Néra Njékaḭkulaje 15:32 - Maktub gə́ To gə Kəmee

³² Jude gə́ Silas gə́ to gə́ njéteggintaje lé deḛ ndəji ŋgako̰ na̰je gɔl bula ləm, d’ula ne diŋgam meḛ dee’g ləm tɔ.

Néra Njékaḭkulaje 15:32 ပူးပေါင်းရင်းမြစ်များ

Loo gə́ killa rea kəm Daniel’g 11:1

Mee ləb ko̰ɓee gə́ dɔtar lə Darius gə́ to Medə lé ma ya m’nai rəa’g mba la səa ləm, mba gədee ləm tɔ.

Matiyo 23:34

Gelee gə́ nee ɓa ma m’ula ne njéteggintaje gə njégosokəmkàrje gə njéndaji-maktubje rɔ sí’g. Seḭ a tɔlje njé gə́ na̰je ɗar deeje kaar kag’d ləm, seḭ a kundaje njé gə́ raŋg gə ndəi-kɔb mee kəi-kwa-dɔ-na̰je’g lə sí ləma, seḭ a kulaje kəm dee ndòo gə ɓee-ɓee ləm tɔ,

Lugu 11:49

Gelee gə́ nee ɓa Ala pa ne ta kəmkàr ləa pana: N’a kula njéteggintaje gə njékaḭkulaje rɔ dee’g ndá d’a tɔl njé gə́ na̰je ləm, d’a kula kəm njé gə́ na̰je ndòo ləm tɔ.

Néra Njékaḭkulaje 11:23

Loo gə́ yeḛ teḛ keneŋ aa loo oo noji gə́ Ala wa sə dee lé ndá yeḛ ra rɔlel, tɔɓəi yeḛ ndəji dee bər-bər mba kar kɔm meḛ lə dee gə́ d’ɔm dɔ Mbaidɔmbaije’g lé d’a reḛ́ keneŋ rḛ́-rḛ́ ya.

Néra Njékaḭkulaje 11:27

Mee ləb’g neelé njéteggintaje d’ḭ Jerusalem ree Antiɔs.

Néra Njékaḭkulaje 13:1

Mee Eglisə gə́ Antiɔs lé njéteggintaje gə njéndoo né dəwje d’isi keneŋ, ri dee ɓa nee: Barnabas, gə Simeo̰ gə́ deḛ ɓaree Niger ləm, gə Lusius, dəw gə́ Sirèn’g ləm, gə Manahen gə́ d’odee gə Herɔdə gə́ to njeguburuɓee lé na̰’d ləma, gə Sool ləm tɔ.

Néra Njékaḭkulaje 14:22

Deḛ d’ula diŋgam meḛ njékwakiláje’g ndəji dee gə mba kar dee d’ai meḛ dee sam-sam dɔ meekun’g lə dee pana: Némeeko̰je gə́ gə ria-ria ɓa gə́ kuma̰ kar sí j’andə ne mee ɓeeko̰’g lə Ala lé.

Néra Njékaḭkulaje 15:1

Dəwje gə́ na̰je d’ḭ Jude ree ndoo ŋgako̰ deeje d’ula dee pana: Ɓó lé seḭ injaje tamɔd sí gə goo godndu Moyis el ndá seḭ asjekəm kiŋga kaji el.

Néra Njékaḭkulaje 15:22

Yen ŋga njékaḭkulaje ləm, gə ŋgatɔgje ləma, gə Eglisəje lai ləm tɔ lé d’ɔm na̰’d mba kɔr dəwje mbuna dee’g kar dee d’aw gə Barnabas gə Pool na̰’d Antiɔs. Deḛ d’ɔr Jude gə́ deḛ ɓaree Barsabas ləm, gə Silas ləm tɔ. Deḛ to dəwje gə́ ri dee ɓar mbuna ŋgako̰ na̰je’g.

Néra Njékaḭkulaje 15:27

Yee ɓa j’ɔr ne Jude gə Silas j’ula dee ne rɔ sí’g ndá deḛ nja d’a kula sí ta néje neelé gə ta dee togə́bè tɔ.

Néra Njékaḭkulaje 15:3

Togə́bè Eglisə dan dee unda dee rəbə ndá d’aw kəm dee gə́ kédé d’unda mee ɓee gə́ Penisi gə Samari gaŋg, d’aw d’ɔr sor meekun lə njépole-magəje, d’ar meḛ ŋgako̰ deeje lel dee ne yaa̰.

Néra Njékaḭkulaje 15:31

Loo gə́ deḛ tura maktub lé mba̰ ndá ŋgako̰ na̰je ra rɔlel mbata diŋgam gə́ d’ula meḛ dee’g lé.

Néra Njékaḭkulaje 15:41

Yeḛ aw gə loo-loo Siri gə Silisi ula diŋgam mee Eglisəje’g.

Néra Njékaḭkulaje 18:23

Loo gə́ Pool si Antiɔs waga ndá yeḛ un rəw aw gə loo-loo dəb ɓeeko̰ gə́ Galati ləm, gə Prigi ləm tɔ ula ne diŋgam meḛ njékwakiláje’g lai-lai ya.

Néra Njékaḭkulaje 2:40

Piɛrə pa taje gə́ raŋg bula ɔm dɔ’g ɓəi ndəji dee ne ləm, man dee ne ləm tɔ pana: Saaje rɔ sí rɔ ginkoji dəwje gə́ dɔ naŋg nee gə́ njéra néje gə́ yèr neelé ɓó gə ajije ne ya.

Néra Njékaḭkulaje 20:2

Yeḛ aw gə loo-loo dɔ naŋg neelé ula ne njékwakiláje ta ndəji dee ne bər-bər loo bula ɓa yeḛ ɔd keneŋ aw Grɛs.

Njé gə́ Rɔmə 12:6

To gə́ j’isi gə nénojije ɓəd-ɓəd gə́ Ala wa ne sə sí noji ndá maji kar yeḛ gə́ si gə nénoji gə́ ka̰ tegginta lé loo gə́ meekun ləa as lée ndá maji karee tegginta lə Ala lé tɔ.

Njé gə́ Rɔmə 12:8

Yeḛ gə́ to njekolé meḛ mareeje dɔ né’g ndá maji karee olé meḛ dee ya. Yeḛ gə́ to gə́ njekun né kwa nénoji gə njéndooje lé maji karee ra gə meenda ɓó a tura sə dee gée el, yeḛ gə́ to njekɔrno̰ dəwje loo-kwa-dɔ-na̰’g lé ndá maji karee gəd kəmee dɔ’g gəd-gəd. Yeḛ gə́ to gə́ njekwa yɔ-dəwje bur-bur ndá maji karee ra gə rɔlel ɓó a ra gə rɔkim el.

1 Njé gə́ Kɔrḭtə 1:8

Yeḛ nja a gɔl sí kar sí ŋgəŋje ne, saar ndɔ gə́ rudee a kun ɗiao, mba kar ndɔ ree lə Mbaidɔmbaije lə sí Jeju Kristi lé ta kára kara a kwa dɔ sí nda̰ el.

1 Njé gə́ Kɔrḭtə 14:29

Maji kar njéteggintaje kara deḛ jooje munda jen ɓa d’a pata nɛ njé gə́ raŋg lai d’a si gə mba kḛji gin taree meḛ dee’g.

1 Njé gə́ Kɔrḭtə 14:3

Nɛ yeḛ gə́ tegginta lé yeḛ pata ar dəwje gə mba kar dee d’unda siŋga dee dɔ maree’g ləm, gə mba ndəji dee ne ləma, gə mba gɔl dee ne ləm tɔ.

1 Njé gə́ Kɔrḭtə 14:32

Kankəm njéteggintaje lé d’ula dɔ dee no̰ njétegginta mar deeje’g.

Njé gə́ Epesə 3:5

Né gə́ to loo-kiya’g neelé dəw riba dəa ar ginka dəwje gə́ ləw d’oo el ɓəi. Nɛ ɓasinè lé Ndil ɓa riba dəa wagəsa ar njékaḭkulaje gə njéteggintaje gə́ to njémeendaje ləa.

1 Njé gə́ Tesalonikə 2:11

Seḭ ooje gao, jeḛ n’ra sə sí to gə́ bɔ ŋgon ra gə ŋgan méeje lé ya.

1 Njé gə́ Tesalonikə 3:2

ndá jeḛ j’ula Timote rɔ sí’g. Yeḛ lé to ŋgoko̰ sí gə́ to kura lə Ala loo kɔr goo Tagə́maji lə Kristi ndá jeḛ j’ulá mba karee ndəji sí kar sí ŋgəŋje ne dan meekun’g lə sí ləm,

1 Njé gə́ Tesalonikə 4:1

Ŋgakɔmje, ta gə́ raŋg ya to ŋga. Né gə́ kəm ra karee taa kəm Ala lé seḭ ooje rɔ sí’g mba̰ ləm, seḭ raje née ləm tɔ ndá jeḛ n’tɔg sí j’wa ta sí gə ri Mbaidɔmbaije Jeju Kristi mba kar sí awje ne kəm sí gə́ kédé-kédé ya.

1 Njé gə́ Tesalonikə 5:14

Ŋgako̰ síje, jeḛ n’ra ndòo rɔ sí’g ɓəi: maji kar sí ndəjije deḛ gə́ d’aw kori-kori ləm, ulaje diŋgam meḛ deḛ gə́ meḛ dee təd mán ləm, gədje njémeembɔrèje ləma, ilaje meḛ sí po̰ dɔ dəwje’g lai ləm tɔ.

1 Njé gə́ Tesalonikə 5:20

Ta gə́ njéteggintaje d’ɔr d’ar sí lé taaje ta dee’g ya ɓó ubaje ya̰je el.

2 Njé gə́ Tesalonikə 3:12

Deḛje neelé, jeḛ m’ɓar dee ndəji dee gə ri Mbaidɔmbaije Jeju Kristi mba kar dee d’wa kula lə dee peb ra ɓó gə d’usɔ kée.

1 Timote 2:1

Né gə́ kédé gə́ ma m’tɔgi dɔ’g lé maji ra tamaji ta Ala’g ləm, ra ndòo rəa’g ləm, to ne təa’g pəgə-pəgə ləma, rəa oiyo ləm tɔ mbata lə dəwje lai ləm,

2 Timote 4:2

Ila mbər Tagə́maji lé ula ne ta meḛ dee’g loo gə́ kul’g ləm, gə loo gə́ nuŋga’g ləm tɔ, ndaŋg dee ləm, gə ndəji dee ləma, gə gɔl dee gə ndu noji ndoo dee ne ləm tɔ ɓó ya̰ gée lal ra ndɔ kára el.

1 Piɛrə 5:1

Ooje ta gə́ ma m’gɔl ne ŋgatɔgje mbuna sí’g lé ma kara m’to gə́ ŋgatɔg mar dee ya ləm, némeeko̰ gə́ ra Kristi lé ma m’oo gə kəm ya ləma, ndɔ gə́ yeḛ a nduba rəa gə́ raga lé ma kara m’a si səa na̰’d ya ləm tɔ.

1 Piɛrə 5:10

Ala gə́ njeboo-nojije lai gə́ ɓar sí gin Jeju Kristi’g mba kar sí sije səa dan rɔnduba’g ləa gə no̰ lé loo gə́ némeeko̰ a ra sí waga ba ndá yeḛ nja a tel kunda sí maji’g gogo ləm, a kar sí ŋgəŋje keneŋ ŋgəŋ-ŋgəŋ ləma, a kar siŋga sí ḭ dɔ maree’g kar né kára kara askəm yə sí el ləm tɔ.

1 Piɛrə 5:12

M’ar Silbɛ̰, ŋgoko̰ sí gə́ majikoji lé ndaŋg maktub nee gə jia ɓəl ar sí, gə mba ndəji sí ne ləm, gə mba kɔr ne goo ta noji lə Ala gə́ seḭ rḛ́je keneŋ lé kar sí gərje gao to gə́ kankəm noji lə Ala ləm tɔ.