Néra Njékaḭkulaje 17:18 - Maktub gə́ To gə Kəmee

¹⁸ Njégər gintaje gə́ na̰je gə́ to Epikuriḛje gə Stoisiḛje lé d’un kudu kwɔji səa ta. Njé gə́ na̰je mbuna dee’g dəji na̰ pana: See ta ɗi ɓa njetakwɔji neelé wɔji bèe wa. Njé gə́ raŋg d’oo ri Jeju gə́ yeḛ pa ləm, gə ta teḛ dɔkumbwa’g lé ləm tɔ ndá deḛ tar taree pana: To asəna gə yeḛ pata gə́ wɔji ne dɔ magəje gə́ dɔ ɓee gə́ raŋg’d.

Néra Njékaḭkulaje 17:18 ပူးပေါင်းရင်းမြစ်များ

Gosota-Kəmkàrje 23:9

Maji kari pata mbi mbə-dəw’g el Mbata yeḛ oo ta kəmkàr gə́ i ila mberee lé gə́ né el.

Gosota-Kəmkàrje 26:12

Ɓó lé i oo dəw gə́ oo rəa gə́ njekəmkàr ndá Né gə́ i askəm kunda məəi yel dɔ’g gə mba kiŋga rɔ mbə-dəw’g lé Ur dɔ kea̰-yeḛ’g.

Mark 9:14

Loo gə́ deḛ tel ree rɔ njékwakiláje’g lé ndá deḛ d’oo boo-dəwje gə́ bula digi-digi gugu dɔ dee sub ləm, njéndaji-maktubje d’aar keneŋ maḭ sə dee ta ləm tɔ.

Lugu 11:53

Loo gə́ Jeju ḭ lée’g neelé unda loo teḛ ndá njéndaji-maktubje gə Parisiḛje d’ɔm na̰ dəa’g d’aar səa gə tar jələ-jələ dəjee ta dɔ néje gə́ ɓəd-ɓəd bula.

Néra Njékaḭkulaje 26:23

Deḛje neelé pana: Kristi lé némeeko̰ a gə rəa ləm, yeḛ nja a to dəw gə́ doŋgɔr gə́ a teḛ dan njé gə́ d’wəi’g ləma, yeḛ nja a kila mber ta lə lookàr lé kar koso-dəwje ləm, ginkoji dəwje gə raŋg ləm tɔ.

Néra Njékaḭkulaje 4:2

Meḛ dee o̰ dee dɔ né gə́ deḛ ndoo koso-dəwje’g neelé mbata deḛ d’ula dee pana: Mbɔl dɔ Jeju ɓa dəwje d’a kunda ne loo teḛ dan njé gə́ d’wəi’g.

Néra Njékaḭkulaje 5:42

Mee kəi-Ala’g ləm, gə mee kəije’g lə dəwje ləm tɔ lé gə ndɔ dee ndɔ dee, d’əw rɔ dee ndoo dəwje ta əsé kula dəwje tagə́maji lə Jeju Kristi keneŋ el.

Néra Njékaḭkulaje 6:9

Njé gə́ na̰je gə́ to barkəm njékwa dɔ na̰je gə́ deḛ ɓar dee Ŋgankojije ləm, gə mbuna barkəm njékwa dɔ na̰je gə́ Sirèn’g gə Aleja̰drə ləma, gə Jibje gə́ Silisi gə Asi ləm tɔ lé d’unda na̰’d bura maḭta gə Etien.

Njé gə́ Rɔmə 1:22

Deḛ ɓar rɔ dee njékəmkàrje nɛ deḛ tel to mbə-dəwje.

1 Njé gə́ Kɔrḭtə 3:18

Maji kar nana kara əsta dɔ rəa’g el. Ɓó lé dəw kára ə̰ji ta mée’g pana: Neḛ n’to gə́ njekəmkàr gə goo kəmkàr lə dəwje gə́ dɔ naŋg nee ɓasinè ndá maji kar njea tel mbə ɓa gə mba tel njekəmkàr gə́ gəd ɓəi.

1 Njé gə́ Kɔrḭtə 4:10

Jeḛ n’to gə́ njénégərelje mbata lə Kristi, seḭ lé seḭ toje njékəmkàrje gin Kristi’g. Jeḛ lé n’toje yɔ-dəwje, nɛ seḭ toje njésiŋgamoŋje. Seḭ lé d’ila riɓar dɔ sí’g ya nɛ jeḛ lé d’ə̰ji sí gə kḛji!

Njé gə́ Kolosə 2:8

Undaje kəmkàr dɔ rɔ sí’g mba kar dee busu sí gə sutaje el əsé gə kəsta gə́ gə mḭdé-mḭdé ba el. Taje neelé deḛ dum gin dee dɔ néjiɓee’g lə dəwje ləm, gə dɔ négər gə́ dɔtar gə́ ka̰ naŋg nee gə́ tar néje gə́ tar ɓəi ləm tɔ ɓó tum gin dee dɔ Kristi’g el.