Néra Njékaḭkulaje 17:13 - Maktub gə́ To gə Kəmee

¹³ Nɛ loo gə́ Jibje gə́ Tesalonik d’oo to gə́ Pool ula njé gə́ Bere’g ta lə Ala lé ndá deḛ ree bəg boo-dəwje keneŋ ya tɔɓəi.

Néra Njékaḭkulaje 17:13 ပူးပေါင်းရင်းမြစ်များ

1 Mbaije 21:25

Deḛ d’oo dəw gə́ un rəa ndogo gə mba ra ne né gə́ majel kəm Njesigənea̰’g to gə́ Akab gə́ dené ləa ɔsee ɓɔḭ-ɓɔḭ keneŋ aree ra bèe lé godo.

Gosota-Kəmkàrje 15:18

Dəw gə́ njemeekḭ jugugu ɔs gel takɔlje, Nɛ yeḛ gə́ ar oŋg ḭ səa kalaŋ el lé Gɔl takɔl na̰ ya.

Gosota-Kəmkàrje 28:25

Njebeelé ɔs gel takɔlje, Nɛ yeḛ gə́ ɔm mée dɔ Njesigənea̰’g lé Né asee nag-nag.

Matiyo 23:13

Seḭ njéndaji-maktubje gə Parisiḛje gə́ toje njéhulaije lé meeko̰ a koso dɔ sí’g mbata seḭ uduje rəw ɓeeko̰ gə́ dara dɔ dəwje’g jigi. Seḭje nja seḭ a̰dje keneŋ el ləm, dəwje gə́ ndigi kandə keneŋ kara seḭ ɔg deeje loo kandə keneŋ ləm tɔ.

Lugu 12:51

See meḛ sí ndaji ta pana: Ma m’ree gə mba kar naŋg nee to gə loo-kulee lɔm wa. Wah! bèe el ɓəi, nɛ ma m’ree gə mba kar ta tḭ-na̰ ɓa oso ya.

Néra Njékaḭkulaje 14:2

Nɛ Jibje gə́ d’ɔm meḛ dee dɔ ta’g lə dee el lé pélé meḛ njépole-magəje d’ar meḛ dee adə dee dɔ Pool gə Barnabas’g.

Néra Njékaḭkulaje 17:1

Pool gə Silas dəs gə rəw gə́ Ampipolis gə Apoloni d’aw saar teḛ Tesalonik, loo gə́ kəi-kwa-dɔ-na̰ lə Jibje to keneŋ.

Néra Njékaḭkulaje 17:10

Léegəneeya ŋgako̰ na̰je d’ar Pool gə Silas d’ḭ loondul’g mba kaw Bere. Loo gə́ deḛ teḛ keneŋ mba̰ ndá d’aw mee kəi-kwa-dɔ-na̰’g lə Jibje.

Néra Njékaḭkulaje 17:5

Nɛ Jibje lé kəmkəḭ rusu meḛ dee njḭ-njḭ ar dee d’ɔr njémeeyèrje gə́ na̰je mbuna dalm-dəwje’g d’ɔm dee goo dee’g gə mba kar dee pələ meḛ dəwje d’ar dee d’aw dɔ na̰’d pum-pum ɓó gə kar ɓee ləŋg ne. Deḛ saŋg Pool gə Silas saar d’aw ɓee lə Jaso̰ mba kɔr dee kaw sə dee no̰ koso-dəwje’g.

Néra Njékaḭkulaje 20:4

Deḛ gə́ d’aw səa saar teḛ Asi lé ri dee ɓa to nee: Sopater, dəw gə́ Bere, ŋgolə Pirus ləm, gə Arisitarekə gə Səkund njé gə́ Tesalonik ləm, gə Gayus, dəw gə́ Derbə ləma, gə Timote gə Tisik gə Tropim gə́ to dəwje gə́ Asi lé ləm tɔ.

Néra Njékaḭkulaje 21:27

Ndɔ siri ləa nai dəb ndá Jibje gə́ d’ḭ Asi d’oo Pool mee kəi-Ala’g ndá d’ɔs kudu boo-dəwje lai ɓɔḭ-ɓɔḭ d’ar dee ɓugu na̰ dəa’g d’wá

Néra Njékaḭkulaje 6:12

Ta gə́ pa lé deḛ pələ ne meḛ koso-dəwje ləm, gə meḛ ŋgatɔgje ləma, gə meḛ njéndaji-maktubje ləm tɔ, ar dee ɓugu na̰ dəa’g d’wá d’aw ne səa loo-gaŋg-rəwta’g lə Jibje.

2 Njé gə́ Kɔrḭtə 11:26

Loo mbá gə́ m’aw bula lé m’uru ta yoo’g dan baa’g ləm, m’uru ta yoo’g dan gayim-ɓogoje’g ləm, m’uru ta yoo’g dan njékama’g ya ləm, m’uru ta yoo’g mbuna njépole-magəje’g ləm, m’uru ta yoo’g dan ɓee-booje’g ləm, m’uru ta yoo’g dɔdilaloo’g ləm, m’uru ta yoo’g dan mán bélm’g ləma, m’uru ta yoo’g mbuna njétakorije’g gə́ turu rɔ dee gə́ njénojije ləm lé ləm tɔ.