Néra Njékaḭkulaje 17:11 - Maktub gə́ To gə Kəmee

¹¹ Jibje neelé takə̰ji lə dee inja paw unda ka̰ njé gə́ Tesalonik, deḛ taa kankəmta lé rəgm gə ndɔ dee ndɔ dee. Deḛ tura maktub gə́ to gə kəmee tɔs kəm dee dɔ’g bao-bao gə mba koo see ta gə́ d’ula dee lé see to gə goo rəbee ya wa.

Néra Njékaḭkulaje 17:11 ပူးပေါင်းရင်းမြစ်များ

Maktub gə́ wɔji dɔ Jɔb 23:12

Godndiaje gə́ teḛ təa’g lé ma m’uba m’ya̰ el, Taje gə́ teḛ təa’g lé ma m’ŋgəm məəm’g m’ra née tɔ.

Pakɔsje 119:100

Gosɔnégər ləm lé ur dɔ ka̰ ɓugaje’g ya Mbata m’aa dɔ ndukunje ləi kər-kər.

Pakɔsje 119:148

Ɓad ɓa kar kàr-ŋgəm-loo gə́ loondul teḛ el ɓəi lé kara M’teḛ kəm gə mba kḛji ta ləi məəm’g ya tɔ.

Pakɔsje 119:97

Ǝi, ma lé m’unda godndui dan kəm’g dana bab! To né gə́ m’la̰ji toree məəm’g ndɔje kára-kára lai

Gosota-Kəmkàrje 1:5

Maji kar njekəmkàr oo ta ndá A kila ne négər ləa dɔ maree’g ləm, Yeḛ gə́ to njegosonégər lé kara A gər ne goso ra ne né ləm tɔ.

Gosota-Kəmkàrje 8:10

Maji kar tandooje ləm wa məəi unda larnda ləm, Ar gosonégər wa məəi unda larlɔr gə́ gadee to yaa̰ ləm tɔ,

Gosota-Kəmkàrje 9:9

Ndoo njekəmkàr ta ndá Kəmee a kàr kunda nje gə́ kédé, Ndoo njemeekarabasur ta ndá Négər ləa a kḭ dɔ maree’d gə́ kédé-kédé tɔ.

Esai 34:16

Saŋje mee maktub’g lə Njesigənea̰ Turaje ta nee gə́ pana: Yeḛ gə́ kára mbuna dee’d gə́ a lal ree lé godo ləm, Yeḛ gə́ rara kara gə́ a lal lé godo ləm tɔ, Mbata Njesigənea̰ nja ɓa pa mba̰ ləm, Ndilee-yeḛ nja ɓa a mbo̰ dee dɔ na̰’d keneŋ.

Esai 8:20

Gə́ telje gə́ dɔ godndu gə dɔ kɔrgoota’g lé! Ɓó lé dəw pa togə́bè el ndá kàr gə́ a gə kuba mbata lə koso-dəwje lé a godo.

Jeremi 2:21

Ma ma̰a sí gə́ kag-nduú gə́ maji dum Gə́ ka̰dee maji, Ŋga see ban ɓa seḭ telje rɔ sí raŋg Ar sí tel toje nduú gə́ mee kɔr’g ɓəi wa.

Matiyo 13:23

Kandə kər gə́ oso dɔ naŋg gə́ maji kó’g lé to asəna gə dəw gə́ oo ta neelé ləm, gə gər ginee ləm tɔ. Dəw neelé nai gə́ kər gə́ andə tɔl əsé rɔ-misa̰ əsé rɔ-munda tɔ.

Lugu 1:2

Deḛ d’ɔr goo taree d’ar sí gə goo tapa deḛ gə́ njékoo tareeje gə kəm dee, un kudee ndəa gə́ dɔtar’g lé ləm, d’ɔm taree ta dee’g mba kar dee d’ɔr gée ləm tɔ.

Lugu 11:3

Ar sí muru j’o̰ as meḛ sí béréré gə ndɔ sí ndɔ sí ləm,

Lugu 16:29

Abrakam tel ilá keneŋ pana: Deḛ d’isi gə ta lə Moyis gə njéteggintaje mba̰, maji kar dee d’oo ta lə dee ya.

Lugu 24:44

Tɔɓəi yeḛ ula dee pana: Ta né gə́ teḛ lé to ta gə́ ma m’ula sí loo gə́ ma m’nai sə sí ɓəi lé ya, mba kar lé riri kara taje lai gə́ deḛ ndaŋg mee maktub godndu Moyis’g ləm, gə ka̰ njéteggintaje ləma, gə yee gə́ ndaŋg mee maktub Pakɔs’g ləm tɔ d’wɔji ne dɔm lé a kaw lée’g béréré togə́bè ya.

Tagə́maji gə́ Ja̰ ndang 3:21

Nɛ yeḛ gə́ nérea wa bua kankəmta lé ndá yeḛ ree lookàr’g ya mba kar nérea kinja gə́ raga mba kar dee d’oo mbata yeḛ ra né gə goo siŋgamoŋ lə Ala ya.

Tagə́maji gə́ Ja̰ ndang 5:39

Seḭ woḭje mee maktubje gə́ to gə kəmee mbata seḭ ə̰jije meḛ sí’g pajena: Yee gə́ bèe ɓa seḭ a si ne gə kəmə gə́ gə no̰ lé. Nɛ maktubje neelé nja d’ɔr goo ta ləm maji ya.

Néra Njékaḭkulaje 10:33

Léegəneeya ma m’ula-kula m’ɓari ndá i ra maji ɔd ree tɔ. Ɓasinè lé jeḛ lai j’isi no̰ Ala’g gə mba koo né gə́ Mbaidɔmbaije un ndia ari gə mba kari ula sí lé ŋga.

Néra Njékaḭkulaje 11:1

Njékaḭkulaje ləm, gə ŋgako̰ na̰je gə́ d’isi dɔ naŋg gə́ Jude ləm tɔ lé d’oo to gə́ njépole-magəje kara taa ta lə Ala lé ya tɔ.

Néra Njékaḭkulaje 17:1

Pool gə Silas dəs gə rəw gə́ Ampipolis gə Apoloni d’aw saar teḛ Tesalonik, loo gə́ kəi-kwa-dɔ-na̰ lə Jibje to keneŋ.

Néra Njékaḭkulaje 2:41

Deḛ gə́ taa ta ləa lé d’aree ra dee batɛm. Ndá mee ndəa’g neelé bula lə njémeekunje ḭ dɔ maree’g as tɔl-dɔg-loo-munda d’ɔm dɔ mar deeje’g.

1 Njé gə́ Tesalonikə 1:6

Seḭ nja kara seḭ toje njendaji kəm síjeḛ-je gə ka̰ Mbaidɔmbaije to loo gə́ seḭ taaje ta lé rəgm dan nékəmndooje bula ləm, Ndilmeenda ɓa gə́ njegin rɔlel lə sí keneŋ ləm tɔ.

1 Njé gə́ Tesalonikə 2:13

Gelee gə́ nee ɓa, jeḛ n’ra ne Ala oiyo ɓó j’əw ne rɔ sí el mbata loo gə́ seḭ taaje ta lə Ala gə́ jeḛ j’ula sí lé seḭ taaje gə meḛ sí, ooje gə́ kankəmta lə Ala gə́ ra kula meḛ sí-seḭ gə́ ɔmje meḛ sí dəa’g ɓó seḭ ooje gə́ tapa dəwje gə́ kari ba el.

2 Njé gə́ Tesalonikə 2:10

gə nésukəmlooje gə́ yèr ləm tɔ mbata lə deḛ gə́ njétujije lé mbata kankəmta gə́ d’a gə kaji ne lé deḛ mbad ɓó deḛ taa gə meḛ dee d’unda dan kəm dee’g el.

Maktub gə́ Jak ula ne ar ngan-Allaje 1:21

Gelee gə́ nee ɓa maji kar sí mbadje né gə́ ram gə́ rara kara ləm, gə né gə́ yèr gə́ rara kara ləm tɔ. Ta gə́ deḛ dubu meḛ sí’g lé ndá taaje gə meekul, yee ɓa seḭ a kajije ne ya.

1 Piɛrə 2:2

To gə́ ŋgur kil mbà ra ŋganje gə́ kas ŋgwɔd-ŋgwɔd lé maji kar ŋgur kankəmta ra sí togə́bè tɔ, mba kar sí raje ne tɔg gə́ kédé-kédé dɔ kaji’g,