Néra Njékaḭkulaje 16:12 - Maktub gə́ To gə Kəmee

¹² Jeḛ j’ḭ keneŋ j’aw Pilibə gə́ to ko̰ɓee lə dəb loo gə́ Masedoinə ləm, to loo-taa gə dɔ lə njé gə́ Rɔm ləm lé.

Néra Njékaḭkulaje 16:12 ပူးပေါင်းရင်းမြစ်များ

Néra Njékaḭkulaje 16:10

Gée gə́ gogo gə́ Pool oo némḭdi neelé ndá léegəneeya jeḛ n’saŋg rəw gə mba kaw Masedoinə mbata jeḛ n’la̰ji meḛ sí’g to gə́ Mbaidɔmbaije ɓar sí mba kar sí j’aw j’ila mber tagə́maji keneŋ.

Néra Njékaḭkulaje 16:21

Deḛ to gə́ Jibje gə́ d’ila mber ta né gə́ wɔji dɔ néjiɓeje gə́ to né gə́ kəm kar síjeḛ gə́ n’to dəwje gə́ Rɔm lé j’oso goo’g n’ra el.

Néra Njékaḭkulaje 16:9

Mee tilee’g neelé némḭdi teḛ dɔ Pool’g aree oo dəw gə́ Masedoinə gə́ teḛ dəa’g təsərə ra ndòo rəa’g togə́bè pana: Maji kari ɔd gə́ Masedoinə’g nee la sə sí.

Néra Njékaḭkulaje 18:5

Nɛ loo gə́ Silas gə Timote d’ḭ Masedoinə ree ndá Pool orè kəmee dɔ ginta gə́ kɔr’g ya goo kára ba, ar Jibje d’oo gəd to gə́ Jeju to Kristi ya.

Néra Njékaḭkulaje 19:21

Gée gə́ gogo ndá Pool wɔji-kwɔji kunda mee dəb ɓeeko̰ gə́ Masedoinə gə Akai gaŋg kaw Jerusalem. Yeḛ pa mée’g pana: Loo gə́ ma m’teḛ keneŋ ndá lé riri kara m’a kaw gə nɔm kaw Rɔm ya.

Néra Njékaḭkulaje 19:29

Dəwje lai gə́ mee ɓee’g neelé d’aw dɔ na̰’g pum-pum. D’aḭ yao-yao ree mbo̰ dɔ na̰ kəi-koo-néndajije gə́ boo’g lé ndɔr Gayus gə Arisitarəkə gə́ to njé gə́ Masedoinə gə́ to njéboalookawje lə Pool lé keneŋ sə dee na̰’d.

Néra Njékaḭkulaje 20:1

Loo gə́ taree wəi bèm mba̰ ndá Pool mbo̰ njékwakiláje dɔ na̰’d. Loo gə́ yeḛ ndəji dee ndá yeḛ ra dee ne lapia ɓa ḭ mba kaw dəb ɓeeko̰ gə́ Masedoinə ɓəi.

Néra Njékaḭkulaje 20:3

Yeḛ si keneŋ naḭ munda. Nai lam bèe yeḛ a gə kuru mee bato’g gə mba kaw Siri ndá yeḛ oo no̰ Jibje gə́ d’umee rəw. Togə́bè yeḛ ɔs tel taa rəw gə́ Masedoinə.

Néra Njékaḭkulaje 20:6

Jeḛ lé loo gə́ deḛ ra naḭ gə́ wɔji dɔ muru gə́ nétiee godo keneŋ lé ndá jeḛ j’ḭ j’uru mee bato’g Pilibə, j’aw saar as gə ndɔ sí mi ɓa j’iŋga dee Troas ɓəi. Lée neelé j’isi sə dee keneŋ as gə ndɔ sí siri tɔ.

Néra Njékaḭkulaje 27:2

Jeḛ j’uru mee bato gə́ ḭ Adramitə gə́ a gə kaw gə kaar koŋgo-koŋgo ɓeeko̰ gə́ Asi lé j’ɔd j’aw, Arisitarekə, dəw gə́ Masedoinə gə́ ɓee-kojee to gə́ Tesalonik aw sə sí na̰’d tɔ.

Njé gə́ Rɔmə 15:26

Mbata njé gə́ Masedoinə gə njé gə́ Akai lé deḛ d’ḭ gə meḛ dee mbo̰ ta néje lə dee na̰’d mba kar njéndooje mbuna deḛ gə́ to gə kəmee gə́ d’isi Jerusalem lé.

Njé gə́ Pilibə 1:1

Ma Pool, jeḛ gə́ Timote, kuraje lə Jeju Kristi lé jeḛ ndaŋg maktub neelé j’ar sí-seḭ gə́ toje gə kəmee gə́ ɔmje na̰’d gə Jeju Kristi gə́ sije Pilibə ləm, j’ar njékaa dɔ Eglisəje gə njékaa dɔ néje lə Eglisəje ləm tɔ.

Njé gə́ Pilibə 1:5

mbata né gə́ seḭ raje mba kar Tagə́maji lé aw ne gə́ kédé-kédé un kudee mee ndəa gə́ dɔtar’g saar ɓasinè lé tɔ.

1 Njé gə́ Tesalonikə 2:2

Seḭ gərje gao, to gə́ d’ila rɔkul dɔ sí’g d’ar rɔ sí ndiri ne njigi-njigi mee ɓee gə́ Pilibə nɛ jeḛ j’ɔm meḛ sí dɔ Ala’g, j’wa ne diŋgam meḛ sí’g mba kula sí ne tagə́maji lə Ala gə kəm ŋgon diŋgam dan néje gə́ d’ɔs kaar sí’g.