Néra Njékaḭkulaje 2:14 - Maktub gə́ To gə Kəmee

¹⁴ Yen ŋga Piɛrə gə deḛ gə́ dɔg-gir-dee-kára lé d’ɔr rɔ dee d’aar ndá Piɛrə ila boo-ndia naŋg pata pana: Seḭ Jibje gə seḭje lai gə́ sije Jerusalem lé maji kar sí gərje gao ləm, undaje mbi sí maji ooje ne ta ləm ləm tɔ!

Néra Njékaḭkulaje 2:14 ပူးပေါင်းရင်းမြစ်များ

Gosota-Kəmkàrje 8:32

Bèe ɓa ɓasinè lé ŋganəmje, Ooje ta ləm, Deḛ gə́ d’aa dɔ rəw-kabmje lé Rɔlel nai sə dee ya!

Esai 40:9

Seḭ gə́ síje Sio̰ lé Ubaje dɔ mbal gə́ ŋgal léŋgé-léŋgé Gə mba kila mber ta gə́ maji, Seḭ gə́ síje Jerusalem lé Ɔrje ndu sí gə́ tar wəl Gə mba kila mber ta gə́ maji, Ɔrje ndu gə́ tar ɓó ɓəlje el, Ulaje ɓee-booje gə́ Juda pajena: Aa ooje Ala lə sí lé,

Esai 51:1

Ooje ta ləm, Seḭ gə́ njéndolè goo néra gə́ gə dɔ najee-je, Seḭ gə́ ndolèje goo Njesigənea̰! Oreeje kəm sí ndəŋ dɔ kɔr mbal gə́ d’ɔr sí kaaree’g ləm, Gə dɔ bwa gə́ Njesigənea̰ ɔr sí keneŋ lé ləm tɔ.

Esai 51:4

Koso-dəwje ləm, Sije gèŋ ooje ndum! Ginkoji dəwje ləm, Urje mbi sí gə́ rɔm’g nee! Mbata godndu a kḭ rɔm’g ləm, M’a tum gel godndum Gə mba karee to gə́ lookàr lə koso-dəwje ləm tɔ.

Esai 51:7

Ooje ta ləm, Seḭ gə́ gərje rəw néra gə́ gə dɔ najee, Seḭ dəwje gə́ godndum to dɔɓəŋgərə sí’g lé! Ɓəlje mbata rɔkul gə́ dəwje d’ila dɔ sí’g lé el ləm, Undaje bala mbata kəm sí gə́ d’ula ndòo lé el ləm tɔ.

Esai 52:8

Ndu njéŋgəmlooje lə sí ɓar wəl, Deḛ d’ɔr ndu dee gə́ tar ləm, Deḛ d’ɔr ndu dee gə́ tar na̰’d wəl Gə ndu pa kalrɔ ləm tɔ, Mbata kəm dee-deḛ ya d’oo ne To gə́ Njesigənea̰ tel gə njé gə́ Sio̰ mba̰.

Esai 55:2

See gelee ban ɓa seḭ saneje lar lə sí Dɔ né gə́ a la sə sí el lé wa. See gelee ban ɓa seḭ raje kula Mbata né gə́ as sí el lé wa. Ooje ta ləm ndá A sɔje ne né gə́ maji ləm, A kiŋgaje ne nésɔje gə́ lel lé ləm tɔ.

Esai 58:1

Ɔr ndui gə́ tar ɓó əw el, Ar ndui ɓar to gə́ to̰to̰ bèe, Ila mbər ar koso-dəwje d’oo ne néra kori-korije lə dee ləm, Ar gel-bɔje lə Jakob d’oo ne kaiyaje lə dee ləm tɔ.

Ojee 8:1

Unje to̰to̰ undaje ta sí’g! Njeba̰ lé nar kalaŋ Gə́ dɔ kəi’g lə Njesigənea̰ to gə́ niŋgatə̰də bèe. Mbata deḛ d’uba ta manrɔ ləm d’ya̰ ləm, Deḛ d’al ne dɔ godndum ləm tɔ.

Matiyo 2:1

Jeju lé d’ojee mee ɓee gə́ Betlehem loo gə́ mbai Herɔdə to ne njeko̰ɓee gə́ Jude lé. Aa ooje bao-gosɔnégərje d’ḭ bər ree Jerusalem.

Néra Njékaḭkulaje 1:26

Deḛ ra né asəna gə téen bèe dɔ dee’g ndá téen lé oso dɔ Matias’g ndá Matias lé ɓa d’ulá mbuna njékaḭkulaje gə́ dɔg-gir-dee-kára’g lé tɔ.

Néra Njékaḭkulaje 13:16

Yen ŋga Pool uba naŋg ḭta ula jia paar pana: Seḭ dəwje gə́ Israɛl, gə seḭ gə́ ɓəlje Ala lé ooje maji.

Néra Njékaḭkulaje 2:22

Seḭ Israɛlje, ooje ta neelé maji. Jeju gə́ Najaret, dəw nee gə́ Ala ɔr goo ta ləa kəm sí’g aree ra ne némɔrije ləm, gə nédumkooje ləma, gə nékunda rɔ ləa gə́ yeḛ unda ne kəm sí’g ləm tɔ lé to néje gə́ seḭ nja gərje gao ya.

Néra Njékaḭkulaje 21:28

ra né wəl-wəl pana: Dəwje gə́ Israɛl, ree laje sə sí! Aa ooje dəw gə́ ɔr goo ta gə loo-loo ar dəwje lai ila ne ta dɔ dəwje gə́ Israɛl ləm, gə dɔ godndu’g ləma, gə dɔ loo’g neelé ləm tɔ. Ɓasinè yeḛ ar Grekje kara d’andə mee kəi-Ala’g ila ne ndɔl dɔ loo gə́ to gə kəmee neelé tɔ.

Néra Njékaḭkulaje 5:35

Tɔɓəi yeḛ ula dee pana: Seḭ dəwje gə́ Israɛl, arje meḛ sí dɔ rɔ sí’g dɔ né gə́ seḭ a gə raje gə dəwje neelé.

Néra Njékaḭkulaje 7:2

Etien tel ilá keneŋ pana: Ŋgakɔmje-je gə bɔmje-je, ooje ta ləm maji. Ala gə́ njero̰duba lé teḛ kəm bɔ síjeḛ Abrakam’g təsərə, loo gə́ yeḛ si Mesɔpotami kédé ɓa yeḛ aw si Sara̰ ɓəi, yeḛ ulá pana:

Tel tura Godndu 27:9

Gée gə́ gogo Moyis deḛ gə njékinjanéməsje gə́ to Ləbije lé d’ula Israɛlje lai pana: Israɛlje, síje lɔm, ooje ta nee! Ɓogənè lé seḭ tel toje koso-dəwje lə Ala lə sí gə́ Njesigənea̰ ya.

Maktub gə́ Jak ula ne ar ngan-Allaje 2:5

Ooje ta nee maji, ŋgakɔmje gə́ m’unda sí dan kəm’g: See Ala ɔr kəm deḛ gə́ to gə́ njéndooje kəm dəwje gə́ naŋg nee mba kar dee to bao-meekunje ləm, mba kar ɓeeko̰ gə́ yeḛ un ndia mba kar deḛ gə́ d’undá dan kəm dee’g lé d’a to njeaje ya ləm tɔ lé el wa.