Néra Njékaḭkulaje 18:21 - Maktub gə́ To gə Kəmee

²¹ Nɛ yeḛ ndigi sə dee el. Yeḛ ra dee lapia pana: Lé riri kara m’a kaw ra naḭ gə́ gogo mee ɓee gə́ Jerusalem ya. Ɓó lé mee Ala ndigi ndá m’a tel kiŋga sí ɓəi. Yeḛ ḭ Epesə uru mee bato’g ɔd aw.

Néra Njékaḭkulaje 18:21 ပူးပေါင်းရင်းမြစ်များ

Matiyo 26:39

Loo gə́ yee ɔd aw gə kuree rəgəsə ndá yeḛ oso naŋg bəbərə dəb kəmee naŋg ra ndòo ta Ala’g pana: Bɔm, ɓó lé to kəm ra ndá taa ŋgo-kai meeko̰ neelé jim’g rəw gə́ raŋg. Ɓó lé to gə́ ndigi el ndá kara ra né gə́ məəi-i nja wɔji ɓó to gə́ məəm-ma ɓa wɔji el.

Mark 6:46

Loo gə́ yeḛ ula dee ar dee d’ḭ d’aw mba̰ ndá yeḛ ɔd tuga loo aw dɔ mbal’g mba ra tamaji ta Ala’g.

Lugu 9:61

Dəw gə́ raŋg kára bèe ulá pana: Mbai, ma lé m’a gə kun rəw gooi’g ya, nɛ maji kari ya̰ loo am m’aw m’ra njénojije ləm lapia kédé ɓa.

Néra Njékaḭkulaje 15:29

Né gə́ kəm ra gə́ j’ula sí lé ɓa nee: Ɔgje rɔ sí dɔ da gə́ deḛ pole ne magəje ləm, gə dɔ məs’g ləm, gə dɔ nékulje gə́ mbiri gwɔs dee’g ləma, gə dɔ mɔdkaiya’g ləm tɔ. Néje neelé ɓa maji kar sí ɔgje rɔ sí dɔ’g ya. J’ɔm sí ji Ala’g.

Néra Njékaḭkulaje 18:19

Loo gə́ deḛ teḛ Epesə mba̰ ndá Pool uba njéboalookawje ləa ya̰ dee keneŋ. Yeḛ andə aw mee kəi-kwa-dɔ-na̰’g wɔji ta gə Jibje.

Néra Njékaḭkulaje 18:20

Deḛ neelé ra ndòo rəa’g gə mba karee nai sə dee ndəa bula bəl tɔ.

Néra Njékaḭkulaje 18:24

Jib kára ria lə Apolɔs gə́ ɓee-kojee to gə́ Aleja̰dri lé ree si Epesə. Yeḛ to dəw gə́ tapea inja paw ləm, Yeḛ gər ta gə́ to mee maktub gə́ to gə kəmee lé gəd ləm,

Néra Njékaḭkulaje 19:1

Loo gə́ Apolɔs nai Kɔrḭtə ɓəi ndá Pool aw gə loo-loo gə kəmee gə́ kédé ɓeeko̰ gə́ Asi saar teḛ Epesə. Yeḛ iŋga njékwakiláje gə́ na̰je keneŋ dəji dee pana:

Néra Njékaḭkulaje 19:17

Jibje gə Grekje lai gə́ d’isi Epesə lé d’aw gə taree ta dee’g wəg-wəg, ar ɓəl unda deḛ lai gaŋg dee, nɛ ri Mbaidɔmbaije Jeju oso gə loo mbidi-mbidi.

Néra Njékaḭkulaje 19:21

Gée gə́ gogo ndá Pool wɔji-kwɔji kunda mee dəb ɓeeko̰ gə́ Masedoinə gə Akai gaŋg kaw Jerusalem. Yeḛ pa mée’g pana: Loo gə́ ma m’teḛ keneŋ ndá lé riri kara m’a kaw gə nɔm kaw Rɔm ya.

Néra Njékaḭkulaje 20:16

Pool wɔji-kwɔji gə mba dəs Epesə tar lal kwa naŋg keneŋ mbata yeḛ ndigi kaw go̰-go̰ ɓeeko̰ gə́ Asi el. Yeḛ ɔs rəa ɓad gə mba kaw, ɓó lé banelə teḛ Jerusalem’g mba̰ ɓa ɓó gə kar ndɔ Pa̰dekɔt teḛ ɓəi.

Néra Njékaḭkulaje 21:14

Loo gə́ yeḛ ya̰ rəw ar sí j’ula ta mée’g el lé ndá jeḛ j’yá̰ tɔ, m’pa ne pana: Maji karee to gə goo rəw gə́ Mbaidɔmbaije wɔji mée’g ya.

Néra Njékaḭkulaje 21:29

Deḛ pa togə́bè mbata kédé lé d’oo Tropim, dəw gə́ Epesə səa na̰’d mee ɓee’g, yee ɓa meḛ dee ndaji ta pana: Pool aree andə mee kəi-Ala’g ya.

Njé gə́ Rɔmə 1:10

m’ndəjee ta-ta gə mba karee ɔr rəw am m’aw ɓee lə sí to gə́ mée-yeḛ nja wɔji ləm tɔ.

Njé gə́ Rɔmə 15:32

Bèe ɓa ɓó lé mee Ala ndigi ndá m’a teḛ rɔ sí’g gə rɔlel ləm, m’wa ne rɔm mbuna sí’g lam ləm tɔ.

1 Njé gə́ Kɔrḭtə 15:32

Ɓó lé m’rɔ gə da-ŋgaŋkasje gə́ Epesə to gə́ dəwje gə́ dɔ naŋg nee rɔ lé ndá see ɗi ɓa m’a kiŋga keneŋ wa. Ɓó lé njé gə́ d’wəi lé d’a gə kunda loo teḛ el Ndá ar sí j’usɔje gə j’aije Mbata bèlè ndá j’a gə kwəije.

1 Njé gə́ Kɔrḭtə 16:7

Ndəa neelé ma m’ndigi koo sí gə́ koo ɓa dəs kaw ɓəi lé el. Nɛ ɓó lé Mbaidɔmbaije ndigi ndá m’unda məəm yel gə mba si sə sí waga nja ɓəi ya.

1 Njé gə́ Kɔrḭtə 16:8

Lé riri kara m’a nai Epesə saar teḛ ndɔ Pa̰dekɔt ya,

1 Njé gə́ Kɔrḭtə 4:19

Ɓó lé mee Mbaidɔmbaije ndigi ndá mbɔr ɓa m’a kila gɔlm ɓee lə sí. Bèe ɓa m’a gər ne siŋga lə njéti rɔ deeje koo ɓó m’a gər tapa dee goo kára ba el.

2 Njé gə́ Kɔrḭtə 13:11

Ŋgakɔmje, ges ta gə́ nai lé maji kar sí ndaje meḛ sí kaḭ ləm, saŋgje loo gə mba toje dəwje gə́ maji ɔr njoroŋ ləm, gɔlje meḛ na̰ ləm, ɔmje meḛ sí na̰’d sad ləma, sije gə meekulɔm mbuna na̰’d ləm tɔ, bèe ɓa, Ala gə́ njeyelko meenoji gə meekulɔm lé a nai sə sí ɓəi.

Njé gə́ Epesə 1:1

Ma Pool, njekaḭkula lə Jeju Kristi gə́ Ala ɔrm kəmee’g to gə́ mée wɔji lé m’ndaŋg maktub nee m’ar deḛ gə́ to gə kəmee Epesə ləm, m’ar majikojije gə́ gin Jeju Kristi ləm tɔ.

Tel tura Godndu 16:1

Mee naḭ Abib’g lé seḭ a raje naḭ Pag gə mba kwaje ne Njesigənea̰, Ala lə sí meḛ sí’g ɓó a karje meḛ sí wəi dɔ’g el, mbata to mee naḭ’g neelé ɓa Ala lə sí gə́ Njesigənea̰ ar sí undaje ne loo mee ɓee gə́ Ejiptə loondul’g teḛje lé.

Ǝbrəje 6:3

Ɓó lé Ala ya̰ rəw ar sí ndá yee ɓa j’a ra bèe ya.

Maktub gə́ Jak ula ne ar ngan-Allaje 4:15

Ta gə́ kəm kar sí paje lé ɓa nee: Ɓó lé mee Ala ndigi ndá j’a si kəmba ləm, j’a ra né gə́ yo əsé né gə́ nee ləm tɔ.

1 Piɛrə 3:17

Kai meḛ sí sam-sam dan némeeko̰ gə́ wɔji dɔ néra maji lə sí, ɓó lé to né gə́ mee Ala wɔji ndá maji unda kai meḛ sí sam-sam dan némeeko̰ gə́ wɔji dɔ néra gə́ majel lə sí lé.

Loo gə́ killa rea kəm Ja̰’g 1:11

pana: Né gə́ ma m’oo lé maji kam ndaŋg maktub’g m’ula ne m’ar Eglisəje gə́ siri gə́ to Epesə ləm, gə Smirnə ləm, gə Pergamə ləm, gə Tiatirə ləm, gə Sardes ləm, gə Piladelpi ləma, gə laodise ləm tɔ.

Loo gə́ killa rea kəm Ja̰’g 2:1

Maji kam m’ndaŋg maktub nee m’ar kura lə Ala gə́ wɔji dɔ Eglisə gə́ to Epesə pana: Aa oo, yeḛ gə́ kéréméje gə́ siri to jikɔlee’g lé yeḛ gə́ njaa dan kag pərndɔje gə́ siri gə́ ra gə larlɔr neelé yeḛ nja ɓa pana: