Néra Njékaḭkulaje 15:9 - Maktub gə́ To gə Kəmee

⁹ Yeḛ ɔr kəm síjeḛ ɓəd el ləm, yeḛ ɔr kəm dee-deḛ ɓəd el ləm tɔ. Meekun lə dee ɓa yeḛ ɔr ne won kaiya meḛ dee’g.

Néra Njékaḭkulaje 15:9 ပူးပေါင်းရင်းမြစ်များ

Pakɔsje 51:10

Maji kari ulam ta kalrɔ gə ta rɔlel Ndá siŋgarɔmje gə́ i guru lé d’a kɔs na̰’d.

Ejekel 47:22

Né gə́ to asəna gə tḛ́ bèe ɓa seḭ a kundaje ne kəmee lə sí-seḭ ləm, gə ka̰ dəw-dɔ-ɓeeje gə́ d’a si mbuna sí’d gə́ d’a koji ŋgan deeje mbuna sí’g ləm tɔ, seḭ a koo deeje gə́ kojiɓeje mbuna Israɛlje’g, né gə́ to asəna gə tḛ́ bèe ɓa deḛ d’a taa ne loo sə sí mbuna ginkoji Israɛlje’g.

Néra Njékaḭkulaje 10:15

Ndu dəw ɓar aree oo ɔm gə́ gɔl joo pana: Né gə́ Ala ɓaree né gə́ àr ŋgad-ŋgad lé maji kari ɓaree né gə́ ram el.

Néra Njékaḭkulaje 10:28

Yeḛ ula dee pana: Seḭ gərje gao, d’ɔg Jib gə́ rara kara loo karee wa kura gə dəw gə́ dɔ ɓee’d gə́ raŋg ləm, d’ɔgee loo kila gɔlee mee kəi’g ləa ləm tɔ. Nɛ Ala am m’oo to gə́ dəw gə́ rara kara m’a ɓaree né gə́ mina̰ əsé né ram el.

Néra Njékaḭkulaje 10:34

Yen ŋga Piɛrə teḛ təa pata pana: Tɔgərɔ ya, ma m’oo to gə́ Ala lé ɔr kəm dəw kára kara el.

Néra Njékaḭkulaje 11:12

Yen ŋga Ndil ɓa ulam gə mba karm m’aw sə dee ɓó m’tila gə tila el. Dəwje gə́ misa̰ gə́ to gə́ njéndamje lé ɓa d’aar nee, ndá jeḛ j’andə na̰’d j’aw mee kəi’g lə Kɔrnəi.

Néra Njékaḭkulaje 14:1

Mee ɓee gə́ Ikɔnə lé Pool gə Barnabas d’ɔd na̰’d d’aw kəi-kwa-dɔ-na̰’g lə Jibje ndá deḛ d’ɔr ta lə dee d’aree ɓar mḭ yaa̰, bèe ɓa Jibje gə Grekje bula yaa̰ d’un ne meḛ dee.

Néra Njékaḭkulaje 14:27

Loo gə́ deḛ teḛ Antiɔs mba̰ ndá deḛ d’ula kula ɓar Eglisəje d’ar dee d’wa dɔ na̰, tɔɓəi deḛ d’ɔr gin néje lai gə́ Ala ra sə dee d’ar dee d’oo ləm, d’ula dee ta loo rəw gə́ yeḛ ɔr ar njépole-magəje d’un ne meḛ dee ləm tɔ.

Njé gə́ Rɔmə 3:22

Meekarabasur lə Ala lé to ka̰ dee-deḛ gə́ d’ɔm meḛ dee dɔ Jeju Kristi’g. Dəw a kɔr kəm maree el.

Njé gə́ Rɔmə 3:9

Səm! See jeḛ maji j’unda dee wa. Bèe el ɓòo. Mbata jeḛ j’ɔr ginta lə Jibje gə Grekje j’ar sí ooje gao to gə́ deḛ lai d’isi gin kaiya’g,

Njé gə́ Rɔmə 9:24

Togə́bè ɓa jeḛ n’to mbuna deḛ gə́ yeḛ ɓar dee ɔr dee dan Jibje’g goo kára ba el nɛ dan njépole-magəje’g tɔ

1 Njé gə́ Kɔrḭtə 1:2

jeḛ ndaŋg maktub nee j’ar Eglisə lə Ala gə́ to Kɔrḭtə, deḛ gə́ Jeju Kristi ɔr dee unda dee gə kəmee mba kar dee to njémeendaje lé deḛ gə́ gə loo lai ɓar ri Mbaidɔmbaije lə sí Jeju Kristi, yeḛ gə́ to Mbaidɔmbaije lə dee ləm, gə ka̰ síjeḛ ləm tɔ lé keneŋ.

1 Njé gə́ Kɔrḭtə 7:18

See dəw kára to gə́ njekḭja tamɔdee mba̰ ɓa ɓaree wa. Bèe ndá maji karee si gə njekḭja tamɔd ya. See dəw kára lal kinja tamɔdee ɓa ɓaree wa. Bèe ndá maji karee si lal kinja tamɔdee ya tɔ.

Njé gə́ Galati 3:28

Bèe ndá Jib əsé Grek godo ləm, ɓər əsé ŋgonkoji godo ləma, diŋgam əsé dené kara godo ləm tɔ, mbata seḭ lai seḭ toje gə́ na̰’d kára ba kiao gin Kristi’g ya.

Njé gə́ Galati 5:6

Mbata deḛ gə́ d’ɔm gə Kristi na̰’d yəg lé kinja tamɔd əsé kinja tamɔd el kara to né el, nɛ meekun lé gə́ meenoji ɔs ginee ɓɔḭ-ɓɔḭ lé yee ɓa gə́ kankəm né ya.

Njé gə́ Epesə 3:6

Ta gə́ to loo-kiya’g lé ɓa to nee: Njétar-Alaje lé d’orè sə sí kaar nédɔji lə sí ləm, jeḛ sə deeje n’toje gə́ na̰’d kára ba ləma, d’orè sə sí na̰ dɔ ndukun gə́ Ala ar sí gin Jeju Kristi’g gə goo Tagə́maji lé ləm tɔ.

Njé gə́ Kolosə 3:11

Grek əsé Jib godo nee ləm, njekḭja tamɔd əsé yeḛ gə́ lal kinja godo ləm, dəw-dɔ-ɓee əsé dəw walá godo ləma, ɓər əsé ŋgonkoji godo ləm tɔ, nɛ Kristi ɓa gə́ dəw kára ba dan dee’g lai.

1 Piɛrə 1:22

Togə́bè ɓa, seḭ gə́ ilaje koji dɔ kankəmta’g lé rɔ sí àr ne raŋg-raŋg, bèe ndá maji kar sí undaje na̰ dan kəm na̰’d ndigije na̰ gə meekɔr jol-jol.