Néra Njékaḭkulaje 19:17 - Maktub gə́ To gə Kəmee

¹⁷ Jibje gə Grekje lai gə́ d’isi Epesə lé d’aw gə taree ta dee’g wəg-wəg, ar ɓəl unda deḛ lai gaŋg dee, nɛ ri Mbaidɔmbaije Jeju oso gə loo mbidi-mbidi.

Néra Njékaḭkulaje 19:17 ပူးပေါင်းရင်းမြစ်များ

2 Samel 6:9

Dabid ɓəl Njesigənea̰ mee ndəa’g neelé aree pana: Bèe ŋga see sa̰duk-manrɔ lə Njesigənea̰ a ree rɔm’g to gə́ ban wa.

Pakɔsje 64:9

Ndo̰ dee lé to gin koso lə dee, Deḛ lai gə́ d’oo dee lé d’unda ne dɔ dee widi-widi.

Ləbije 10:3

Moyis ula Aaro̰ pana: Yee ɓa to ta gə́ Njesigənea̰ pa gə ndia njaŋg loo gə́ yeḛ pa ne pana: Ma lé deḛ gə́ rəm pər gə́ rɔm’g lé d’a kundam gə kəmee ɓəd ləm, d’a kula rɔnduba dɔm’g kəm dəwje’g lai ləm tɔ. Aaro̰ ila təa maree’g ndag.

Lugu 1:65

Njéboatakəije lə deḛ lai lé ɓəl ra dee kədm-kədm, d’aw gə ta néje neelé ta dee’g wəg-wəg d’aree taa loo pəl-pəl ɔr ɓeeje gə́ dɔ mbal gə́ Jude’g lé tɔ.

Lugu 7:16

Koso-dəwje lai neelé ɓəl unda dee badə gaŋg dee ar dee pidi Ala pana: Ŋgɔ-njetegginta gə́ dum ya to ŋga, unda loo teḛ mbuna sí’g. To Ala nja ɓa ila ne kəm koso-dəwje ləa toro’g.

Néra Njékaḭkulaje 13:12

Yen ŋga, loo gə́ njenai gə́ njeguburuɓee neelé oo né gə́ teḛ dɔ Elymas’g lé ndá kaaree wá paḭ dɔ ta’g lə Mbaidɔmbaije aree un ne mée tɔ.

Néra Njékaḭkulaje 18:19

Loo gə́ deḛ teḛ Epesə mba̰ ndá Pool uba njéboalookawje ləa ya̰ dee keneŋ. Yeḛ andə aw mee kəi-kwa-dɔ-na̰’g wɔji ta gə Jibje.

Néra Njékaḭkulaje 18:21

Nɛ yeḛ ndigi sə dee el. Yeḛ ra dee lapia pana: Lé riri kara m’a kaw ra naḭ gə́ gogo mee ɓee gə́ Jerusalem ya. Ɓó lé mee Ala ndigi ndá m’a tel kiŋga sí ɓəi. Yeḛ ḭ Epesə uru mee bato’g ɔd aw.

Néra Njékaḭkulaje 19:1

Loo gə́ Apolɔs nai Kɔrḭtə ɓəi ndá Pool aw gə loo-loo gə kəmee gə́ kédé ɓeeko̰ gə́ Asi saar teḛ Epesə. Yeḛ iŋga njékwakiláje gə́ na̰je keneŋ dəji dee pana:

Néra Njékaḭkulaje 19:16

Dəw gə́ ndil gə́ yèr to mée’g lé yeḛ ḭ al uba deḛ gə́ joo lé rəm oso sə dee naŋg taa dee loo pəl-pəl ra dee majel ar dee d’unda loo kəi neelé teḛ gə kudu dee dum ləm, ar dee d’iŋga ne doo ləm tɔ.

Néra Njékaḭkulaje 19:18

Njé gə́ na̰je bula mbuna deḛ gə́ d’un meḛ dee lé deḛ ree teggin néra dee təsərə.

Néra Njékaḭkulaje 2:43

Deḛ kára-kára lai meḛ dee to kərm ndá njékaḭkulaje ra néje gə́ dum kəm dəwje ləm, gə némɔrije ləm tɔ.

Néra Njékaḭkulaje 5:11

Deḛ lai gə́ mbo̰ dɔ na̰ keneŋ ləm, gə deḛ gə́ d’oo taree ləm tɔ lé ɓəl unda dee badə gaŋg dee.

Néra Njékaḭkulaje 5:13

Dəwje gə́ raŋg ɓəl kuru mbuna dee’g nɛ koso-dəwje pidi dee tar wəg-wəg.

Néra Njékaḭkulaje 5:5

Loo gə́ ta neelé oso mbi Ananias’g ndá yeḛ oso naŋg vad wəi. Ɓəl unda deḛ lai gə́ d’oo né neelé badə gaŋg dee.

Njé gə́ Pilibə 1:20

Tɔgərɔ ya ma m’wa məəm kɔgərɔ m’unda məəm yel mba kar néje gə́ ram lé a kam m’ra ne rɔkul el. M’wa diŋgam məəm’g ɓasinè to gə́ kédé mba kar darɔm gə́ kəm əsé yeḛ gə́ yoo kara m’a kula ne rɔnduba dɔ Kristi’g.

2 Njé gə́ Tesalonikə 1:12

Togə́bè ɓa, seḭ a kulaje ne rɔnduba dɔ ri Mbaidɔmbaije Jeju’g ləm, yeḛ kara a kula ne rɔnduba dɔ sí’g ləm tɔ, gə goo noji gə́ Ala gə Mbaidɔmbaije Jeju Kristi d’wa sə sí lé tɔ.

2 Njé gə́ Tesalonikə 3:1

Ŋgakɔmje, ges ta gə́ nai lé ɓa nee: Raje tamaji mbata lə sí mba kar ta lə Mbaidɔmbaije oso ne gə loo mbidi-mbidi nduba ne rəa gə́ raga, to gə́ yee ra ɓee lə sí bèe

1 Samel 6:20

Njé gə́ Bet-Semes lé pana: See na̰ ɓa askəm kaar no̰ Njesigənea̰’g, yeḛ gə́ to Ala gə́ njerɔkunda lé wa. See rɔ na̰ ɓa sa̰duk-manrɔ lé a kaw əw keneŋ kya̰ sí wa.