Néra Njékaḭkulaje 18:8 - Maktub gə́ To gə Kəmee

⁸ Nɛ Krispus gə́ to mbai gə́ njekaa dɔ kəi-kwa-dɔ-na̰ gə njémeekəije ləa lai lé d’un meḛ dee d’ar Mbaidɔmbaije. Njé gə́ Kɔrḭtə gə́ na̰je bula gə́ d’oo ta lə Pool lé d’un meḛ dee ləm, deḛ ra batɛm ləm tɔ,

Néra Njékaḭkulaje 18:8 ပူးပေါင်းရင်းမြစ်များ

Gḭ-Néje 17:27

Ndá diŋgamje gə́ mee kəi’g ləa lai lé deḛ gə́ d’oji dee mee kəi’g ləa əsé deḛ gə́ ndogo deḛ gə lar kara d’inja tamɔd dee səa na̰’d tɔ.

Gḭ-Néje 18:19

Mbata ma nja m’ɔree mba karee un ndia ar ŋganeeje, gə njémeekəije ləa gə́ d’a gə korè gée lé mba kar dee d’aa dɔ rəw lə Njesigənea̰ ləm, gə mba kar dee ra né gə́ dana gə né gə́ to gə dɔ najee ləm tɔ. Bèe ɓa ndukunje gə́ wɔji dɔ Abrakam gə́ Njesigənea̰ un aree lé d’a kaw ne lée’g béréré ya.

Matiyo 28:19

Awje gə dɔ ɓee dɔ ɓee telje dəwje gə́ njékwakilamje, raje deeje batɛm gə ri Bɔ-dəwje ləm, gə ri Ŋgonee ləma, gə ri Ndilmeenda ləm tɔ.

Mark 5:22

Yen ŋga dəw kára gə́ to mbai gə́ njekəi-kwa-dɔ-na̰, gə́ ria lə Jayirus, aa loo oo Jeju ndá ti oso naŋg gɔlee’g,

Mark 5:35

Loo gə́ yeḛ si pata bèe-bèe ɓəi ndá dəwje d’ḭ kəi lə ŋgatɔg gə́ mee kəi-kwa-dɔ-na̰’g lé ree d’ula Jayirus pana: Ŋgoni gə́ dené lé wəi mba̰, nɛ see ɗi ɓəi ɓa i ɔs ne mbai lé tar ɓɔḭ-ɓɔḭ gə mbəa tɔɓəi wa.

Néra Njékaḭkulaje 10:2

Dəw neelé tədkag Ala ləm, ɓəlee ləm tɔ, yeḛ gə njénojije ləa lai ya.

Néra Njékaḭkulaje 11:14

Yeḛ nja ɓa a kulá néje lai gə́ yeḛ a kaji ne, gə njémeekəije ləi na̰’d tɔ.

Néra Njékaḭkulaje 13:15

Loo gə́ deḛ tura ta godndu gə ta lə njéteggintaje mee maktub’g mba̰ ndá mbaije gə́ njékaa dɔ kəi-kwa-dɔ-na̰je neelé d’ula kula d’ar dee pana: Ŋgako̰ síje gə́ dəwje, ɓó lé seḭ ooje ta gə mba ndəji ne koso-dəwje neelé ndá paje ɓasinè.

Néra Njékaḭkulaje 16:34

Yen ɓa yeḛ ɔr no̰ dee aw sə dee kəi ləa ndá yeḛ ar dee nésɔ d’usɔ ləm, yeḛ ra rɔlel gə njémeekəije ləa lai dɔ kɔm gə́ d’ɔm meḛ dee dɔ Ala’g lé ləm tɔ.

Néra Njékaḭkulaje 18:1

Gée gə́ gogo Pool ḭ Aten ɔd aw Kɔrḭtə.

Néra Njékaḭkulaje 18:17

Yen ŋga deḛ lai d’ḭ ɓugu na̰ dɔ Sostɛnə, mbai gə́ njekaa dɔ kəi-kwa-dɔ-na̰’g lé d’wá kundá no̰ loo-gaŋg-rəwta’g nɛ dɔ Galio̰ to̰ keneŋ kəw el.

Néra Njékaḭkulaje 19:1

Loo gə́ Apolɔs nai Kɔrḭtə ɓəi ndá Pool aw gə loo-loo gə kəmee gə́ kédé ɓeeko̰ gə́ Asi saar teḛ Epesə. Yeḛ iŋga njékwakiláje gə́ na̰je keneŋ dəji dee pana:

Néra Njékaḭkulaje 8:12

Nɛ loo gə́ deḛ d’ɔm meḛ dee dɔ Pilibə’g mbata tagə́maji gə́ yeḛ ndoo dee gə́ wɔji ne dɔ ɓeeko̰ lə Ala ləm, gə ri Jeju Kristi lé ləm tɔ ndá deḛ ra dee ne batɛm, diŋgamje ləm, gə denéje ləm tɔ.

1 Njé gə́ Kɔrḭtə 1:2

jeḛ ndaŋg maktub nee j’ar Eglisə lə Ala gə́ to Kɔrḭtə, deḛ gə́ Jeju Kristi ɔr dee unda dee gə kəmee mba kar dee to njémeendaje lé deḛ gə́ gə loo lai ɓar ri Mbaidɔmbaije lə sí Jeju Kristi, yeḛ gə́ to Mbaidɔmbaije lə dee ləm, gə ka̰ síjeḛ ləm tɔ lé keneŋ.

2 Njé gə́ Kɔrḭtə 1:1

Ma Pool, njekaḭkula lə Jeju Kristi gə́ Ala ɔree kəmee’g to gə́ mée wɔji, jeḛ gə Timote, ŋgoko̰ sí lé jeḛ ndaŋg maktub nee j’ar Eglisə lə Ala gə́ to Korintə ləm, j’ar deḛ gə́ to gə kəmee lai gə́ d’isi Akai ləm tɔ.

2 Njé gə́ Kɔrḭtə 1:23

Ala nja gə́ m’wa məəm’g to njekoogoo ta ləm ya: kaw gə́ m’aw Korintə el ɓəi lé to gə mba m’sa rɔm rəw ndɔr sí ne jan-jan ɓəi.

2 Njé gə́ Kɔrḭtə 6:11

Ǝi, seḭ dəwje gə́ Kɔrḭtə, jeḛ n’lɔm sə sí dɔ ta el ləm, j’ɔr taje lai gə́ to meḛ sí’g j’ula sí ləm tɔ.

2 Timote 4:20

Erastə lé nai Korintə ləm, m’ya̰ Tropim Milet mbata yeḛ oso gə rɔko̰ keneŋ ləm tɔ.

Jujé 24:15

Nɛ ɓó lé seḭ ooje to gə́ to maji kəm kwa Njesigənea̰ meḛ’g sí el ndá ɓogənè ya maji kar sí mbərje yeḛ gə́ seḭ ndigije poleeje né kaareeje, lé to magəje gə́ ka síje pole dee kel tura-baa gə́ nu əsé lé to magəje lə Amɔrje gə́ seḭ síje mee ɓee’g lə dee nee kara, ma ɓa yḛ̀ jeḛ gə njémeekəije ləm lé j’a kwaje Njesigənea̰ ɓa meḛ sí’g ya.