Néra Njékaḭkulaje 15:4 - Maktub gə́ To gə Kəmee

⁴ Loo gə́ deḛ teḛ Jerusalem mba̰ ndá Eglisə ləm, gə njékaḭkulaje ləma, gə ŋgatɔgje ləm tɔ lé d’wa dee gə́ rɔ dee’g ɓa, d’ɔr sor néje lai gə́ Ala ra sə dee d’ar dee d’oo.

Néra Njékaḭkulaje 15:4 ပူးပေါင်းရင်းမြစ်များ

Matiyo 10:40

Yeḛ gə́ wa sí gə́ rəa’g ndá yeḛ kara wam gə́ rəa’g ya ləm, yeḛ gə́ njekwam gə́ rəa’g kara wa dəw gə́ njekulam gə́ rəa’g ya ləm tɔ.

Néra Njékaḭkulaje 11:30

D’ɔm néje lə dee ji Barnabas gə Sool’g d’ar dee d’aw ne d’ar ŋgatɔgje lé tɔ.

Néra Njékaḭkulaje 14:27

Loo gə́ deḛ teḛ Antiɔs mba̰ ndá deḛ d’ula kula ɓar Eglisəje d’ar dee d’wa dɔ na̰, tɔɓəi deḛ d’ɔr gin néje lai gə́ Ala ra sə dee d’ar dee d’oo ləm, d’ula dee ta loo rəw gə́ yeḛ ɔr ar njépole-magəje d’un ne meḛ dee ləm tɔ.

Néra Njékaḭkulaje 15:12

Dəwje lai gə́ mbo̰ dɔ na̰ lé d’isi ndiŋ d’ur mbi dee d’oo ne ta gə́ Barnabas gə Pool d’ula dee, d’wɔji ne dɔ némɔrije lai gə nédumkooje gə́ Ala ar dee ra mbuna njétareeje’g lé.

Néra Njékaḭkulaje 15:2

Pool gə Barnabas d’ḭ maḭ sə dee rədədə ɓa d’ɔr Pool gə Barnabas gə njé gə́ raŋg d’ɔm dee dɔ dee’g, d’ar dee d’aw Jerusalem rɔ njékaḭkulaje’g gə ŋgatɔgje’g gə mba gɔl taree.

Néra Njékaḭkulaje 15:22

Yen ŋga njékaḭkulaje ləm, gə ŋgatɔgje ləma, gə Eglisəje lai ləm tɔ lé d’ɔm na̰’d mba kɔr dəwje mbuna dee’g kar dee d’aw gə Barnabas gə Pool na̰’d Antiɔs. Deḛ d’ɔr Jude gə́ deḛ ɓaree Barsabas ləm, gə Silas ləm tɔ. Deḛ to dəwje gə́ ri dee ɓar mbuna ŋgako̰ na̰je’g.

Néra Njékaḭkulaje 15:3

Togə́bè Eglisə dan dee unda dee rəbə ndá d’aw kəm dee gə́ kédé d’unda mee ɓee gə́ Penisi gə Samari gaŋg, d’aw d’ɔr sor meekun lə njépole-magəje, d’ar meḛ ŋgako̰ deeje lel dee ne yaa̰.

Néra Njékaḭkulaje 15:6

Njékaḭkulaje gə ŋgatɔgje d’wa dɔ na̰ gə mba kə̰d gel ta neelé koo.

Néra Njékaḭkulaje 16:4

Loo gə́ d’isi dəs gə ɓee-ɓee lé d’un ndu dee d’ar ŋgako̰ na̰je gə mba kar dee d’aa dɔ torndu njékaḭkulaje gə ŋgatɔgje gə́ Jerusalem’g lé.

Néra Njékaḭkulaje 18:27

To gə́ yeḛ wɔji-kwɔji kaw gə́ Akai ndá ŋgako̰ na̰je d’ula diŋgam mée’g tɔɓəi deḛ ndaŋg maktub d’aree gə mba karee aw ne ar njékwakiláje ɓó gə kar dee d’wá ne gə́ rɔ dee’g. Loo gə́ yeḛ teḛ keneŋ ndá yeḛ la sə dee-deḛ gə́ mbɔl dɔ noji gə́ Ala wa sə dee lé d’un ne meḛ dee.

Néra Njékaḭkulaje 21:17

Loo gə́ jeḛ n’teḛ Jerusalem mba̰ ndá ŋgako̰ na̰je d’wa sí gə́ rɔ dee’g gə meendakaḭ.

Néra Njékaḭkulaje 21:19

Yeḛ ra dee lapia mba̰ ɓa yeḛ ɔr sor néje lai-lai gə́ Ala ra mbuna njétareeje’g gə goo kula’g ləa lé.

Njé gə́ Rɔmə 15:18

Tapam gə néram gə́ Kristi ɓa am siŋgam mba kam m’ra gə mba kɔr ne njépole-magəje kar dee d’ila ŋgonkoji dɔ Ala’g lé yee ɓa ma m’pa ɓó né gə́ raŋg el.

Njé gə́ Rɔmə 15:7

Togə́bè ɓa maji kar sí waje na̰ gə́ rɔ na̰’g to gə́ Kristi kara wa sí ne gə́ rəa’g ula ne rɔnduba dɔ Ala’g lé tɔ.

1 Njé gə́ Kɔrḭtə 15:10

Nɛ noji lə Ala ɓa m’to ne dəw gə́ togə́bè, noji gə́ yeḛ wa səm lé tel to né gə́ gə mḭdé rɔm’g el. Ta gə́ kɔl ɓa nee: Ma m’ra kula m’unda deḛ lai ya, nɛ noji lə Ala gə́ to məəm’g ɓó to ma ɓa gə dɔrɔm el.

2 Njé gə́ Kɔrḭtə 5:19

Mbata Ala ɓa to dərgel Kristi ɓa ɔm ne dəwje gə́ dɔ naŋg nee səa-yeḛ na̰’d ɓó tura ne sə dee goo meekɔsgel lə dee el. Ta kɔm dəwje na̰’d gə Ala yəg lé ɓa yeḛ ɔm ji sí’g mba kar sí j’ɔr gée.

2 Njé gə́ Kɔrḭtə 6:1

To gə́ jeḛ n’ra kula na̰’d gə Ala lé jeḛ ndəji sí mba kar noji lə Ala gə́ seḭ iŋgaje lé a teleeje gə́ né gə́ gə mḭdé ba el.

Njé gə́ Kolosə 4:10

Arisitarekə, njeboadaŋgai ləm ra sí lapia. Mark, ŋgolə bɔ Barnabas gə́ ma m’ula sí ta gə́ wɔji dəa kédé lé yeḛ kara ra sí lapia tɔ. Ɓó lé yeḛ a kaw ɓee lə sí ndá maji kar sí wáje gə́ rɔ sí’g.

2 Ja̰ 1:10

Ɓó lé dəw kára aw rɔ sí’g ɓa, un ta neelé ula sí el ndá wáje gə́ rɔ sí’g mee kəi’g lə sí el ləm, reaje lapia wɔjije ne kag noji el ləm tɔ.