Néra Njékaḭkulaje 16:27 - Maktub gə́ To gə Kəmee

²⁷ Njeŋgəm kəi-daŋgai lé ndel dɔ ɓi’g. Loo gə́ oo takəi-daŋgai to tag ndá yeḛ ɔr kiambas ləa gə mba tɔl ne rəa mbata ə̰ji mée’g pana: Daŋgaije d’aḭ sanéna̰ pə mba̰.

Néra Njékaḭkulaje 16:27 ပူးပေါင်းရင်းမြစ်များ

2 Samel 17:23

Ahitopel lé loo gə́ yeḛ oo to gə́ deḛ taa takwɔji-kəmkàr ləa el ndá yeḛ ɔm kali dɔ mulayḛ̀je’g ləa ḭ gə mba tel kaw kəi ləa mee ɓee-boo’g. Yeḛ un ndia ar njémeekəije ləa ndá yeḛ aw ila kúla wəi. Togə́bè ɓa yeḛ wəi ne ar dee dubee dɔɓar bɔbeeje’g tɔ.

1 Mbaije 16:18

Jimri oo to gə́ deḛ taa ɓee-boo lé mba̰ ndá yeḛ aw mee kəi-mbai’d gə́ wɔji dɔ mbai, tɔɓəi yeḛ nja ila pər dəa’g tɔ.

Matiyo 27:5

Yen ŋga Judas ula lar lé yag ɔm naŋg mee kəi-Ala’g, unda loo paar-paar teḛ aw ila kúla wəi.

Néra Njékaḭkulaje 12:19

Herɔdə kara saŋgee tasəra, iŋgá el ndá yeḛ dəji njérɔje gə́ njéŋgəmlooje gée ɓa yeḛ un ndia gə mba kar dee d’ula kəm njéŋgəmlooje lé ndòo ɓəi. Gée gə́ gogo yeḛ ḭ Jude aw Sejare gə mba si keneŋ bəl ɓa.

Néra Njékaḭkulaje 16:28

Nɛ Pool ila boo-ndia naŋg wəl pana: Tuji rɔi kari ba el, jeḛ lai j’aar keneŋ nee ya ɓəi.

Néra Njékaḭkulaje 16:36

Njeŋgəm kəi-daŋgai lé ula Pool pana: Njégaŋ-rəwtaje d’un ndu dee mba kam m’ɔm sí tar. Bèe ndá ɓasinè undaje loo teḛje awje gə meelɔm.

Njéga̰g-Rəwtaje 9:54

Léegəneeya yeḛ ɓar basa gə́ odo nérɔje ləa lé ulá pana: Ɔr kiambas ləi tɔlm ne, nà d’a pa dɔm’g pana: To dené ba tɔlm. Togə́bè ɓa basa neelé ɔsee ne gə kiambas tɔlee.