Néra Njékaḭkulaje 16:23 - Maktub gə́ To gə Kəmee

²³ Loo gə́ deḛ kunda dee gaŋg rɔ dee təgərə-təgərə mba̰ ndá d’aw d’ɔm dee daŋgai’g. D’un ndu dee d’ar njeŋgəm kəi-daŋgai mba karee ŋgəm dee pèrèrè.

Néra Njékaḭkulaje 16:23 ပူးပေါင်းရင်းမြစ်များ

Matiyo 26:48

Dəw gə́ njekun dɔ Jeju lé ɔr dee gée’g mbuu ndá wɔji dee gosee pana: Dəw gə́ m’a gə kil ɓɔlee yɔnd-yɔnd ndá to yeḛ nja kən-ə ubáje, waje né lə sí ŋga.

Lugu 21:12

D’a ɓugu ji dee dɔ sí’g ləm, d’a kula kəm sí ndòo ləm, d’a kwa sí kaw sə sí kəi-kwa-dɔ-na̰je’g ləm, d’a ɓugu sí daŋgai’g ləma, d’a kon sí kaw sə sí no̰ mbai-ɓeeje’g gə no̰ njéguburuɓeeje’g ləm tɔ gə mba rim, kédé ɓad ɓa néje nee gə́ ma m’ula sí lé a teḛ ɓəi.

Néra Njékaḭkulaje 12:18

Loo gə́ loo àr ndá njérɔje d’aw dɔ na̰’g wur-wur gə mba koo loo gə́ Piɛrə unda dɔ naŋg igi keneŋ.

Néra Njékaḭkulaje 12:4

Loo gə́ yeḛ wá mba̰ ndá yeḛ ulá daŋgai’g ar kudu-njérɔje sɔ-sɔ gə́ wɔji dɔ njérɔje sɔ-sɔ lé ŋgəm təa. Yeḛ wɔji gə mba kar naḭ Pag godo mba̰ ɓa a teḛ səa kəm koso-dəwje’g ɓəi.

Néra Njékaḭkulaje 16:27

Njeŋgəm kəi-daŋgai lé ndel dɔ ɓi’g. Loo gə́ oo takəi-daŋgai to tag ndá yeḛ ɔr kiambas ləa gə mba tɔl ne rəa mbata ə̰ji mée’g pana: Daŋgaije d’aḭ sanéna̰ pə mba̰.

Néra Njékaḭkulaje 16:36

Njeŋgəm kəi-daŋgai lé ula Pool pana: Njégaŋ-rəwtaje d’un ndu dee mba kam m’ɔm sí tar. Bèe ndá ɓasinè undaje loo teḛje awje gə meelɔm.

Néra Njékaḭkulaje 5:18

Deḛ d’uba naŋg d’ḭ d’ɔm na̰ dɔ njékaḭkulaje’g twa dee ɓugu dee daŋgai’g dan mee ɓee’g.

Néra Njékaḭkulaje 5:23

pana: Jeḛ n’teḛ takəi daŋgai ndá takəi lé to gə loo kudee jigi-jigi ləm, njéŋgəmlooje kara d’isi takəi’g lé ya ləm tɔ, nɛ loo gə́ jeḛ j’ɔs takəi ɓɔgədɔ j’ɔr ndá j’wa loo wodolo mee kəi’g ɓó j’iŋga dəw kára kara keneŋ el.

Néra Njékaḭkulaje 8:3

Nɛ Sool lé sané Eglisə kad-kad. Yeḛ ta̰d mee kəije lə dee pḛ́-pḛ́ tɔr diŋgamje gə denéje ndad-ndad, aw ɓugu dee daŋgai’g.

Néra Njékaḭkulaje 9:2

Yeḛ aḭ haar aw rɔ ŋgɔ-njekinjanéməs’g dəjee maktub gə mba kaw ne kəi-kiŋga-na̰je’g gə́ to Damas, bèe ɓa ɓó lé yeḛ a kiŋga diŋgamje əsé denéje gə́ d’un rəw goo Mbaidɔmbaije’g ndá yeḛ a twa dee tɔ dee gə kúla kaw sə dee Jerusalem.

2 Njé gə́ Kɔrḭtə 11:23

See deḛ to kuraje lə Kristi wa. (Ma m’pata asəna gə dəw gə́ ndilee igee.) Ma lé m’to kura lə Kristi gə́ ur dɔ ɓəi gə goo kula ramje gə́ to yaa̰ unda ka̰ dee-deḛ ləm, gə goo kunda gə́ deḛ kundam yaa̰ unda dee-deḛ ləma, gə goo kisi gə́ m’isi daŋgai’g gɔl bula unda dee ləm tɔ. Ta-ta m’isi ta yoo’g ləm,

2 Njé gə́ Kɔrḭtə 6:5

Deḛ kunda sí ləm, d’ɔm sí daŋgai keneŋ ləm, koso-dəwje d’ḭ sə sí ləm, j’ula rɔ sí ndubu loo-kulaje’g ləm, j’ɔg rɔ sí dɔ ɓi’g ləma, nésɔ lal sí ləm tɔ.

Njé gə́ Epesə 3:1

Gelee gə́ nee ɓa, ma Pool m’to ne daŋgai lə Kristi mbata lə sí-seḭ njépole-magəje lé ...

Njé gə́ Epesə 4:1

Ma gə́ m’isi daŋgai’g mbata Mbaidɔmbaije lé ma m’ndəji sí bər-bər mba kar néra sí wa bua kula gə́ yeḛ ɓar sí keneŋ.

2 Timote 2:9

Yee ɓa, deḛ tɔm ne, d’am m’isi ne dan némeeko̰’g asəna gə njera néje gə́ majel bèe. Nɛ ta lə Ala lé ndá təa el.

Piləmɔ̰ 1:9

nɛ ma Pool gə́ m’to ɓuga dəw ləm, saar ɓogənè kara m’isi daŋgai’g mbata lə Jeju Kristi ləm tɔ lé ma m’ra ne ndòo rɔi’g gə goo meenoji ɓa.

Jujé 4:17

Togə́bè ɓa Juje un ndia ar njékinjanéməsje pana: Undaje loo dan baa gə́ Jurdɛ̰’g teḛje raga tɔ.

Loo gə́ killa rea kəm Ja̰’g 1:9

Ma, ŋgoko̰ si gə́ Ja̰ m’to gə́ njeboaloo-si lə si dan néurti’d gə́ ra si ləm, m’ai məəm sam-sam m’ŋgina sə sí ɓeeko̰ lé gin Jeju’g ləm tɔ. Ma nja m’isi gə karm ba dɔgoré-loo gə́ ria ləa lə Patmos. Ta lə Ala gə́ m’ula dee ləm, gə ginta lə Jeju gə́ m’ɔr ləm tɔ lé yee ɓa m’isi ne gə mbəa.

Loo gə́ killa rea kəm Ja̰’g 2:10

Ɓəl nékəmndoo gə́ gə a rai el. Aa oo, njekurai lé a kwa njé gə́ na̰je mbuna sí’g a kila ɗa gɔl sí’g mba kaḭ ne meḛ sí ləm, néurti a ra sí ndɔ dɔg ləm tɔ. Ila ŋgonkoji dɔ Ala’g saar wəi ne, ɓa m’a kari dɔgugu kəmə lé.