Néra Njékaḭkulaje 16:25 - Maktub gə́ To gə Kəmee

²⁵ Loo gə́ dan loo bab ndá Pool gə Silas d’isi ra tamaji ləm, d’ɔs pa d’ula ne rɔnduba dɔ Ala’g ləm tɔ tɔɓəi daŋgai mar deeje d’oo ndu dee tɔ.

Néra Njékaḭkulaje 16:25 ပူးပေါင်းရင်းမြစ်များ

Maktub gə́ wɔji dɔ Jɔb 35:10

Nɛ dəw kára kara pana: See Ala gə́ njekunda neḛ si ra wa. See yeḛ gə́ nje kar neḛ n’ɔs pa rɔlelje loondul’g si ra wa.

Pakɔsje 119:55

Ǝi Njesigənea̰, loondul’g ya lé M’ar məəm olé dɔ rii’g ndá Arm m’aa dɔ godndui ya.

Pakɔsje 119:62

Lée dan mee loo bab ya kara M’ḭ tar gə mba pidii Mbata rəwta-gaŋgje ləi gə́ gə dɔ najee lé.

Pakɔsje 22:2

Ala ləm! Ala ləm! See ban ɓa i ubam ya̰’m wa. See ban ɓa i unda rɔi rɔm’g ŋgərəŋ lal ree la səm ləm, Lal koo ta ləm ləm tɔ wa.

Pakɔsje 34:1

Pa lə Dabid loo gə́ yeḛ ra ne rəa gə́ m bə no̰ Abimelek’g aree tubá ne lé.

Pakɔsje 42:8

Ɓul mán ɓar ɓul mán maree Loo gə́ kaa manje ləi ɓar, Paŋgəm-manje ləi gə ɓul manje ləi lai dəs dɔm’g ya.

Pakɔsje 50:15

Maji kar sí ɓarje rim ndɔ néurti’g Ndá m’a kɔr sí keneŋ kar sí ulaje ne rɔnduba dɔm’g ya.

Pakɔsje 71:7

Ma lé m’to asəna gə nékɔb mbata lə dəwje bula, Nɛ i ɓa to njo̰loo-kula-dɔm keneŋ gə́ ŋgəŋ ŋgəŋ-ŋgəŋ.

Pakɔsje 77:2

M’ɔr ndum gə́ tar gə́ rɔ Ala’g lé m’ra ne né wəl, M’ɔr ndum gə́ tar gə́ rɔ Ala’g lé ndá yeḛ a koo ndum ya tɔ.

Pakɔsje 77:6

Ma m’ə̰ji dɔ ndɔje gə́ ləw’g lé ləm, Gə dɔ ləbje gə́ kédé gə́ dɔtar’g lé ləm tɔ.

Pakɔsje 91:15

Yeḛ a ɓar rim ndá m’a kilá keneŋ ləm, M’a nai səa dan néurti’g ləm, M’a karee ɔr dəa kúla’g ləma, M’a kula rɔnduba dəa’g ləm tɔ.

Esai 30:29

Seḭ a kɔsje pa to gə́ d’ɔs ne pa loo-ra-naḭ’g loondul’g bèe ləm, seḭ a raje rɔlel gə meḛ sí to gə́ dəw gə́ njaa gə ndu buula gə́ ɓar ləm tɔ gə mba kaw ne dɔ mbal’g lə Njesigənea̰, yeḛ gə́ to biri mbal lə Israɛlje tɔ.

Jakari 3:8

Bèe ndá i Jujee ŋgɔ-njekinjanéməs, Maji kari oo ta, I seḭ gə njéboalookawje ləi gə́ d’isi nɔḭ’g Mbata dəwje neelé d’a to gə́ nétɔji, Aa oo, n’a kar kura lə neḛ gə́ ria lə Barkəm-kag-gə́-uba lé unda loo teḛ.

Lugu 22:44

Loo gə́ yeḛ to ndur rəa ndá yeḛ to ta Ala’g pəgə-pəgə, ar mán təd gə́ rəa’g teḛ kas asəna gə məs gə́ ndəi ɗəŋ-ɗeŋbèe.

Néra Njékaḭkulaje 15:22

Yen ŋga njékaḭkulaje ləm, gə ŋgatɔgje ləma, gə Eglisəje lai ləm tɔ lé d’ɔm na̰’d mba kɔr dəwje mbuna dee’g kar dee d’aw gə Barnabas gə Pool na̰’d Antiɔs. Deḛ d’ɔr Jude gə́ deḛ ɓaree Barsabas ləm, gə Silas ləm tɔ. Deḛ to dəwje gə́ ri dee ɓar mbuna ŋgako̰ na̰je’g.

Néra Njékaḭkulaje 16:19

Loo gə́ ɓé-ŋgon-njelookisije neelé d’oo to gə́ dɔ nékiŋga lə dee a gə kɔs bo̰ ndá d’uba Pool gə Silas d’wa dee ndɔr dee d’aw sə dee loo-nada no̰ njégaŋ-rəwtaje’g.

Néra Njékaḭkulaje 16:33

Mee tilee’g neelé yeḛ ɔr dee aw sə dee aw togo ta dooje gə́ rɔ dee’g. Léegəneeya deḛ rəa-yeḛ gə njémeekəije ləa lai batɛm.

Néra Njékaḭkulaje 5:41

Njékaḭkulaje lé d’ḭ loo-gaŋg-rəwta’g lə Jibje sa rɔ dee rəw. Deḛ ra rɔlel mbata d’oo rɔ dee askəm kar dee d’ila ndɔl dɔ dee’g gə ri Jeju lé ya.

Njé gə́ Rɔmə 12:12

Né gə́ seḭ undaje meḛ sí yel gə́ dɔ’g lé raje rɔlel keneŋ. Aije meḛ sí sam-sam dan némeeko̰’g ləm, ya̰je goo tamaji lə sí yɔgɔ el ləm tɔ.

Njé gə́ Rɔmə 5:3

Tɔɓəi j’isi gə meendakaḭ dan némeeko̰’g mbata jeḛ n’gər gao némeeko̰ lé tel meekila ləm,

2 Njé gə́ Kɔrḭtə 6:10

jeḛ lé meḛ sí lel sí ta-ta nɛ deḛ d’oo sí gə́ dəwje gə́ d’isi dan némeeko̰’g ləm, jeḛ n’to gə́ njékṵda dəwje bula maji’gje nɛ deḛ d’oo sí gə́ njéndooje ləma, jeḛ j’isi gə néje lai ji sí’g nɛ deḛ d’oo sí gə́ dəwje gə́ né godo ji dee’g ləm tɔ.

Njé gə́ Epesə 5:19

Pakɔsje ləm, gə pa kula rɔnduba dɔ Ala’g ləma, pa gə wɔji dɔ né gə́ ka̰ ndil lé ləm tɔ lé yee ɓa ɔsje pea gədje ne na̰ ləm, ɔsje ne gaji Mbaidɔmbaije, ilaje ne riɓar dəa’g gə meḛ sí bura ləm tɔ.

Njé gə́ Pilibə 2:17

Ɓó lé məsm a kaḭ kula naŋg ndá m’a koo gə́ nékinjaməs gə nékarnoji gə́ m’ar sí mba gɔl ne meekun lə sí, yee ɓa ma m’ra ne rɔlel m’al ne rɔm sə sí na̰’d.

Njé gə́ Kolosə 1:24

Ɓasinè m’al rɔm wɔji dɔ nékəmndoo gə́ ram mbata lə sí. Néurti gə́ ra Kristi lé dɔgea̰ gə́ nai ɓa m’taa m’ɔm dɔm’g mbata lə Eglisə gə́ nai gə́ darɔ Kristi lé.

Ǝbrəje 5:7

Jeju lé loo gə́ yeḛ nai gə darəa ɓəi lé, yeḛ ra ndòo gə ndia gə́ boi wəl gə mán-no̰ kəmee’g ləm, yeḛ ra tamaji ta yeḛ gə́ askəm teá ta yoo’g ləm tɔ. Ndá Ala ndigi səa rəgm mbata Jeju nda mée gə bɔbee.

Maktub gə́ Jak ula ne ar ngan-Allaje 1:2

Ŋgakɔmje, néje gə́ kədərə ɓəd-ɓəd gə́ naa sí lé maji koo deeje gə́ nérɔlel ya,

Maktub gə́ Jak ula ne ar ngan-Allaje 5:13

See dəw kára mbuna sí’g sí dan némeeko̰’g wa. Maji karee ra tamaji ta Ala’g. See dəw kára mbuna sí’g sí gə rɔlel wa. Maji karee ɔs pa kula rɔnduba dɔ Ala’g lé.

1 Piɛrə 4:14

Ɓó lé d’a taji sí mbata ri Kristi gə́ seḭ unje ndá seḭ sije dan rɔlel’g ya, mbata Ndil Ala gə́ njḛdubarɔ lé nai sə sí ya.