Néra Njékaḭkulaje 17:32 - Maktub gə́ To gə Kəmee

³² Loo gə́ deḛ d’oo ta teḛ gə́ dəwje d’a gə teḛ dɔkumbwa’g lé ndá njé gə́ na̰je kɔgee ləm, njé gə́ raŋg pana: J’a koo səa taree ndɔ gə́ raŋg ɓəi ləm tɔ.

Néra Njékaḭkulaje 17:32 ပူးပေါင်းရင်းမြစ်များ

Gḭ-Néje 19:14

Lɔt teḛ raga ndá yeḛ neelé pata ar məmeeje-je gə́ njétaa ŋganeeje gə́ dené pana: Ḭje tar, teḛje loo gə́ nee’g gə́ raga. Mbata Njesigənea̰ a gə tuji ɓee-boo neelé ya. Nɛ məmeeje-je lé d’oo tapea lé gə́ ta kogo ba.

2 Sôrta Gḭka Israɛlje 36:16

Nɛ deḛ d’ula sul dɔ njékaḭkulaje’g lə Ala d’ə̰ji dee ne bəḭ-bəḭ ləm, d’unda njéteggintaje lé gə́ nékogo ləm tɔ saar d’ar oŋg lə Njesigənea̰ ḭ ne səa dɔ koso-dəwje’g ləa ar loo kwa ŋgaŋgee godo tɔ.

Lugu 14:18

Nɛ deḛ lai tɔ ta lə dee nəg-nəg. Yeḛ gə́ kára pana: Ma m’ndogo loo-ndɔ ndá m’isi m’aw tar gə́ keneŋ gə mba koo, bèe ndá ila məəi dɔm’g po̰ ɓa.

Lugu 22:63

Deḛ gə́ ŋgəm Jeju lé kogee d’ula sul dəa’g ləm, deḛ kundá ləm tɔ.

Lugu 23:11

Yen ŋga Herɔdə gə njéŋgəmlooje ləa d’ée gə́ dəw el, tɔɓəi loo gə́ d’ula sul dəa’g ləm, d’ula kubu gə́ ndoolé yḛd-yḛd rəa’g ləm tɔ ndá d’ar dee tel d’aw səa rɔ Pilatə’g.

Lugu 23:36

Njérɔje kara d’ula sul dəa’g tɔ, deḛ rəm pər gə́ rəa’g d’ula mán-nduú gə́ mas təa’g,

Néra Njékaḭkulaje 13:41

Seḭ njékimlooje, aaje loo ooje, Arje meḛ sí ndəb pəd-pəd ɓó gə uduje ne, Mbata né gə́ n’a gə ra ɓó lé d’ɔr soree d’ar sí kédé kara seḭ a taaje gə meḛ sí el, Nɛ n’a ra né mee ndəa gə́ seḭ a síje keneŋ gə kəmə sí ɓəi ya.

Néra Njékaḭkulaje 17:18

Njégər gintaje gə́ na̰je gə́ to Epikuriḛje gə Stoisiḛje lé d’un kudu kwɔji səa ta. Njé gə́ na̰je mbuna dee’g dəji na̰ pana: See ta ɗi ɓa njetakwɔji neelé wɔji bèe wa. Njé gə́ raŋg d’oo ri Jeju gə́ yeḛ pa ləm, gə ta teḛ dɔkumbwa’g lé ləm tɔ ndá deḛ tar taree pana: To asəna gə yeḛ pata gə́ wɔji ne dɔ magəje gə́ dɔ ɓee gə́ raŋg’d.

Néra Njékaḭkulaje 17:31

mbata yeḛ unda ndɔ gə́ yeḛ a gə gaŋg rəwta dɔ dəwje gə́ dɔ naŋg neelé gə goo rəbee ləm, dəw gə́ a gə gaŋg rəwta neelé kara yeḛ unda doi ləm tɔ. Yeḛ ar dəwje lai d’oo ta neelé gao loo gə́ yeḛ ar debee neelé unda loo teḛ dan njé gə́ d’wəi’g.

Néra Njékaḭkulaje 17:33

Yen ŋga Pool ḭ mbuna dee’g sa rəa aw.

Néra Njékaḭkulaje 2:13

Nɛ njé gə́ raŋg kogo dee pana: Kido gə́ mḭ ɓa rusu meḛ dee.

Néra Njékaḭkulaje 24:25

Nɛ loo gə́ Pool pata wɔji ne dɔ meekarabasur ləm, gə kunda kəmkàr dɔ rɔ’g ləma, gə rəwta-gaŋg gə́ a gə ree ləm tɔ ndá Pelis ɓəl ulá pana: Sa rɔi ɓasinè aw. Loo gə́ m’a kiŋga loo ɓa m’a kula-kula ɓari ɓəi.

Néra Njékaḭkulaje 25:19

Ta lə dee lé to tamaḭ gə́ deḛ maḭ d’wɔji ne dɔ rəw kwa Ala mee’g gə́ wɔji dɔ dee-deḛ ləm, gə dɔ dəw kára gə́ ria lə Jeju gə́ wəi nɛ Pool pana: Tel si kəmba lé ləm tɔ.

Néra Njékaḭkulaje 26:8

Kwii, see kunda gə́ Ala a kar dəwje d’unda loo teḛ loo-yoo’g lé see ooje né gə́ kəm kunda mee yel dɔ’g el wa.

1 Njé gə́ Kɔrḭtə 1:23

Nɛ jeḛ lé jeḛ j’ila mber ta lə Kristi gə́ deḛ ɗaree kaar kag’d ɓa. Yee ɓa gə́ né gə́ tuga gɔl Jibje ɓigidi-ɓigidi ləm, to gə́ némbə kəm njépole-magəje’g ləm tɔ.

1 Njé gə́ Kɔrḭtə 15:12

Ɓó lé deḛ d’ila mber pana: Kristi teḛ mbuna njé gə́ d’wəi’g ndá ŋga, see ban ɓa njé gə́ na̰je mbuna sí’g pana: Njé gə́ d’wəi lé d’a teḛ dɔkumbwa’g nda̰ el wa.

1 Njé gə́ Kɔrḭtə 4:10

Jeḛ n’to gə́ njénégərelje mbata lə Kristi, seḭ lé seḭ toje njékəmkàrje gin Kristi’g. Jeḛ lé n’toje yɔ-dəwje, nɛ seḭ toje njésiŋgamoŋje. Seḭ lé d’ila riɓar dɔ sí’g ya nɛ jeḛ lé d’ə̰ji sí gə kḛji!

2 Njé gə́ Kɔrḭtə 6:2

Mbata yeḛ pana: Ndɔ noji’g ɓa ma m’oo ndu sí ləm, Ndɔ kaji’g lé ma m’la sə sí ya ləm tɔ. Aa ooje, ɓasinè lé to ndɔ noji lé ya ŋga. Aa ooje ɓasinè lé to ndɔ kaji lé ya tɔ.

Ǝbrəje 11:36

Njé gə́ raŋg lé deḛ ndaji ndu dee ləm, kunda dee gə ndəi ləma, d’wa dee daŋgai gə kúla lar ləm tɔ.

Ǝbrəje 13:13

Ar sí n’teḛje j’awje rəa’g gir loo gə́ raga n’taaje ne rɔkul ləa j’odoje.