Néra Njékaḭkulaje 2:30 - Maktub gə́ To gə Kəmee

³⁰ Yeḛ lé to gə́ njetegginta ləm, yeḛ gər gao, Ala nja man rəa aree mba kar ŋgokea kára mbuna ŋgakeaje’g si kalimbai’g ləa tar gao ya.

Néra Njékaḭkulaje 2:30 ပူးပေါင်းရင်းမြစ်များ

2 Samel 23:2

Ndil Njesigənea̰ unm pa ne ta, Ta ləa to ndo̰m’g ya.

Esai 7:14

Gelee gə́ nee ɓa Mbaidɔmbaije ya a kar sí nétɔji. Aa ooje, ŋgoma̰də a taa kèm ndá a koji ŋgon gə́ diŋgam. Tɔɓəi yeḛ a kunda ria lə Emanuɛl (kɔr gelee pana: Ala nai sə síjeḛ).

Jeremi 30:9

D’a ra kula kar Njesigənea̰, Ala lə dee ləm, d’a kar Dabid, mbai lə dee gə́ m’a karee ḭ mbuna dee’g ləm tɔ.

Misee 5:2

Gelee gə́ nee ɓa yeḛ a kuba dee ne kya̰ dee Saar kar yeḛ gə́ a gə koji ŋgon lé A kojee ya ləm, Saar kar ges ŋgakea̰je gə́ nai lé D’a tel ree kiŋga ne Israɛlje ləm tɔ.

Matiyo 22:43

Jeju tel dəji dee pana: Bèe ŋga see ban ɓəi ɓa Dabid ɓaree Mbaidɔmbaije loo gə́ Ndil ula ta mée’g aree pana:

Matiyo 27:35

Loo gə́ deḛ ɗaree kaar kag’d mba̰ ndá deḛ kai na̰ kubuje ləa lé rɔ ne mbarè mba kar ta gə́ njetegginta ɔr lé aw lée’g béréré pana: Deḛ kai na̰ kubuje ləm, d’ɔs ne mbarè dɔ’g.

Mark 12:36

Dabid nja kara Ndilmeenda taa mée aree pana: Mbaidɔmbaije lé ula Mbai ləm pana: Sí dɔ jikɔlm’g saar Mba karm m’ar njéba̰je ləi tel to nétura-gɔl-kɔm ləi lé.

Lugu 24:44

Tɔɓəi yeḛ ula dee pana: Ta né gə́ teḛ lé to ta gə́ ma m’ula sí loo gə́ ma m’nai sə sí ɓəi lé ya, mba kar lé riri kara taje lai gə́ deḛ ndaŋg mee maktub godndu Moyis’g ləm, gə ka̰ njéteggintaje ləma, gə yee gə́ ndaŋg mee maktub Pakɔs’g ləm tɔ d’wɔji ne dɔm lé a kaw lée’g béréré togə́bè ya.

Néra Njékaḭkulaje 1:16

Ŋgakɔmje gə́ dəwje, ta gə́ Dabid pa gə torndu Ndilmeenda mee maktub gə́ to gə kəmee gə́ wɔji dɔ Judas, yeḛ gə́ njekɔrno̰ deḛ gə́ d’wa Jeju lé taree aw lée’g béréré ya.

Njé gə́ Rɔmə 1:3

To ta lə Ŋgonee gə́ gəd-gəd gə́ d’ojee ginka Dabid’g, yeḛ ɓa wɔji dɔ darəa,

Njé gə́ Rɔmə 15:12

Esai kara pa togə́bè tɔ pana: Barkəmrɔ Isai a kḭ Ndá yeḛ a kḭ mba ko̰ɓee dɔ ginkoji dəwje gə raŋg ya. Bèe ɓa ginkoji dəwje gə raŋg lé d’a kunda meḛ dee yel gə́ dəa’g.

2 Timote 2:8

Ar məəi olé dɔ Jeju Kristi yeḛ gə́ ḭ ginka’g lə Dabid ləm, yeḛ unda loo teḛ dan njé gə́ d’wəi’g gə goo tagə́maji gə́ to gə́ kama lé ləm tɔ.

Ǝbrəje 1:1

Ləw ləw ɓa Ala pata gə tapea ləm, gə néreaje ɓəd-ɓəd gə́ d’ɔs goo na̰ goo na̰ ar ka síje d’oo ar njéteggintaje ɓa ria ne sə dee dəa ya.

Ǝbrəje 3:7

Gelee gə́ nee ɓa, goo ta gə́ Ndilmeenda pa lé: Ɓogənè lé ɓó lé seḭ ooje ndia

Ǝbrəje 4:7

Ndá Ala wɔji ndɔ gə́ raŋg gə́ ɓaree ɓogənè goo ta gə́ Dabid pa mee ləbje bula yaa̰ gə́ gogo lé pana: Ɓogənè lé ɓó lé seḭ ooje ndia Ndá arje meḛ sí ndər dɔ’g el.

Ǝbrəje 6:17

Gelee gə́ nee ɓa loo gə́ Ala ndigi kar deḛ gə́ d’a gə kiŋga né gə́ wɔji dɔ dee lé d’oo gao to gə́ yeḛ wɔji njaŋg ɓó a tel gə ndia el ndá yeḛ man ne rəa

Ǝbrəje 7:21

Mbata Lebije lé loo gə́ deḛ tel to njékinjanéməsje ndá deḛ manrɔ dee dɔ dee’g el. Nɛ Jeju lé tel to njekinjanéməs gə goo ta manrɔ lə yeḛ gə́ ulá ta pana: Mbaidɔmbaije un ndia njaŋg gə rɔkubu ɓó a pəl ta el. I to njekinjanéməs gə no̰, gə goo ka̰ Melkisedek.

2 Piɛrə 1:21

mbata ta gə́ pa lé ḭ mee dəw’g tel el. Ndilmeenda ɓa uru meḛ dəwje’g ar dee pa ne tapa Ala lé ya.

Loo gə́ killa rea kəm Ja̰’g 17:14

D’a rɔ gə Ŋgonbad lé nɛ Ŋgonbad lé a dum dee mbata yeḛ to Mbaidɔmbaije ləm, yeḛ to Mbai gə́ ur dɔ mbai mareeje’g ləm tɔ ndá deḛ gə́ yeḛ ɓar dee ləm, yeḛ ɔr dee unda dee gə kəmee ləma, deḛ to ŋgankojije gə́ nai səa ləm tɔ lé deḛ nja d’a dum dee ya tɔ.

Loo gə́ killa rea kəm Ja̰’g 19:16

Ri dəw ɓa ndaŋg kubu’g ləa ləm, gə biŋgee’g ləm tɔ pana: Mbai gə́ ur dɔ mbai mareeje’g ləm, gə Mbaidɔmbaije ya ləm tɔ.