Néra Njékaḭkulaje 16:26 - Maktub gə́ To gə Kəmee

²⁶ Léegəneeya dɔ naŋg yə ɓugu-ɓugu, gin kəi-daŋgai yə gə́ léegəneeya ar takəije lai teḛ bələŋ-bələŋ. Kula gə́ gɔl daŋgaije’g lé jura naŋg wururu-wururu.

Néra Njékaḭkulaje 16:26 ပူးပေါင်းရင်းမြစ်များ

1 Mbaije 13:28

yeḛ ɔd aw. Yeḛ iŋga nin dəw lé rəbee ləm, mulayḛ̀je gə toboḭ lé d’aar mbɔr ninee’g lé ləm tɔ. Toboḭ lé sɔ ninee el ləm, gə tɔl mulayḛ̀je lé el ləm tɔ.

Pakɔsje 102:20

Mbata yeḛ si loo ləa gə́ to tar sab gə́ wɔji dɔ meenda ləa Aa ne loo gərərə ləm, Njesigənea̰ lé si sém dara gə́ tar nu ya Ila kəmee oo ne loo gə́ dɔ naŋg nee ləm tɔ

Pakɔsje 146:7

Deḛ gə́ d’orè dɔ dee naŋg lé Yeḛ ɔr kəm ta lə dee gə goo rəbee ləm, Deḛ gə́ ɓó tɔl dee lé Yeḛ ar dee nésɔ dee ya ləm tɔ, Njesigənea̰ lé taa dɔ deḛ gə́ d’wa dee gə́ ɓər lé.

Pakɔsje 68:6

Bɔ ŋganalje ləm, Gə njekaḭbada dɔ njékəisiŋgaje’g ləm tɔ lé Yeḛ nja ɓa to Ala gə́ njesi mee loo’g ləa gə́ to gə kəmee doi lé ya.

Pakɔsje 79:11

Maji kar ndu tuma̰je lə ɓərje lé aw saar teḛ rɔi’g! Maji kari aji deḛ gə́ d’a gə kudu gə goo jii gə́ ɓar mèr-mèr lé!

Esai 42:7

Gə mba kar kəm njékəmtɔje teḛ ləm, Gə mba kar deḛ gə́ d’wa dee ɓər lé D’unda loo teḛ ləma, Kar deḛ gə́ d’udu dee duu-loo gə́ loondul’g lé D’unda loo teḛ ləm tɔ.

Esai 61:1

Ndil Mbaidɔmbaije gə́ Njesigənea̰ dəb dɔm’g, Mbata Njesigənea̰ wa dɔm gə ubu Mba kam m’ila mber tagə́maji m’ar njénékəmndooje, Yeḛ ulam mba kam m’aji deḛ gə́ ɓəŋgərə dee ti dus ləm, Gə mba kam m’ila mber ta kɔr ɓər dɔ deḛ gə́ d’wa dee ɓər ləma, Gə ta kɔm deḛ gə́ d’udu dee duu-loo’g lé tar ləm tɔ ,

Matiyo 28:2

Aa ooje, dɔ naŋg yə ɓugu-ɓugu mbata kura lə Mbaidɔmbaije ḭ dara nar uru naŋg nduburu biri mbal gə́ boi uba dəa gao si’g.

Néra Njékaḭkulaje 12:10

Loo gə́ d’uru njerɔ gə́ njeŋgəmloo gə́ dɔtar lé teḛ, tɔɓəi d’uru yeḛ gə́ njekɔm’g joo lé teḛ ree tarəw kəi-kɔg gə́ d’udu gə lar gə́ aw par gə́ rəw gə́ mee ɓee’g ndá tarəw kəi-kɔg neelé teḛ təa gə dɔrea nja no̰ dee’g ya̰ rəw ar dee teḛ ndá deḛ taa mban-rəw. Léegəneeya kura gə́ dara lé uba Piɛrə yá̰ ŋga.

Néra Njékaḭkulaje 12:7

Aa oo, kura lə Mbaidɔmbaije gə́ dara teḛ təsərə ar loo ndogó jol-jol mee kəi-daŋgai’g. Kura gə́ dara lé ndel Piɛrə ulá yəgə-yəgə pana: Uba naŋg rad ḭta! Yen ŋga kúla larje gə́ tɔ ne jia lé jura naŋg wururu.

Néra Njékaḭkulaje 4:31

Loo gə́ deḛ ra tamaji neelé mba̰ ndá kəi yə ula déréré-dèrèrè. Ndilmeenda taa meḛ dee pəl-pəl, ar dee d’ɔr ta lə Ala gə kəm ŋgon diŋgam tɔ.

Néra Njékaḭkulaje 5:19

Nɛ kura lə Mbaidɔmbaije gə́ dara ɔr tarəwkəi loondul’g, ar dee d’unda loo teḛ raga ndá ula dee pana:

Loo gə́ killa rea kəm Ja̰’g 11:13

Mee kàree’g neelé naŋg yə ɓugu-ɓugu ndá dəb ɓee-boo lé tuji loo-kára ndá debeeje nai jinaikara. Dəwje tɔl-dɔg-loo-siri d’wəi keneŋ ndá dɔkal deeje gə́ nai lé ɓəl yaa̰ ləm, d’ula ne rɔnduba dɔ Ala’g gə́ si dara lé ləm tɔ.

Loo gə́ killa rea kəm Ja̰’g 6:12

M’aa loo gərərə ndá loo gə́ Ŋgonbad lé ɔr nérḛdə ta maktub gə́ njekɔm’g misa̰. Naŋg yə ɓugu-ɓugu ləm, kàr tel ndul asəna gə wul-kunda gə́ d’ṵji gə́ ɓɔl ləma, naḭ gə kuburee kara tel məs ləm tɔ.