Néra Njékaḭkulaje 15:7 - Maktub gə́ To gə Kəmee

⁷ Tamaḭ gə́ boo oso mbuna dee’g ar Piɛrə uba naŋg ḭta ula dee pana: Ŋgakɔmje gə́ dəwje, seḭ gərje gao to gə́ kédé gə́ dɔtar lé Ala ɔrm dan sí’g gə mba kar njépole-magəje d’oo tagə́maji tam’g ɓó gə kar dee d’un ne meḛ dee.

Néra Njékaḭkulaje 15:7 ပူးပေါင်းရင်းမြစ်များ

Teḛ-Raga 4:12

Aw ya, m’a nai gə tai ya, tɔɓəi m’a ndooi ta gə́ kəm kari pa ya ləm tɔ.

Jeremi 1:9

Tɔɓəi Njesigənea̰ ula jia Ɔrɔ ne tam ndá yeḛ ulam pana: Aa oo, ma m’ɔm taje ləm tai’g.

Tagə́maji gə́ Ja̰ ndang 15:16

To seḭ ɓa kɔdmje el, nɛ ma nja m’kɔd sí m’unda sí gə kəmee doi mba kar loo gə́ seḭ a kawje keneŋ ndá seḭ a ka̰dje gə kandə sí njim-njim ləm, kó sí kara a nai keneŋ ya ɓó a kudu el ləm tɔ, togə́bè ɓa né gə́ rara gə́ seḭ a kwɔije Bɔ-dəwje lé gə rim ndá yeḛ a kar sí née ya.

Tagə́maji gə́ Ja̰ ndang 3:27

Ja̰ ila dee keneŋ pana: Né gə́ dara ya ar dəw ɓa a kiŋga ɓó dəw a kiŋga né gə dɔrea el.

Néra Njékaḭkulaje 1:16

Ŋgakɔmje gə́ dəwje, ta gə́ Dabid pa gə torndu Ndilmeenda mee maktub gə́ to gə kəmee gə́ wɔji dɔ Judas, yeḛ gə́ njekɔrno̰ deḛ gə́ d’wa Jeju lé taree aw lée’g béréré ya.

Néra Njékaḭkulaje 1:24

Tɔɓəi deḛ ra tamaji pana: Mbaidɔmbaije, i gə́ gər meḛ dəwje lai lé maji kari tɔji sí yeḛ gə́ i nja ɔree mbuna dəwje joo’g neelé

Néra Njékaḭkulaje 10:19

Loo gə́ Piɛrə si ə̰ji ta némḭdi neelé bèe-bèe ndá Ndil ulá pana: Aa oo, dəwje munda d’aar dəjii.

Néra Njékaḭkulaje 10:20

Maji kari uba naŋg ḭta risi uru naŋg, aw sə dee ɓó ŋgira kudi el mbata to gə́ ma nja ɓa m’ula dee.

Néra Njékaḭkulaje 13:2

Loo gə́ d’wa dɔ na̰ gə mba kwa Mbaidɔmbaije meḛ dee’g, d’ɔg ne meḛ dee ɓoo keneŋ ndá Ndilmeenda ula dee pana: Maji kar sí ɔrje Barnabas gə Sool unda deeje gə kəmee loo kula gə́ m’ɓar dee keneŋ lé.

Néra Njékaḭkulaje 15:14

Ŋgakɔmje gə́ dəwje, ooje ta ləm ɓa. Simo̰ ɔr sor loo né gə́ Ala ra dɔtar ila ne kəmee dɔ ginkoji dəwje gə raŋg’g mba kɔr koso-dəwje mbuna dee’g mba kar dee d’un ne ria.

Néra Njékaḭkulaje 15:2

Pool gə Barnabas d’ḭ maḭ sə dee rədədə ɓa d’ɔr Pool gə Barnabas gə njé gə́ raŋg d’ɔm dee dɔ dee’g, d’ar dee d’aw Jerusalem rɔ njékaḭkulaje’g gə ŋgatɔgje’g gə mba gɔl taree.

Néra Njékaḭkulaje 15:39

Togə́bè ɓa deḛ maḭ na̰ ta dɔ’g hər-hər tḭ ne na̰. Barnabas wa Mark ilá gée’g ar dee d’uru mee bato’g gə mba kaw dɔgoré-loo gə́ Siprə.

Néra Njékaḭkulaje 20:24

M’ra né kára kara gə mba taa ne rɔm el ləm, m’oo rɔm gə́ né gəd kəm dɔ’g el ləm tɔ. Né gə́ wa məəm lé kɔr suna rəw ləm gə meendakaḭ ləm, gə tɔl ta kula gə́ Mbaidɔmbaije Jeju ɔm jim’g, am m’ula dee ne tagə́maji gə́ wɔji dɔ noji lə Ala lé ləm tɔ lé yee ɓa gə́ né gə́ wa məəm ya.

Néra Njékaḭkulaje 21:16

Njékwakiláje gə́ na̰je gə́ Sejare lé deḛ d’aw sə sí na̰’d d’unda sí kəi lə Mnaso̰ gə́ to gə́ dəw gə́ dɔgoré-loo gə́ Siprə. To njekwakila gə́ ləw, kəi ləa ɓa j’a gə to keneŋ.

Néra Njékaḭkulaje 3:18

Nɛ yee ɓa Ala nja ar ta gə́ njéteggintaje lai pa kédé pana: Némeeko̰ a gə ndər dɔ Kristi’g lə neḛ lé aw ne lée’g béréré ya.

Néra Njékaḭkulaje 4:25

i nja ɓa pata gə goo Ndilmeenda ula ta bɔ síjeḛ Dabid gə́ to kura ləi ləm tɔ pana: See ban ɓa ginkoji dəwje gə raŋg ra né birim-birim D’ar kəsta ɓa wa meḛ koso-dəwje bèe wa.

Néra Njékaḭkulaje 9:15

Nɛ Mbaidɔmbaije ilá keneŋ pana: Maji kari ɔd aw ya mbata ma nja m’ɔree kəm’g gə mba karee un rim as ne loo no̰ ginkoji dəwje gə raŋg’g ləm, gə no̰ mbaije’g ləma, gə no̰ Israɛlje’g ləm tɔ.

Njé gə́ Pilibə 2:14

Raje néje lai gə rɔkim el ləm, gə maḭje gə rɔ sí dɔ’g el ləm tɔ.