Néra Njékaḭkulaje 19:19 - Maktub gə́ To gə Kəmee

¹⁹ Njé gə́ na̰je bula lam mbuna deḛ gə́ to njéra mbeḛje’g lé d’odo maktubje lə dee roo biriri-biriri kəm dəwje’g bura. Maktubje neelé to gə́ ndogee ɓa ndogo gə́ ndogo ndá laree a kaḭ larnda tɔl-dɔg-loo-rɔ-mi jén ya.

Néra Njékaḭkulaje 19:19 ပူးပေါင်းရင်းမြစ်များ

Gḭ-Néje 35:4

Deḛ d’odo magəje gə́ dɔ ɓee’g lai gə́ to ji dee’g ləm, gə mbaiŋgiraje gə́ to mbi dee’g ləm tɔ d’ar Jakob. Ndá Jakob iya dee gel kag gə́ ɓaree térébḭtə gə́ to mbɔr Sikem’g dəb.

1 Sôrta Gḭka-Israɛlje 10:13

Sawul wəi mbata yeḛ al ta ta Njesigənea̰’g aa ne dɔ ta ləa el ləm, mbata yeḛ aw dəji deḛ gə́ to njéɓar ndil dəwje gə́ d’wəi lé ɓa ta ləm tɔ.

2 Sôrta Gḭka Israɛlje 33:6

Yeḛ ɔm ŋganeeje pər’d kəm wəl-loo’g lə Hinɔmje, Yeḛ pole néje gə ndo̰-ərje ləm, yeḛ ra némbeḛje ləma, unda njéɓar ndilje karee gər ne néje gə́ d’a gə ree ləm tɔ. Yeḛ ra né gə́ majel gə́ kédé-kédé kəm Njesigənea̰’g mba kar mée ea̰ ne.

Teḛ-Raga 32:20

Yeḛ un néndaji ŋgon maŋg gə́ deḛ léḛ lé ndá yeḛ ila pər’d aree tel to budu-budu asəna gə nduji bèe ɓa dusu ndujee neelé dɔ mán’g sur-sur ndá ar Israɛlje d’ai.

Teḛ-Raga 7:11

Nɛ Parao̰ ula kula ɓar njékəmkàrje gə njésukəm mar deeje ləm tɔ, tɔɓəi njéra némɔrije gə́ Ejiptə lé némɔrije lə dee-deḛ kara ar dee ra togə́bè tɔ.

Teḛ-Raga 7:22

Nɛ njéra némɔrije gə́ Ejiptə lé deḛ kara ra togə́bè gə goo némɔrije lə dee tɔ. Mee Parao̰ ndər tɔɓəi yeḛ udu mbia dɔ ta’g lə Moyis gə Aaro̰, gə goo ta gə́ Njesigənea̰ pa kédé lé ya.

Esai 30:22

Larnda gə́ d’ɔr ne gir magəje lə sí lé Seḭ a kooje gə́ né gə́ mina̰, Larlɔr gə́ d’ula rɔ dee’g lé kara Seḭ a kɔmje kɔrɔ asəna gə né gə́ ndum bèe Paje ne pana: Aar raga!

Esai 8:19

Ɓó lé d’ula sí pana: Aw dəjije deḛ gə́ njéɓar ndil dəwje gə́ d’wəi ləm, gə njéndo̰-ərje ləm, gə njétel ndu dee pa ne taje ləma, gə njéto̰ gə taje ləm tɔ ndá seḭ a tel kila deeje keneŋ pajena: See koso-dəwje lé d’a dəji Ala lə dee ɓa ta el wa. See d’a dəji dəwje gə́ d’wəi ɓa kar dee pata maji lə njé gə́ d’isi kəmba wa.

Loo gə́ killa rea kəm Daniel’g 2:2

Mbai lé ula kula ɓar njéra némɔrije ləm, gə njétən kéréméje ləm, gə njéndo̰-ərje ləma, gə Kaldeje ləm tɔ mba kar deḛ d’ulá gin ni ləa. Deḛ ree d’aar no̰ mbai’g lé.

Ləbije 13:52

Togə́bè kubu neelé gə kúla kubuje gə́ tḭja yao-yao əsé yee gə́ tula mbuna’d gə́ ra gə bḭ badə əsé gə kúla palégal gə́ bḭ maji, gə néje gə́ rara gə́ ra gə ndar gə́ moro neelé wa keneŋ ndá yeḛ a roo dee mbata to moro gə́ ləw ba: ndá yeḛ a roo dee ya.

Lugu 14:33

Togə́bè ɓa nana ɓa mbuna sí’g gə́ uba néje ləa lai ya̰ el ndá yeḛ askəm to njekwakilam el tɔ.

Lugu 15:8

Ǝsé dené gə́ ra ɓa ɓó lé ŋgan lar gə́ ndá to jia’g dɔg nɛ yee gə́ kára oso igi ndá see yeḛ a kɔs néndogó’g kwa ne loo mee kəi’g, ndolee kwa loo wɔr-wɔr saar kiŋga el wa.

Néra Njékaḭkulaje 13:6

Loo gə́ deḛ d’unda mee dɔgoré-loo gaŋg saar teḛ Papos ndá d’iŋga njembeḛ kára to Jib gə́ njetegginta gə́ ŋgɔm gə́ ria lə Bar-Jeju.

Néra Njékaḭkulaje 13:8

Nɛ Elymas gə́ njembeḛ lé (mbata yee ɓa to gə́ gin ria ya), yeḛ unda dee ɓad mbata yeḛ saŋg rəw gə mba bəg njeguburuɓee dɔ meekun’g ləa.

Néra Njékaḭkulaje 19:18

Njé gə́ na̰je bula mbuna deḛ gə́ d’un meḛ dee lé deḛ ree teggin néra dee təsərə.

Ǝbrəje 10:34

Tɔgərɔ ya seḭ ooje kəmtondoo lə daŋgaije ləm, loo gə́ deḛ tuji néje lə sí ndá seḭ raje rɔlel dɔ’g ləm tɔ mbata seḭ gərje gao, nébaoje lə sí gə́ maji unda gə́ to gə no̰ lé to gən.