2:12

mee ndəaje’g neelé seḭ lalje Kristi ləm, d’ɔg sí loo ra ɓee mee ɓee gə́ Israɛl ləm, ndukun gə́ Ala ar dee lé seḭ toje njékwagireeje ləm, nékunda-mee-yel dɔ’g lə sí godo ləma, Ala kara seḭ toje njékwagireeje ya ləm tɔ.

Njé gə́ Epesə 4:4

Darɔ to gə́ kára ba ləm, Ndil kara to gə́ kára ba ləma, seḭje kara deḛ ɓar sí mba kar sí undaje meḛ sí yel dɔ né gə́ kára ba kiao’g ləm tɔ.

Tel tura Godndu 29:15

Seḭ gərje loo-si gə́ j’isije ne mee ɓee gə́ Ejiptə lé gao ləm, gə loo gaŋg gə́ jeḛ n’gaŋgje mbuna ginkoji dəwje gə raŋg gə́ seḭ dəs deeje lé gao ləm tɔ.

2 Njé gə́ Tesalonikə 1:11

Gelee gə́ nee ɓa, jeḛ n’ra ne tamaji ta-ta mbata lə sí mba kar Ala lə sí ar néra sí wa bua ɓar gə́ yeḛ ɓar sí ləm, mba kar mbɔl dɔ siŋgamoŋ ləa ɓa némeemajije ləa lai gə́ yeḛ wɔji-kwɔji ra lé a kɔr dɔ njal ləma, meekun lə sí a ra née karee ɔr ne njal ləm tɔ.

2 Timote 1:9

Yeḛ nja aji sí ləm, yeḛ ɓar sí ləm tɔ mba kar sí n’ra kula gə́ to gə kəmee ɓəd. Néra sí ɓa, yeḛ ɔr sí ne gə mbəa el nɛ to gə goo né gə́ yeḛ nja wɔji-kwɔji mée’g ləm, to gə goo noji gə́ yeḛ wa sə sí gin Jeju Kristi ɓad ɓa yeḛ tum ne gin naŋg nee ɓəi ləm tɔ.

Ǝbrəje 3:1

Togə́bè ŋgakɔmje gə́ njémeendaje, né gə́ deḛ ɓar sí na̰’d gə mbəa lé ḭ dara bèe ndá maji kar sí ə̰jije tor Jeju meḛ sí’g, yeḛ gə́ to njekaḭkula gə́ gəd ləm, gə ŋgɔ-njekinjanéməs gə́ jeḛ j’un meḛ sí j’aree ləm tɔ.

Ǝbrəje 9:15

Togə́bè ɓa, yeḛ to ne njekaar dana gə goo manrɔ gə́ sigi lé mba kar deḛ gə́ deḛ ɓar dee lé d’a kwa səa nénduba gə́ to gə no̰ gə goo ndukun gə́ Ala un ar dee. Mbata kwəi gə́ yeḛ wəi lé yeḛ udu ne kəm kalta lə dee gə́ d’al ne dɔ manrɔ gə́ dɔtar lé.

1 Piɛrə 5:10

Ala gə́ njeboo-nojije lai gə́ ɓar sí gin Jeju Kristi’g mba kar sí sije səa dan rɔnduba’g ləa gə no̰ lé loo gə́ némeeko̰ a ra sí waga ba ndá yeḛ nja a tel kunda sí maji’g gogo ləm, a kar sí ŋgəŋje keneŋ ŋgəŋ-ŋgəŋ ləma, a kar siŋga sí ḭ dɔ maree’g kar né kára kara askəm yə sí el ləm tɔ.

2 Piɛrə 1:10

Gelee gə́ bèe ɓa ŋgakɔmje, maji kar sí oreeje meḛ sí més-més dɔ ɓar gə́ deḛ ɓar sí’g ləm, gə dɔ mbər gə́ deḛ mbər sí’g ləm tɔ, mbata ɓó lé seḭ a raje togə́bè ndá né a kun gɔl sí kar sí làmje ne rɔ sí el.

2 Piɛrə 1:3

Loo gə́ j’a gəree maji ndá mbɔl dɔ siŋgamoŋ ləa gə́ ka̰ Ala lé nja j’a kiŋga ne néje lai gə́ j’aw ndòo dee gə mba kisi ne gə kəmə ləm, gə meḛ sí gə́ nda londoŋ ləm tɔ. Yee ɓa yeḛ ɔr sí ɔm sí ne gée’g gə mba kar rɔnduba ləa gə meemaji ləa ɔm dɔ sí’g.

Loo gə́ killa rea kəm Ja̰’g 17:14

D’a rɔ gə Ŋgonbad lé nɛ Ŋgonbad lé a dum dee mbata yeḛ to Mbaidɔmbaije ləm, yeḛ to Mbai gə́ ur dɔ mbai mareeje’g ləm tɔ ndá deḛ gə́ yeḛ ɓar dee ləm, yeḛ ɔr dee unda dee gə kəmee ləma, deḛ to ŋgankojije gə́ nai səa ləm tɔ lé deḛ nja d’a dum dee ya tɔ.

Loo gə́ killa rea kəm Ja̰’g 19:9

Kura gə́ dara lé ulam pana: Ndaŋ maktub ula dee ne pana: Deḛ gə́ d’a ɓar dee loo naḭ taa na̰’g lə Ŋgonbad lé rɔ dee a lel dee. Yeḛ ulam tɔɓəi pana: Ta neelé to gə́ kankəmta lə Ala ya.