Néra Njékaḭkulaje 18:25 - Maktub gə́ To gə Kəmee

²⁵ Yeḛ to dəw gə́ kəmee inja dɔ rəw’g lə Mbaidɔmbaije ləm, ndilee ɔs pər keneŋ jəgəgə ləma, yeḛ ula dəwje ta gə́ wɔji dɔ Jeju ndoo dee gə goo rəbee loo kára ba sur ləm tɔ. Nɛ batɛm ra lə Ja̰ ya kára ba sur ɓa gər.

Néra Njékaḭkulaje 18:25 ပူးပေါင်းရင်းမြစ်များ

Gḭ-Néje 18:19

Mbata ma nja m’ɔree mba karee un ndia ar ŋganeeje, gə njémeekəije ləa gə́ d’a gə korè gée lé mba kar dee d’aa dɔ rəw lə Njesigənea̰ ləm, gə mba kar dee ra né gə́ dana gə né gə́ to gə dɔ najee ləm tɔ. Bèe ɓa ndukunje gə́ wɔji dɔ Abrakam gə́ Njesigənea̰ un aree lé d’a kaw ne lée’g béréré ya.

Pakɔsje 119:1

Rɔlel nai gə deḛ gə́ gel dee godo rəw-kaw dee’g Ar dee njaa gə goo godndu Njesigənea̰ lé.

Pakɔsje 67:2

Maji kar Ala oo kəm sí lootondoo’g Tɔr ne ndia dɔ sí’g ləm, Maji kar kəmee to dɔ sí’g jḛ̀ ləm tɔ.

Esai 40:3

Ndu dəw ɓar pana: Gɔlje rəw lə Njesigənea̰ dɔdilaloo’g Gɔlje rəw mbata lə Ala lə sí Areeje to dana njoroŋ mee looje gə́ tudu kurum-kurum’g .

Jeremi 6:16

Njesigənea̰ pa togə́bè pana: Undaje rɔ sí rəwje’g aaje loo ooje. Dəjije kila-rəwje gə́ ləw ooje, See rəw gə́ ra ɓa maji wa. Bèe ndá njaaje keneŋ Ndá seḭ a kiŋgaje loo-kwa-rɔ sí keneŋ! Nɛ deḛ d’ilá keneŋ pana: Jeḛ j’a njaaje keneŋ el.

Ojee 14:9

Seḭ Eprayimje, see ɗi ɓa a raje gə magə-poleje tɔɓəi wa. Ma nja m’a koo tamaji lə Eprayimje ləm, M’a kaa dɔ dee ləm tɔ, M’a to kasəna gə kag-siprɛs gə́ kamee ndòlé el mbata lə dee bèe. Seḭ a kiŋgaje kandə sí rɔm ma’g ya.

Mark 1:3

To ndu yeḛ gə́ njekilamber gə dɔdilaloo lé pana: Gɔlje rəw lə Mbaidɔmbaije lé Gɔlje ŋgan rəwje ləa ar deeje d’asəna rai-rai.

Mark 12:14

Deḛ ree rəa’g d’un ta dəjee pana: Mbai, jeḛ n’gər gao i lé to kankəm dəw gə́ gəd ya, i to gə́ njeɓel kəm dəw kára kara el ləm, i to gə́ njekɔr kəm dəw kára kara el ləma, I ndoo dee rəw lə Ala lé gə goo rəbee ya ləm tɔ. Bèe ŋga see kuga lar-gədɓee lə Sesar lé see to né gə́ kəm ra əsé to né gə́ kəm ra el wa. See j’a kuga səa əsé j’a kuga səa el wa.

Lugu 1:4

gə mba kari gər gao, néje neelé gə́ deḛ tɔjii lé to tɔgərɔ ɓó loo maḭyee godo ŋga.

Lugu 7:29

Koso-dəwje lai gə́ d’oo ta ləa ləm, gə njétaa lar-gədɓeeje gə́ d’aar keneŋ ləm tɔ lé d’oo Ala lé gə́ njemeekarabasur ndá d’ar Ja̰ ra dee ne batɛm tɔ.

Néra Njékaḭkulaje 13:10

Yen i dəw gə́ gosɔyèr gə njuma̰ rusu məəi njḭ-njḭ ləm, i ŋgon lə njekurai gə́ njekunda ba̰, tuji ne gel néraje lai-lai gə́ ra gə dɔ najee ləm tɔ lé rəw lə Mbaidɔmbaije gə́ to danasur gə́ i wa ɗugu koŋ-koŋ lé see ndɔ gə́ ra ɓa i a kəw rɔi ra togə́bè ɓəi wa.

Néra Njékaḭkulaje 16:17

Yeḛ oso goo síjeḛ gə́ Pool’g ra né tar wəl-wəl pana: Dəwje neelé to kuraje lə Ala gə́ Njekurdɔloo’g gə́ d’ula sí ne ta lə rəw-kaji.

Néra Njékaḭkulaje 18:26

Yeḛ un ta pa yororo-yororo mee kəi-kwa-dɔ-na̰’g. Akilas gə Prisil d’ur mbi dee d’oo ne ta ləa ndá d’wá gə́ rɔ dee’g ndá d’ɔr ginta rəw lə Ala gə́ gəd d’aree oo.

Néra Njékaḭkulaje 19:23

Mee ləbee’g neelé ta gə́ boo oso wɔji dɔ rəw lə Mbaidɔmbaije.

Néra Njékaḭkulaje 19:3

Yeḛ tel dəji dee pana: See batɛm gə́ ra ɓa deḛ ra sí ne ɓəi wa. Deḛ tel d’ilá keneŋ pana: Batɛm gə́ ka̰ Ja̰.

Néra Njékaḭkulaje 19:9

Nɛ njé gə́ na̰je gə́ to gə́ njédumje lé d’un mbi dee ndogo ne lel dɔ ta’g ləa. Loo gə́ yeḛ oo to gə́ deḛ pata gə́ yèr dɔ rəw’g lə Mbaidɔmbaije no̰ dəw-bulaje’g lé ndá yeḛ sa rəa rɔ dee’g unda kəm njékwakiláje ɓəd ndoo dee ne né gə ndəa-ndəa loo-ndoo-né’g lə dəw gə́ ria lə Tiranus.

Néra Njékaḭkulaje 9:2

Yeḛ aḭ haar aw rɔ ŋgɔ-njekinjanéməs’g dəjee maktub gə mba kaw ne kəi-kiŋga-na̰je’g gə́ to Damas, bèe ɓa ɓó lé yeḛ a kiŋga diŋgamje əsé denéje gə́ d’un rəw goo Mbaidɔmbaije’g ndá yeḛ a twa dee tɔ dee gə kúla kaw sə dee Jerusalem.

Njé gə́ Rɔmə 12:11

Raje kula lə sí gə rɔ sí bura ɓó raje dab dɔ’g el. Arje ndil sí ɔs pər keneŋ jəgəgə ya. Raje né arje Mbaidɔmbaije.

2 Timote 2:4

Ɓó lé dəw aw gə́ loo rɔ’g ndá yeḛ a jɔg rəa gə mba néje gə́ yeḛ ya̰ gogo el ŋga, yen ɓa yeḛ a taa kəm yeḛ gə́ njekila gée’g ɓəi.

Maktub gə́ Jak ula ne ar ngan-Allaje 5:16

Tegje gin kaiya lə sí gə́ raga arje na̰ ləm, raje tamaji mbata lə na̰ ləm tɔ mba kar kəm sí tuga ne sib. Tamaji gə́ rara gə́ njemeekarabasur ra gə́ ɓar mḭ ndá to tamaji gə́ mḭ ya.

Njéga̰g-Rəwtaje 2:22

Togə́bè ɓa m’a kaḭ ne meḛ Israɛlje mba koo see d’a kunda kəmkàr dɔ rɔ dee’g mba kun goo rəw lə Njesigənea̰ to gə́ bɔ deeje-je d’un əsé d’a kunda ne kəmkàr dɔ rɔ dee’g el wa.

1 Samel 12:23

Ma ɓa yḛ̀ m’a lal ra tamaji ta Njesigənea̰’g mbata lə sí el nà a tel to kaiya gə́ m’a kɔs ne Njesigənea̰ rəw ya. Nɛ m’a ndoo sí rəw gə́ maji ləm gə gə́ danasur lé ləm tɔ.