Néra Njékaḭkulaje 18:6 - Maktub gə́ To gə Kəmee

⁶ Nɛ Jibje d’ɔsee ŋgərəŋ tajee tila yoo dəa’g. Yen ŋga Pool sugu kubu ləa bugu-bugu ula dee pana: Maji kar məs sí ɔm dɔ sí-seḭ’g ya. Ma ɓa yḛ̀ ta ləm godo ya ŋga. Un kudee ɓasinè lé m’a kḭ kaw gə́ rɔ njépole-magəje’g ŋga.

Néra Njékaḭkulaje 18:6 ပူးပေါင်းရင်းမြစ်များ

2 Samel 1:16

Tɔɓəi Dabid ulá pana: Maji kar ta məsi wa dɔi-i ya mbata ta gə́ teḛ tai’g ɓa gaŋgta dɔi’g. Mbata i nja pana: I tɔl yeḛ gə́ Njesigənea̰ wa dəa gə ubu lé.

1 Mbaije 2:33

Ta məs dee a nai dɔ Joab’g gə dɔ ŋgakeaje-je’g saar gə no̰, nɛ meekulɔm lə Njesigənea̰ a to saar gə no̰ mbata lə Dabid ləm, gə ŋgakeaje ləm, gə gel-bɔje ləa ləma, gə kalimbai ləa ləm tɔ.

Nehemi 5:13

Gée gə́ gogo m’sugu kubu ləm gə́ boi yul lé bugu-bugu m’pana: Dəw gə́ rara gə́ aa dɔ ta nee lé el ndá maji kar Ala sugee mee kəi’g ləa əsé dan némajije’g ləa ilá togə́bè tɔ. Bèe ɓa dəw neelé d’a sugee sugu-sugu kyá̰ kari ba tɔ. Koso-dəwje lai pana: Bèe ya. Deḛ d’ila riɓar dɔ Njesigənea̰’g. Ndá koso-dəwje d’ila koji dɔ ta’g neelé ya.

Ejekel 18:13

ɓó lé yee wɔji né dɔ maree’g ɓa ar dee tona mba kiŋga ne manee dɔ’g ləm tɔ ndá see ŋgon neelé a si kəmba ya wa. Yeḛ a si kəmba el, yeḛ ra néje nee lai gə́ mina̰ ndá maji karee wəi! Maji kar ta məsee wa dəa-yeḛ ya.

Ejekel 33:4

ɓó lé dəw gə́ oo ndu to̰to̰ gə́ ɓar lé ɓa udu mbia dɔ’g ar dee d’ubá naŋg bus gə kiambas ndá ta məs dèbee neelé a kwa dəa-yeḛ nja.

Ejekel 33:6

Ɓó lé njeŋgəmloo oo to gə́ deḛ d’isi ree gə kiambas ɓa im to̰to̰ el ɓa koso-dəwje d’oo mbər ndəji lé el ar dee ree gə kiambas ree tɔl ne dəw kára ndá dèbee neelé a kudu mbata néra kori-kori ləa ya nɛ n’a tel dəji njeŋgəmloo ta məs dəw neelé gə́ wa dəa lé.

Ləbije 20:9

Ɓó lé dəw gə́ rara ɓa taji bɔbeeje əsé kea̰je ndá kəm tɔlee gə́ tɔl ya, mbata yeḛ taji bɔbeeje əsé kea̰je ndá ta məsee a kwa dəa-yeḛ ya.

Matiyo 10:14

Loo gə́ d’a kwa sí gə́ rɔ dee’g el əsé d’a koo ta lə sí el ndá teḛje mee kəi’g neelé əsé mee ɓee’g neelé gə́ ɗaga ndá kundaje kor gɔl sí’g ya.

Matiyo 21:41

Deḛ tel d’ilá keneŋ pana: Yeḛ a kun kəmee rəw mba tɔl njémeeyèrje neelé ya ndá a kar njé gə́ raŋg gə́ d’a gə leel kandə nduú naḭ kinja’g kaw ne karee lé ɓa a kunda dee ta ndɔ-nduú’g ləa lé ɓəi tɔ.

Matiyo 21:43

Gelee gə́ nee ɓa ma m’ula sí ne m’pana: Ɓeeko̰ lə Ala lé d’a taa ji sí’g kula ji ginkoji dəwje gə́ kudu kára gə́ néra dee wa bua ɓeeko̰ lé.

Matiyo 22:10

Kuraje neelé taa kila-rəwje yéŋgé-yéŋgé mbo̰ deḛ gə́ d’iŋga dee lé njé gə́ majel gə njé gə́ maji deḛ bula yaa̰, taa loo-naḭ lə mbai lé pəl-pəl tɔ.

Matiyo 27:25

Boo-dəwje lai lé d’ilá keneŋ pana: Maji kar məsee lé ɔm sí’g gə dɔ ŋgan meḛ síjeḛ’g lai ya tɔ.

Matiyo 8:11

Bèe ɓa ma m’ula sí təsərə, njé gə́ na̰je bula d’a kḭ bər ləm, gə dɔ-gó ləm tɔ ndá d’a si na̰’d ta ka-nésɔ’g ɓeeko̰ gə́ dara na̰’d gə Abrakam, gə Isaak, gə Jakob tɔ.

Lugu 22:65

Deḛ pa səa taje gə́ hərm ɓəd-ɓəd bula tɔ.

Lugu 9:5

Ɓó lé njéɓeeje lé d’wa sí gə́ rɔ dee’g el ndá undaje loo teḛje mee ɓee’g neelé ɓa kundaje kor gə́ gɔl sí’g kɔd-kɔd undaje ne naji lə sí ɔmje dɔ dee’g.

Néra Njékaḭkulaje 13:51

Pool gə Barnabas kunda kor gə́ gɔl dee’g kɔd-kɔd dɔ dee’g ndá d’ɔd d’aw Ikɔnə.

Néra Njékaḭkulaje 26:11

Gɔl bula ya m’un goo dee kəi-kwa-dɔ-na̰je’g lə deḛ lai m’ra sə dee né gə́ kədərə ləm, m’ɔs dee m’ar dee d’ila ndɔl dɔ Ala’g ləm tɔ. Oŋg ləm gə́ nuŋga kəd-kəd dɔ dee’g lé am m’aw m’ula kəm dee ndòo saar dɔ ɓeeje’g raŋg’d tɔ.

Néra Njékaḭkulaje 26:20

M’aw Damas kédé ɓa m’aw Jerusalem ləm, gə ɓeeje lai gə́ to ɓeeko̰ gə́ Jude ləma, gə goo ɓeeje lə njépole-magəje lé ləm tɔ lé m’ula dee ta kwa ndòo rɔ dɔ kaiya’g lə dee ləm, gə kɔs badm tel gə́ rɔ Ala’g ləma, gə néra gə́ a kwa bua kwa ndòo rɔ dɔ kaiya’g ləm tɔ.

Néra Njékaḭkulaje 28:28

Bèe ndá maji kar sí ooje to gə́ ta kaji lə Ala lé d’ula njétareeje ndá deḛ d’a taa ya.

Njé gə́ Rɔmə 3:29

Esé Ala lé see yeḛ to Ala lə Jibje nja gə kar dee ba wa. See yeḛ to ka̰ njétareeje to el wa. Bèe ya, yeḛ to ka̰ njétareeje ya tɔ.

1 Timote 5:22

Maji kari ḭ rad ila jii dɔ dəw’g el ləm, ɔm məəi gə mari na̰’d sad loo-kaiya’g ləa el ləm tɔ, i lé tɔs kəmi dɔ rɔi’g mba kar məəi àr ŋgad-ŋgad.

2 Timote 2:25

Deḛ gə́ d’oma̰ səa kara yeḛ a gɔl dee gə ndu noji ya mba kar Ala ar dee d’un ne kəm dee rəw dɔ kaiya’g lə dee mba kar kəm dee inja dɔ kankəmta’g tɔ.

1 Piɛrə 4:14

Ɓó lé d’a taji sí mbata ri Kristi gə́ seḭ unje ndá seḭ sije dan rɔlel’g ya, mbata Ndil Ala gə́ njḛdubarɔ lé nai sə sí ya.

1 Piɛrə 4:4

Loo gə́ deḛ d’oo to gə́ seḭ ulaje rɔ sí mbiriri sə dee na̰’d dan kaiya gə́ al dɔ loo sula lé el ndá deḛ d’oo gə́ né gə́ dum gə́ doŋgɔ ya tɔɓəi deḛ ndɔl sí ne tɔ.