Néra Njékaḭkulaje 17:1 - Maktub gə́ To gə Kəmee

¹ Pool gə Silas dəs gə rəw gə́ Ampipolis gə Apoloni d’aw saar teḛ Tesalonik, loo gə́ kəi-kwa-dɔ-na̰ lə Jibje to keneŋ.

Néra Njékaḭkulaje 17:1 ပူးပေါင်းရင်းမြစ်များ

Néra Njékaḭkulaje 14:1

Mee ɓee gə́ Ikɔnə lé Pool gə Barnabas d’ɔd na̰’d d’aw kəi-kwa-dɔ-na̰’g lə Jibje ndá deḛ d’ɔr ta lə dee d’aree ɓar mḭ yaa̰, bèe ɓa Jibje gə Grekje bula yaa̰ d’un ne meḛ dee.

Néra Njékaḭkulaje 15:21

Mbata un kudee kédé gə́ ləw lé ɓa njékɔrgootaje lə Moyis gə́ d’isi mee ɓee-booje’g kára-kára lai lé deḛ d’ɔr gée ləm, deḛ tura maktub ləa gə ndɔ-kwa-rɔje lai mee kəi-kwa-dɔ-na̰je’g ləm tɔ.

Néra Njékaḭkulaje 16:13

Ndɔ-kwa-rɔ lé j’aw ŋgaŋloo’g raga par gə́ ta nia̰’g, to loo gə́ jeḛ j’ə̰ji meḛ sí’g m’pana: To loo ra tamaji keneŋ. J’isi naŋg j’ɔr sor gə denéje gə́ d’wa dɔ na̰ lé.

Néra Njékaḭkulaje 17:10

Léegəneeya ŋgako̰ na̰je d’ar Pool gə Silas d’ḭ loondul’g mba kaw Bere. Loo gə́ deḛ teḛ keneŋ mba̰ ndá d’aw mee kəi-kwa-dɔ-na̰’g lə Jibje.

Néra Njékaḭkulaje 17:11

Jibje neelé takə̰ji lə dee inja paw unda ka̰ njé gə́ Tesalonik, deḛ taa kankəmta lé rəgm gə ndɔ dee ndɔ dee. Deḛ tura maktub gə́ to gə kəmee tɔs kəm dee dɔ’g bao-bao gə mba koo see ta gə́ d’ula dee lé see to gə goo rəbee ya wa.

Néra Njékaḭkulaje 17:13

Nɛ loo gə́ Jibje gə́ Tesalonik d’oo to gə́ Pool ula njé gə́ Bere’g ta lə Ala lé ndá deḛ ree bəg boo-dəwje keneŋ ya tɔɓəi.

Néra Njékaḭkulaje 20:4

Deḛ gə́ d’aw səa saar teḛ Asi lé ri dee ɓa to nee: Sopater, dəw gə́ Bere, ŋgolə Pirus ləm, gə Arisitarekə gə Səkund njé gə́ Tesalonik ləm, gə Gayus, dəw gə́ Derbə ləma, gə Timote gə Tisik gə Tropim gə́ to dəwje gə́ Asi lé ləm tɔ.

Néra Njékaḭkulaje 27:2

Jeḛ j’uru mee bato gə́ ḭ Adramitə gə́ a gə kaw gə kaar koŋgo-koŋgo ɓeeko̰ gə́ Asi lé j’ɔd j’aw, Arisitarekə, dəw gə́ Masedoinə gə́ ɓee-kojee to gə́ Tesalonik aw sə sí na̰’d tɔ.

Njé gə́ Pilibə 4:16

Loo gə́ m’isi Tesalonik kara seḭ ulaje gə néje gə́ m’aw ndòo dee as gɔl joo amje.

1 Njé gə́ Tesalonikə 1:1

Ma Pool gə Silbɛ̰ gə Timote, jeḛ ndaŋg maktub nee j’ar Eglisə gə́ Tesalonik, seḭ gə́ ɔmje na̰’d gə Ala Bɔ síje ləm, gə Jeju Kristi Mbaidɔmbaije lé ləm tɔ. Maji kar noji gə meelɔm nai sə sí ya!

1 Njé gə́ Tesalonikə 2:2

Seḭ gərje gao, to gə́ d’ila rɔkul dɔ sí’g d’ar rɔ sí ndiri ne njigi-njigi mee ɓee gə́ Pilibə nɛ jeḛ j’ɔm meḛ sí dɔ Ala’g, j’wa ne diŋgam meḛ sí’g mba kula sí ne tagə́maji lə Ala gə kəm ŋgon diŋgam dan néje gə́ d’ɔs kaar sí’g.

2 Njé gə́ Tesalonikə 1:1

Ma Pool, jeḛ gə Silbɛ̰ gə Timote lé jeḛ ndaŋg maktub nee j’ar Eglisə gə́ Tesalonik, deḛ gə́ d’ɔm na̰’d gə Ala Bɔ síjeḛ ləm, gə Jeju Kristi Mbaidɔmbaije ləm tɔ.

2 Timote 4:10

Demas lé ubam ya̰’m mba̰ mbata néje gə́ naŋg nee ɓa wa mée aree ḭ əd Tesalonik mba̰. Kresens əd Galati ləm, Titə kara əd Dalmati sèn ləm tɔ.