Néra Njékaḭkulaje 17:24 - Maktub gə́ To gə Kəmee

²⁴ Ala gə́ njekunda naŋg nee gə néje lai gə́ to keneŋ lé yeḛ to Mbai dɔ dara gə dɔ naŋg nee tɔ. Bèe ndá yeḛ si mee kəi gə́ ji dəw ɓa ra el.

Néra Njékaḭkulaje 17:24 ပူးပေါင်းရင်းမြစ်များ

Gḭ-Néje 1:1

Kédé gə́ dɔtar lé, Ala unda dara gə naŋg nee tɔ.

Gḭ-Néje 14:19

Yeḛ tɔr ndia dɔ Abram’g pana: Maji kar Ala gə́ Njekurdɔloo, yeḛ gə́ to mbai dɔ dara gə naŋg nee lé tɔr ndia dɔ Abram’g!

Gḭ-Néje 14:22

Abram ila mbai gə́ Sɔdɔm keneŋ pana: Ma m’un jim par gə́ rɔ Njesigənea̰’g, Ala gə́ Njekurdɔloo, yeḛ gə́ to mbai dɔ dara gə naŋg nee:

1 Mbaije 8:27

Nɛ see Ala a si dɔ naŋg nee tɔgərɔ ya wa. Aa oo, dara gə́ to dɔ na̰’d dɔ na̰’d lé kara d’asi el nɛ ɓəd ɓa see kəi gə́ m’ra m’ari nee ɓa a k’asi ɓəi wa.

2 Mbaije 19:15

ra ne tamaji nee ar Njesigənea̰ pana: Njesigənea̰, Ala lə Israɛlje, i gə́ si dɔ kuraje gə́ dara gə́ ɓar dee Nékundaje gə́ dara! I nja kára ba kiao ɓa to Ala dɔ ɓeeko̰je’g lai gə́ dɔ naŋg nee ləm, i ɓa gə́ njekunda dara gə naŋg nee ləm tɔ.

2 Sôrta Gḭka Israɛlje 2:6

Maji kari ula gə dəw kára gə́ gər goso ra kula gə larlɔr, gə larnda, gə larkas, gə larndul, gə dɔ kubuje gə́ ndiri dee ndul piro-piro ləm, gə kas gəḭ ləma, gə to bədələ ləm tɔ, yeḛ a to njegər goso tɔl néje mba karee ra kula gə mba kar dee ra kula na̰’d gə njégər goso kulaje gə́ d’isi rɔm’g Juda gə Jerusalem gə́ bɔm Dabid mbər dee lé tɔ.

2 Sôrta Gḭka Israɛlje 6:18

Nɛ see Ala a si na̰’d gə dəwje gə́ dɔ naŋg nee tɔgərɔ ya wa. Aa oo, dara gə́ tad rəg-rəg lé asi el, nɛ ɓəd ɓəi ɓa kəi gə́ m’ra nee wa.

Pakɔsje 115:16

Dara lé to dara gə́ ka̰ Njesigənea̰ ya, Nɛ yeḛ wa naŋg nee ar dəwje lé.

Pakɔsje 146:5

Rɔlel nai gə yeḛ gə́ Ala lə Jakob to gə́ njela səa ya ləm, Yeḛ gə́ unda mée yel dɔ Njesigənea̰ Ala’g ləa lé ləm tɔ.

Pakɔsje 148:13

Maji kar sí-seḭ lai pidije ri Njesigənea̰ ya Mbata ria-yeḛ ya kára ba to ri gə́ maji dum ləm, Boo-ronduba ləa ur dɔ naŋg nee gə dara ləm tɔ.

Pakɔsje 24:1

Pa lə Dabid Naŋg neelé gə néje lai gə́ to keneŋ ləm, Dɔ naŋg neelé gə dəwje gə́ d’isi keneŋ ləm tɔ lé Deḛ to ka̰ Njesigənea̰ nja kára ba.

Esai 40:12

See na̰ ɓa wɔji manje gə ŋgo jia wa. See na̰ ɓa wɔji tad lə dara gə dabla jia wa. See na̰ ɓa odo nduji naŋg mee nékwɔji-né Gə́ kaiyee loo munda kun təa kára wa. See na̰ ɓa wɔji kwɔi lə mbalje gə nékwɔjee wa. See na̰ ɓa wɔji kwɔi lə dɔdərlooje gə nékwɔjee wa.

Esai 40:28

See seḭ gərje el wa. See seḭ ooje taree el wa. Ala gə́ njesi gə ləbee-ləbee gə́ to Njesigənea̰ lé Yeḛ nja ɓa unda gwɔi naŋg nee, Yeḛ dao el ləm, Rea asee el ləm tɔ, Gosɔnégər ləa lé dəw kára kara as gər ŋgaŋgee el.

Esai 42:5

Ala gə́ to Njesigənea̰ Yeḛ gə́ njekunda dara karee tad rəg-rəg ləm, Yeḛ gə́ unda naŋg nee gə néje lai gə́ to keneŋ ləm, Yeḛ gə́ ar koso-dəwje gə́ d’isi keneŋ d’əmə ləma, Ar deḛ gə́ d’isi keneŋ d’aw kəmba ləm tɔ lé Pa togə́bè pana:

Esai 45:18

Mbata Njesigənea̰, Yeḛ gə́ to njekunda dara ləm, Gə to Ala kára ba kiao ləm, Yeḛ gə́ to njekunda naŋg Gə́ undá aree ŋgəŋ ŋgəŋ-ŋgəŋ ləm, Yeḛ gə́ undá mba karee tel to dɔdilaloo el ləma, Yeḛ gə́ gɔlee mba kar dəwje d’isi keneŋ ləm tɔ lé Pa togə́bè pana: Ma nja m’to Njesigənea̰ Ɓó yeḛ gə́ njekorè dɔm godo.

Esai 66:1

Mbaidɔmbaije pa togə́bè pana: Dara to kalimbai ləm ləm, Dɔ naŋg nee to nétura-gɔl-kɔm ləm ləm tɔ. See kəi gə́ ban ɓa seḭ a kasjekəm raje kamje wa. See loo gə́ ra ɓa a kamje m’wa rɔm keneŋ wa .

Jeremi 10:11

Seḭ a kula deeje togə́bè pajena: Magəje gə́ ra dara əsé naŋg nee el lé D’a sané pá dɔ naŋg nee ləm, Gə gin dara’g ləm tɔ.

Jeremi 23:24

Njesigənea̰ pana: See dəw a kiya rəa njo̰loo’g Lal kar neḛ n’ée wa. See neḛ ya ɓa n’un loo mee dara’g Gə dɔ naŋg nee lad el wa. Njesigənea̰ ɓa pa bèe.

Jeremi 32:17

Ǝi Mbaidɔmbaije gə́ Njesigənea̰, aa oo, i ra dara gə naŋg nee gə boo-siŋgamoŋ ləi ləm, gə goo jii gə́ un loo lad-lad ləm tɔ. Né kára kara gə́ njedumi godo.

Jakari 12:1

Ndərta gə́ Njesigənea̰ pa wɔji ne dɔ Israɛl. Njesigənea̰ gə́ to njenaji dara ləm, Gə njetum gel naŋg nee ləma, Gə njera ndil dəw gə́ to mée’g ləm tɔ lé pa togə́bè pana:

Malasi 2:10

Jeḛ lai lé see bɔ síje to gə́ kára ba kiao el wa. See Ala ya kára ba kiao ɓa to gə́ njekunda sí el wa. Ŋga see gelee ban ɓa jeḛ j’ərje kəm na̰ j’ulaje ne sul dɔ manrɔ’g lə bɔ síje-je lé ɓəi wa.

Matiyo 11:25

Ndəa neelé Jeju un ta pa pana: Bɔm, ma m’pidii, i gə́ to Mbai dɔ dara ləm, gə Mbai dɔ naŋg nee ləm tɔ mbata néje neelé i iya ne njékəmkàrje gə njégosonégərje kág nɛ i tegginee ar deḛ gə́ nai gə́ ŋganje ba ɓa d’oo.

Matiyo 5:34

Nɛ ma nja m’ula sí, maji kar dəw ubu rəa pai el. I a kubu rɔi gə dara el mbata dara lé to kalimbai lə Ala ya.

Lugu 10:21

Mee kàree’g neelé nja rɔ Jeju lelee aree al ne rəa gə goo Ndilmeenda pana: Bɔm, i gə́ to mbai dɔ dara ləm, gə mbai dɔ naŋg nee ləm lé ma m’pidii mbata néje gə́ i ar kəm njékəmkàrje gə kəm njégosonégərje tɔ dɔ’g sum-sum lé i riba dəa ar ŋganje gə́ kari ba lé d’oo. Oiyo Bɔm, ma m’pidii mbata yee nja ɓa i oo gə́ né gə́ kəm ra ya.

Tagə́maji gə́ Ja̰ ndang 1:1

Kédé gə́ dɔtar TA si keneŋ. TA neelé si gə Ala ləm, TA neelé to Ala ləm tɔ.

Néra Njékaḭkulaje 14:15

Deḛ pata tɔg pir pana: Seḭ dəwje lé see ban ɓa seḭ raje ne né bèe wa. Jeḛ lé jeḛ n’to gə́ dəwje to gə́ seḭ nja tɔ. Jeḛ j’ula sí tagə́maji gə mba kar sí ya̰je ne goo magəje gə́ gə mḭdé ba nee mba telje rɔ sí goo Ala gə́ njesikəmba’g lé. Yeḛ nja ɓa gə́ njekunda dara gə naŋg nee gə baa-boo-kad gə néje lai gə́ to keneŋ.

Néra Njékaḭkulaje 4:24

Loo gə́ d’oo bèe ndá d’unda ndu dee na̰’d bura d’ar Ala pana: Mbaidɔmbaije, i nja unda dara gə naŋg nee gə baa-boo-kad gə néje lai gə́ to keneŋ ləm,

Néra Njékaḭkulaje 7:48

Nɛ Njesisémdara’g lé si mee kəi gə́ dəwje d’unda gə ji dee lé el to gə́ njetegginta pa ne pana:

Njé gə́ Rɔmə 1:19

Ala lé ndiaa gə́ kəm gər to raga pai-pai kəm dəwje’g mbata Ala lé nja tegginee ar dee d’oo.

Tel tura Godndu 10:14

Aa ooje, Ala lə sí gə́ Njesigənea̰ lé ɓa dara gə́ to dɔ na̰’d dɔ na̰’d lé to kea̰ ləm, gə naŋg nee gə néje lai gə́ to keneŋ to kea̰ ləm tɔ.

Ǝbrəje 1:2

Nɛ ndəa gə́ gogo nee, yeḛ pata ar sí nɛ Ŋgonee ɓa ria ne sə sí dəa. Yeḛ nja ɓa Ala unda ne naŋg nee ləm, yeḛ aree to njenéje lai ləm tɔ.

Ǝbrəje 3:4

Kəi gə́ rara kara njekunda sí gən ya, nɛ yeḛ gə́ unda néje lai yeḛ nja gə́ Ala ya.

Loo gə́ killa rea kəm Ja̰’g 20:11

Tɔɓəi ma m’oo kalimbai gə́ nda gə́ boi gə yeḛ gə́ si keneŋ lé. Naŋg gə dara d’aḭ tar nea̰’g ndá dəw oo dee gogo el ŋga.