Néra Njékaḭkulaje 18:26 - Maktub gə́ To gə Kəmee

²⁶ Yeḛ un ta pa yororo-yororo mee kəi-kwa-dɔ-na̰’g. Akilas gə Prisil d’ur mbi dee d’oo ne ta ləa ndá d’wá gə́ rɔ dee’g ndá d’ɔr ginta rəw lə Ala gə́ gəd d’aree oo.

Néra Njékaḭkulaje 18:26 ပူးပေါင်းရင်းမြစ်များ

Gosota-Kəmkàrje 1:5

Maji kar njekəmkàr oo ta ndá A kila ne négər ləa dɔ maree’g ləm, Yeḛ gə́ to njegosonégər lé kara A gər ne goso ra ne né ləm tɔ.

Gosota-Kəmkàrje 25:12

Ta gə́ njekəmkàr pa ne gə dəw gə́ ur mbia oo ta lé To asəna gə mbaiŋgira larlɔr ləm, gə néma̰d gə́ ra gə larlɔr gə́ àr ŋgad-ŋgad bèe ləm tɔ.

Gosota-Kəmkàrje 9:9

Ndoo njekəmkàr ta ndá Kəmee a kàr kunda nje gə́ kédé, Ndoo njemeekarabasur ta ndá Négər ləa a kḭ dɔ maree’d gə́ kédé-kédé tɔ.

Esai 58:1

Ɔr ndui gə́ tar ɓó əw el, Ar ndui ɓar to gə́ to̰to̰ bèe, Ila mbər ar koso-dəwje d’oo ne néra kori-korije lə dee ləm, Ar gel-bɔje lə Jakob d’oo ne kaiyaje lə dee ləm tɔ.

Mark 10:15

Ma m’ula sí təsərə, nana ɓa gə́ mée taa ɓeeko̰ lə Ala asəna gə mee ŋgon gə́ gɔ bèe el ndá yeḛ a kula dəa keneŋ wɔr nda̰ bèe el.

Lugu 19:26

Nɛ mbai lé ula dee pana: Ma m’ula sí təsərə, yeḛ gə́ si gə né jia’g ndá d’a karee maree dɔ’g ya, nɛ yeḛ gə́ si gə né ɓa iŋga maree dɔ’g el ndá d’a kwa taa jia’g tɔ.

Lugu 24:27

Tɔɓəi un ginee ɓee lə Moyis gə ɓee lə njéteggintaje lai lé yeḛ ɔr sə dee gintaje lai gə́ to mee maktub gə́ to gə kəmee gə́ pata wɔji ne dəa-yeḛ lé ar dee ya.

Tagə́maji gə́ Ja̰ ndang 7:17

Dəw gə́ rara ɓa lé wa mée kɔgərɔ gə mba ra torndia lé ndá ta kɔr ləm gə́ m’ɔr lé m’ɔr gə ka̰ Ala əsé m’ɔr gə́ kama kara yeḛ a gər gao ya.

Néra Njékaḭkulaje 14:3

Lé bèe kara deḛ nai Ikɔnə ndɔ dee bula bəl ya ɓəi. Deḛ d’ɔr ne ta gə kəm ŋgondiŋgam nduna rɔ dee rɔ Mbaidɔmbaije’g. Yeḛ nja ɓa ɔr ne goo ta noji’g ləa ar dee ra ne némɔrije gə néje gə́ dumkoo gə ji dee.

Néra Njékaḭkulaje 18:18

Pool nai Korintə ndəa bula bəl. Gée gə́ gogo yeḛ ra ŋgako̰ na̰je lapia ɓa uru mee bato’g gə mba kaw Siri gə Prisil gə Akilas na̰’d. Kédé ɓa karee uru mee bato’g ɓəi yeḛ ndisa dəa mee ɓee gə́ Sa̰kre mbata ndukun gə́ yeḛ un lé.

Néra Njékaḭkulaje 18:25

Yeḛ to dəw gə́ kəmee inja dɔ rəw’g lə Mbaidɔmbaije ləm, ndilee ɔs pər keneŋ jəgəgə ləma, yeḛ ula dəwje ta gə́ wɔji dɔ Jeju ndoo dee gə goo rəbee loo kára ba sur ləm tɔ. Nɛ batɛm ra lə Ja̰ ya kára ba sur ɓa gər.

Néra Njékaḭkulaje 19:8

Gée gə́ gogo Pool andə aw mee kəi-kwa-dɔ-na̰’g ndá yeḛ aar keneŋ pata yororo-yororo. As naḭ munda yeḛ ɔr goo ta néje gə́ wɔji dɔ ɓeeko̰ lə Ala ula ne rəa ndubu gə mba kar deḛ gə́ d’oo ta ləa lé taa ta gə́ yeḛ ula dee lé rəgm.

Néra Njékaḭkulaje 28:23

D’wɔji ndɔ dee d’aree ɓa njé gə́ na̰je bula ree d’iŋgá kəi gə́ yeḛ si keneŋ lé. Pool ɔr ta riba ne dɔ ɓeeko̰ lə Ala, ɔr ne ginta godndu Moyis gə ka̰ njéteggintaje gə́ wɔji dɔ Jeju ula ne ta meḛ dee’g. D’wɔji na̰ ta dɔ’g gə ndɔ ya saar d’ar kàrkemetag dɔ dee’g.

Néra Njékaḭkulaje 8:31

Yeḛ tel ilá keneŋ pana: Ɓó lé dəw tɔjim el ndá see m’a gər ginee to gə́ banwa. Ndá yeḛ tel ula Pilibə aree al si səa na̰’d mee pusu’g lé.

1 Njé gə́ Kɔrḭtə 12:21

Kəm dəw a kas kula ji dəw pana: M’aw ndooi el, a pa bèe el ləm, dɔ dəw a kula gɔl dəw pana: M’aw ndooi el, a pa bèe el ləm tɔ.

1 Njé gə́ Kɔrḭtə 3:18

Maji kar nana kara əsta dɔ rəa’g el. Ɓó lé dəw kára ə̰ji ta mée’g pana: Neḛ n’to gə́ njekəmkàr gə goo kəmkàr lə dəwje gə́ dɔ naŋg nee ɓasinè ndá maji kar njea tel mbə ɓa gə mba tel njekəmkàr gə́ gəd ɓəi.

1 Njé gə́ Kɔrḭtə 8:2

Ɓó lé dəw kára pidi rəa pana: Né neelé neḛ n’gər kəmee maji ndá né gə́ kəm gər lé yeḛ gər ginee njai el ɓəi.

Ǝbrəje 6:1

Gelee gə́ nee ɓa ar sí j’ya̰ néndoo gə́ dɔtar gə́ wɔji dɔ ta lə Kristi ɓa j’aw ne gə́ kédé-kédé dɔ néndoo gə́ ɔr ne dɔ njoroŋ ɓəi ɓó ar sí n’tum gin ta néje neelé gogo el: yee ɓa to ta gə́ wɔji dɔ kya̰ goo néra sí gə́ ləw gə́ unda naŋg ndəs ləm,

2 Piɛrə 3:18

Nɛ maji kar sí tɔgje dɔ noji’g lə Mbaidɔmbaije Jeju Kristi, Njekaji sí ləm, gə dɔ gər ndiaa’g ləm tɔ. Maji kula rɔnduba dəa’g ɓasinè ləm gə saar gə́ ləbee-ləbee gə no̰ ləm tɔ. Amen!