Néra Njékaḭkulaje 2:22 - Maktub gə́ To gə Kəmee

²² Seḭ Israɛlje, ooje ta neelé maji. Jeju gə́ Najaret, dəw nee gə́ Ala ɔr goo ta ləa kəm sí’g aree ra ne némɔrije ləm, gə nédumkooje ləma, gə nékunda rɔ ləa gə́ yeḛ unda ne kəm sí’g ləm tɔ lé to néje gə́ seḭ nja gərje gao ya.

Néra Njékaḭkulaje 2:22 ပူးပေါင်းရင်းမြစ်များ

Esai 41:14

Seḭ njé’g lə Jakob gə́ d’oo sí gə́ ŋgan kuruje lé, Seḭ ges Israɛlje gə́ siŋga sí godo lé Ɓəlje el Njesigənea̰ pana: M’a ree la sə sí, Njemeenda lə Israɛlje to njekaji sí ya.

Matiyo 12:28

Lé siŋgamoŋ lə Ndil Ala lé ɓa ma m’tuba ne ndilje gə́ majel ndá ɓeeko̰ lə Ala lé ula iŋga sí mba̰ ya.

Matiyo 2:23

Yeḛ aw si ɓee gə́ deḛ ɓaree Najaret mba kar ta gə njéteggintaje pa kédé lé aw ne lée’g béréré mbata deḛ pana: Yeḛ neelé d’a ɓaree dəw gə́ Najaret.

Matiyo 9:8

Loo gə́ koso-dəwje d’oo ndá deḛ ɓəl, d’ula ne rɔnduba dɔ Ala gə́ njekar rɔ dəwje ŋgəŋ togə́bè lé.

Lugu 11:20

Nɛ ɓó lé ŋgaw ji Ala ɓa m’tuba ne ndilje gə́ majel ndá ɓeeko̰ lə Ala lé ula iŋga sí mba̰ ya.

Lugu 18:37

Deḛ d’ulá pana: Jeju gə́ Najaret ɓa si dəs ya.

Lugu 24:18

Yeḛ gə́ kára gə́ ria lə Kleopas ndigi təa’g pana: See i nja gə kari ba to gə́ mbá gə́ mee ɓee-boo gə́ Jerusalem gə́ gər né gə́ teḛ mee ndɔje’g neelé el wa. Yeḛ dəji dee pana: See gə́ né ɗije wa.

Tagə́maji gə́ Ja̰ ndang 1:45

Pilibə lé iŋga Natanaɛl ndá ulá pana: Jeḛ lé j’iŋga yeḛ gə́ Moyis ndaŋg ta ləa mee maktub godndu’g ləm, njéteggintaje d’ɔr ta ləa ləm tɔ, to Jeju gə́ Najaret, ŋgolə Jisəb lé nja.

Tagə́maji gə́ Ja̰ ndang 10:37

Ɓó lé m’ra néraje gə́ maji lə Bɔm lé el ndá ɔmje meḛ sí dɔm’g el tɔ.

Tagə́maji gə́ Ja̰ ndang 11:47

Yen ŋga mbai dɔ njékinjanéməsje-je gə Parisiḛje lé mbo̰ njégaŋ-rəwtaje dɔ na̰’d dəji dee pana: See ɗi ɓa j’a ra wa. Mbata dəw neelé ra némɔrije ɓəd-ɓəd bula yaa̰.

Tagə́maji gə́ Ja̰ ndang 12:17

Deḛ lai gə́ d’aar gə Jeju loo gə́ yeḛ ɓar Lajarə loo gə́ yeḛ to mee bwa-yoo’g ɓa aree unda loo teḛ dan njé gə́ d’wəi’g ɓəi lé deḛ d’ɔr ta ləa maji.

Tagə́maji gə́ Ja̰ ndang 15:24

Kula ramje gə́ dəw kára kara askəm ra el gə́ m’ra lé ɓó lé m’ra mbuna dee’g el ndá d’a koo loo kaiya lə dee gə́ deḛ ra lé el, nɛ deḛ d’wam gə meḛ dee ləm, Bɔm kara d’wá gə meḛ dee togə́bè ləm tɔ.

Tagə́maji gə́ Ja̰ ndang 19:19

Pilatə ar dee ndaŋg ta d’unda dɔ kag-dəs’g neelé tar pana: Jeju gə́ Najaret, mbai lə Jibje.

Tagə́maji gə́ Ja̰ ndang 3:2

Yeḛ aw rɔ Jeju loondul’g ulá pana: Mbai, jeḛ n’gər gao i lé to gə́ dəw gə́ njendoo dəwje né gə́ ḭ rɔ Ala’g, mbata némɔrije gə́ i ra lé ɓó lé dəw gə́ Ala nai səa el ndá a kaskəm ra to gə́ i ra el.

Tagə́maji gə́ Ja̰ ndang 4:48

Jeju ulá pana: Ɓó lé seḭ ooje némɔrije gə né gə́ dumkooje gə kəm sí bèe el ndá seḭ ooje loo gə mba kɔmje meḛ sí dɔm’g el.

Tagə́maji gə́ Ja̰ ndang 5:36

Nɛ ma lé njekɔrginta ləm gə́ ur dɔ ka̰ Ja̰’g si gən, mbata néraje gə́ Bɔm am m’ra lé néraje neelé ɔr ta ləm to gə́ Bɔm ya ulam.

Tagə́maji gə́ Ja̰ ndang 6:14

Loo gə́ koso-dəwje neelé d’oo némɔri gə́ Jeju ra lé ndá deḛ pana: Tɔgərɔ ya, yeḛ neelé to gə́ njetegginta gə́ a gə ree naŋg neelé ya.

Tagə́maji gə́ Ja̰ ndang 6:27

Maji kar sí raje kula mba nésɔ gə́ a sané darɔ sí’g kari ba el. Nɛ raje kula mbata nésɔ gə́ a nai sə sí saar-saar gə́ a kar sí sije ne gə kəməgə́ gə no̰ lé gə́ Ŋgon-dəw a kar sí lé ya. Mbata yeḛ nja ɓa Ala Bɔ-dəwje lé ɔree unda gə kəmee gə dɔ jia.

Tagə́maji gə́ Ja̰ ndang 7:31

Njé gə́ na̰je mbuna boo-dəwje’g lé d’ɔm meḛ dee dəa’g ar dee pana: Loo gə́ Kristi a teḛ lé see yeḛ a ra némɔrije kur dɔ yeḛ gə́ aar nee’g ɓəi wa.

Tagə́maji gə́ Ja̰ ndang 9:33

Ɓó lé dəw neelé ḭ rɔ Ala’g lé el ndá yeḛ a kaskəm ra né kára gə dɔrea el.

Néra Njékaḭkulaje 13:16

Yen ŋga Pool uba naŋg ḭta ula jia paar pana: Seḭ dəwje gə́ Israɛl, gə seḭ gə́ ɓəlje Ala lé ooje maji.

Néra Njékaḭkulaje 14:27

Loo gə́ deḛ teḛ Antiɔs mba̰ ndá deḛ d’ula kula ɓar Eglisəje d’ar dee d’wa dɔ na̰, tɔɓəi deḛ d’ɔr gin néje lai gə́ Ala ra sə dee d’ar dee d’oo ləm, d’ula dee ta loo rəw gə́ yeḛ ɔr ar njépole-magəje d’un ne meḛ dee ləm tɔ.

Néra Njékaḭkulaje 2:19

M’a kar néje gə́ dumkoo teḛ mee dara gə́ tar ləm, Nétɔjije d’a teḛ dɔ naŋg nee ləm tɔ: Məs ləm, gə pər ləma, gə sa pər gə́ uba ŋgɔg-ŋgɔg ləm tɔ.

Néra Njékaḭkulaje 2:43

Deḛ kára-kára lai meḛ dee to kərm ndá njékaḭkulaje ra néje gə́ dum kəm dəwje ləm, gə némɔrije ləm tɔ.

Néra Njékaḭkulaje 21:28

ra né wəl-wəl pana: Dəwje gə́ Israɛl, ree laje sə sí! Aa ooje dəw gə́ ɔr goo ta gə loo-loo ar dəwje lai ila ne ta dɔ dəwje gə́ Israɛl ləm, gə dɔ godndu’g ləma, gə dɔ loo’g neelé ləm tɔ. Ɓasinè yeḛ ar Grekje kara d’andə mee kəi-Ala’g ila ne ndɔl dɔ loo gə́ to gə kəmee neelé tɔ.

Néra Njékaḭkulaje 22:8

Ma m’tel m’dəjee m’pana: Mbaidɔmbaije, see i to gə́ nawa. Yeḛ ulam pana: Ma m’to gə́ Jeju gə́ Najaret gə́ i ula kəm ndòo lé ya.

Néra Njékaḭkulaje 24:5

Jeḛ j’iŋga dəw neelé gə́ to asəna gə yoo-ndag gə́ oso ɓee’g ləm, yeḛ pələ meḛ Jibje ar dee tḭ ne na̰ gə loo lai-lai ləma, yeḛ to mbai dɔ kudu dəwje gə́ to Najareḛje ləm tɔ.

Néra Njékaḭkulaje 26:26

Kəm mbai inja dɔ taje’g neelé yee ɓa m’wɔji ne səa ta yororo-yororo, ma m’gər gao, ta néje neelé kára kara a lal mbia el, mbata néje gə́ m’wɔji sí lé taree teḛ kəm dəwje’g lai ɓó to né gə́ ra loo-kiya’g el.

Néra Njékaḭkulaje 26:9

Ma lé kédé m’ula rɔm ndubu gə mba kar ri Jeju gə́ Najaret neelé udu bo̰, yee ɓa ma m’oo gə́ né gə́ kəm ra.

Néra Njékaḭkulaje 3:12

Piɛrə oo togə́bè ndá yeḛ ula koso-dəwje neelé pana: Seḭ dəwje gə́ Israɛl, see gelee ban ɓa kaar sí wa sí paḭ dɔ né gə́ teḛ togə́bè’g lé wa. See gelee ban ɓa seḭ oreeje kəm sí dɔ síjeḛ’g ya ndəŋ, to gə́ lə ne gə́ jeḛ nja n’ra gə siŋgamoŋ lə sí əsé meenda lə sí ɓa j’ar dəw neelé njaa ne bèe wa.

Néra Njékaḭkulaje 3:6

Yen ŋga Piɛrə ulá pana: Ma lé larnda əsé larlɔr godo jim’g nɛ né gə́ to jim’g lé to né gə́ m’a gə kari ya. Ma m’ulai gə ri Jeju Kristi gə́ Najaret, uba naŋg ḭta njaa!

Néra Njékaḭkulaje 4:10

maji kar sí-seḭ lai gərje gao ləm, kar koso-dəwje gə́ Israɛl lai kara gər gao ləm tɔ. Jeju Kristi gə́ Najaret gə́ seḭ ɗareeje ɓa Ala aree unda loo teḛ dan njé gə́ d’wəi’g ɓəi lé mbɔl dɔ ria-yeḛ nja ɓa rɔ dəw neelé tel to ne kari péd-péd kəm sí’g.

Néra Njékaḭkulaje 5:35

Tɔɓəi yeḛ ula dee pana: Seḭ dəwje gə́ Israɛl, arje meḛ sí dɔ rɔ sí’g dɔ né gə́ seḭ a gə raje gə dəwje neelé.

Néra Njékaḭkulaje 6:14

mbata jeḛ j’oo ta gə́ təa’g gə́ pana: Jeju gə́ Najaret a gə tuji loo neelé pugudu ləm, néjiɓee gə́ Moyis ar sí kara a tel kunda ɓəd ləm tɔ.

2 Njé gə́ Kɔrḭtə 12:12

Néramje gə́ d’ɔr gin rɔm to gə́ ma m’to njekaḭkula gə́ gəd lé nduba rɔ dee gə́ raga kəm sí’g d’ar sí ooje loo gə́ m’ai məəm sam-sam dan né gə́ rara gə́ naam lé ləm, m’ra nédumkooje gə nésiŋgamoŋje, gə némɔrije ləm tɔ.

Ǝbrəje 2:4

Ala kara ɔr goo ta lə dee aree to ne njaŋg gə nédumkooje gə némɔrije ɓəd-ɓəd ləm, gə nénojije gə́ Ndilmeenda kai dee to gə́ mée ndigi ləm tɔ.