Néra Njékaḭkulaje 18:18 - Maktub gə́ To gə Kəmee

¹⁸ Pool nai Korintə ndəa bula bəl. Gée gə́ gogo yeḛ ra ŋgako̰ na̰je lapia ɓa uru mee bato’g gə mba kaw Siri gə Prisil gə Akilas na̰’d. Kédé ɓa karee uru mee bato’g ɓəi yeḛ ndisa dəa mee ɓee gə́ Sa̰kre mbata ndukun gə́ yeḛ un lé.

Néra Njékaḭkulaje 18:18 ပူးပေါင်းရင်းမြစ်များ

Bula lə Israɛlje 6:18

Njekunda rəa gə kəmee kar Njesigənea̰ neelé a ndisa dəa gə́ to gə kəmee lé tarəw kəi-kubu-kiŋga-na̰’g ndá yeḛ a kodo yiŋga dəa gə́ to gə kəmee doi neelé kɔm pər’d gə́ to gel nékinjaməs gə́ ka̰ kɔm na̰’d sad’g lé.

Bula lə Israɛlje 6:2

Ula Israɛlje ta ndá i a kula dee pana: Loo gə́ diŋgam əsé dené a kɔr rəa mbuna mareeje’g mba kun ndukun gə́ ɓaree najirea gə mba kunda ne rəa gə kəmee kar Njesigənea̰ lé ndá

Matiyo 4:24

Nea̰ oso loo mbidi-mbidi ɓeeko̰ gə́ Siri. Deḛ d’odo njérɔko̰je, gə deḛ gə́ d’isi gə meeko̰ gə́ gə ria-ria ləm, gə deḛ gə́ ndilje gə́ majel to meḛ dee’g d’ula kəm dee ndòo ləm, gə deḛ gə́ kɔr ra dee ləma, gə deḛ gə́ yoo-ndag unda dee ləm tɔ, d’odo dee lai-lai ree sə dee rəa’g ndá yeḛ aji dee ya.

Mark 6:46

Loo gə́ yeḛ ula dee ar dee d’ḭ d’aw mba̰ ndá yeḛ ɔd tuga loo aw dɔ mbal’g mba ra tamaji ta Ala’g.

Néra Njékaḭkulaje 1:15

Mee ndəa’g neelé ŋgako̰ na̰je gə́ mbo̰ dɔ na̰ lé d’aḭ tɔl gə dɔ dee rɔ-joo. Piɛrə uba naŋg ḭta dan dee’g ula dee pana:

Néra Njékaḭkulaje 15:23

Deḛ ndaŋg maktub d’ula ji dee’g d’ar dee d’aw ne, deḛ pata mee maktub’g neelé pana: Jeḛ njékaḭkulaje ləm, gə ŋgatɔgje ləma, gə ŋgako̰ na̰je ləm tɔ lé jeḛ ndaŋg maktub nee j’ar sí-seḭ ŋgako̰ na̰je gə́ mbuna njépole-magəje gə́ sije Antiɔs gə Siri gə Silisi tɔ. Jeḛ n’ra sí lapia gə́ boo.

Néra Njékaḭkulaje 15:41

Yeḛ aw gə loo-loo Siri gə Silisi ula diŋgam mee Eglisəje’g.

Néra Njékaḭkulaje 18:2

Yeḛ iŋga Jib kára keneŋ ria Akila gə́ ɓee-kojee to gə́ Po̰t. Yeḛ gə dené ləa Prisil d’ḭ Itali ree pəd ya ɓəi mbata Klodə un ndia ar Jibje lai gə mba kar dee sa rɔ dee Rɔm’g. Yeḛ aw rɔ dee’g

Néra Njékaḭkulaje 18:26

Yeḛ un ta pa yororo-yororo mee kəi-kwa-dɔ-na̰’g. Akilas gə Prisil d’ur mbi dee d’oo ne ta ləa ndá d’wá gə́ rɔ dee’g ndá d’ɔr ginta rəw lə Ala gə́ gəd d’aree oo.

Néra Njékaḭkulaje 18:27

To gə́ yeḛ wɔji-kwɔji kaw gə́ Akai ndá ŋgako̰ na̰je d’ula diŋgam mée’g tɔɓəi deḛ ndaŋg maktub d’aree gə mba karee aw ne ar njékwakiláje ɓó gə kar dee d’wá ne gə́ rɔ dee’g. Loo gə́ yeḛ teḛ keneŋ ndá yeḛ la sə dee-deḛ gə́ mbɔl dɔ noji gə́ Ala wa sə dee lé d’un ne meḛ dee.

Néra Njékaḭkulaje 21:23

Gelee gə́ nee ɓa maji kari ra né gə́ j’a gə kulai lé. Dəwje sɔ mbuna sí’g nee to gə́ njekun ndu deeje.

Néra Njékaḭkulaje 21:24

Maji kari ɔr némina̰ rɔi’g sə dee na̰’d ndá i nja a ndogo né kar dee ndisa ne dɔ dee mbɔji. Togə́bè dəwje lai d’a kooi gə́ njekaa dɔ godndu lé kər-kər ndá d’a koo ta gə́ dəwje təd d’ɔm tai’g lé gə́ taŋgɔm ya.

Néra Njékaḭkulaje 21:3

Loo gə́ j’un kəm sí j’oo dɔgoré-loo gə́ Siprə ndá j’ya̰ gə́ dɔgel bèe ɓa j’un rəw kəm sí gə́ par gə́ Siri ndá j’wa naŋg Tir, mbata lée neelé ɓa d’a gə kɔr néje gə́ mee bato’g lé kɔm keneŋ.

Njé gə́ Rɔmə 16:1

Ma m’ndəji sí mba kar sí tɔsje kəm sí dɔ Poebé, kɔnan sí gə́ dené gə́ to kura lə Eglisə gə́ Sa̰kre,

1 Njé gə́ Kɔrḭtə 9:20

Mbuna Jibje lé ma m’tel rɔm gə́ Jib ɓó gə mba kiŋga ne Jibje. Mbuna deḛ gə́ d’isi gin godndu Moyis’g lé ma gə́ m’to gə́ gin godndu’g neelé el lé m’tel m’oso gin godndu’g ɓó gə mba kiŋga ne deḛ gə́ d’isi gin godndu’g lé tɔ.

Njé gə́ Galati 1:21

Gée gə́ gogo ma m’ḭ m’aw ɓeeko̰ gə́ Siri gə Silisi tɔ.