Néra Njékaḭkulaje 15:22 - Maktub gə́ To gə Kəmee

²² Yen ŋga njékaḭkulaje ləm, gə ŋgatɔgje ləma, gə Eglisəje lai ləm tɔ lé d’ɔm na̰’d mba kɔr dəwje mbuna dee’g kar dee d’aw gə Barnabas gə Pool na̰’d Antiɔs. Deḛ d’ɔr Jude gə́ deḛ ɓaree Barsabas ləm, gə Silas ləm tɔ. Deḛ to dəwje gə́ ri dee ɓar mbuna ŋgako̰ na̰je’g.

Néra Njékaḭkulaje 15:22 ပူးပေါင်းရင်းမြစ်များ

2 Samel 3:36

Né neelé koso-dəwje lai gər ləm, taa kəm dee ləm tɔ ar dee d’oo néje lai gə́ mbai ra lé gə́ né gə́ maji ya.

2 Sôrta Gḭka Israɛlje 30:12

Mee ɓee gə́ Juda kara Ala ra kula meḛ dee’g ar meḛ dee asəna kára ba mba kar dee ra né gə goo ndukun lə mbai gə ka̰ ŋgan-mbaije karee aw lée’g béréré gə goo tapa Njesigənea̰ lé.

2 Sôrta Gḭka Israɛlje 30:4

Ta neelé lel mbai gə koso-dəwje lai gə́ mbo̰ dɔ na̰ lé ar dee ndigi ra bèe ya tɔ,

Néra Njékaḭkulaje 1:23

Deḛ d’ɔr dəwje joo d’unda dee no̰ dee’g, yeḛ gə́ kára ria lə Jisəb gə́ d’unda ria lə Barsabas gə́ deḛ ɓaree Justus ləm, yeḛ gə́ kára ria lə Matias ləm tɔ.

Néra Njékaḭkulaje 11:19

Deḛ gə́ d’aḭ sanéna̰ gə mbata kəm dee gə́ d’ula ndòo ndɔ kwəi’g lə Etien lé d’aḭ saar teḛ Penisi ləm, d’aw dɔgoré-loo gə́ Siprə ləma, d’aw Antiɔs ləm tɔ. Jibje ya gə kar dee ba ɓa d’aw d’ila mber tagə́maji lé d’ar dee.

Néra Njékaḭkulaje 11:20

Nɛ dəwje gə́ na̰je mbuna deḛ gə́ d’ḭ Siprə gə Sirèn lé deḛ ree Antiɔs ndá d’aw rɔ Grekje’g d’ula dee tagə́maji lə Mbaidɔmbaije Jeju.

Néra Njékaḭkulaje 11:22

Soree oso mbi barkəm Eglisəje gə́ Jerusalem ar dee d’ɔr Barnabas d’aree aw saar teḛ Antiɔs.

Néra Njékaḭkulaje 11:27

Mee ləb’g neelé njéteggintaje d’ḭ Jerusalem ree Antiɔs.

Néra Njékaḭkulaje 15:23

Deḛ ndaŋg maktub d’ula ji dee’g d’ar dee d’aw ne, deḛ pata mee maktub’g neelé pana: Jeḛ njékaḭkulaje ləm, gə ŋgatɔgje ləma, gə ŋgako̰ na̰je ləm tɔ lé jeḛ ndaŋg maktub nee j’ar sí-seḭ ŋgako̰ na̰je gə́ mbuna njépole-magəje gə́ sije Antiɔs gə Siri gə Silisi tɔ. Jeḛ n’ra sí lapia gə́ boo.

Néra Njékaḭkulaje 15:25

Gelee gə́ nee ɓa loo gə́ jeḛ lai mbo̰ dɔ na̰ j’ɔm ta lə sí na̰’d ndá jeḛ j’ɔr dəwje gə́ na̰je mba kar dee d’aw rɔ sí’g na̰’d gə Barnabas gə Pool gə́ j’unda dee dan kəm sí’g ləm,

Néra Njékaḭkulaje 15:27

Yee ɓa j’ɔr ne Jude gə Silas j’ula dee ne rɔ sí’g ndá deḛ nja d’a kula sí ta néje neelé gə ta dee togə́bè tɔ.

Néra Njékaḭkulaje 15:3

Togə́bè Eglisə dan dee unda dee rəbə ndá d’aw kəm dee gə́ kédé d’unda mee ɓee gə́ Penisi gə Samari gaŋg, d’aw d’ɔr sor meekun lə njépole-magəje, d’ar meḛ ŋgako̰ deeje lel dee ne yaa̰.

Néra Njékaḭkulaje 15:30

Deḛ neelé ra Eglisəje lapia ɓa d’ɔd d’aw Antiɔs ɓa gə maktub d’ar boo-dəwje gə́ mbo̰ dɔ na̰ keneŋ lé.

Néra Njékaḭkulaje 15:32

Jude gə́ Silas gə́ to gə́ njéteggintaje lé deḛ ndəji ŋgako̰ na̰je gɔl bula ləm, d’ula ne diŋgam meḛ dee’g ləm tɔ.

Néra Njékaḭkulaje 15:40

Pool ɔr Silas ilá gée’g ɔd aw ndá ŋgako̰ deeje d’ɔm dee ji Mbaidɔmbaije’g gə mba karee ra sə dee némeemaji.

Néra Njékaḭkulaje 16:19

Loo gə́ ɓé-ŋgon-njelookisije neelé d’oo to gə́ dɔ nékiŋga lə dee a gə kɔs bo̰ ndá d’uba Pool gə Silas d’wa dee ndɔr dee d’aw sə dee loo-nada no̰ njégaŋ-rəwtaje’g.

Néra Njékaḭkulaje 16:25

Loo gə́ dan loo bab ndá Pool gə Silas d’isi ra tamaji ləm, d’ɔs pa d’ula ne rɔnduba dɔ Ala’g ləm tɔ tɔɓəi daŋgai mar deeje d’oo ndu dee tɔ.

Néra Njékaḭkulaje 16:29

Yen ŋga njeŋgəm kəi-daŋgai lé ɓar-ɓar pər gə mba koo ne loo ndá ɔd uru kəi gə kaa kəmee bura, oso naŋg rəb gɔl Pool gə Silas’g unda bala tigi-tigi.

Néra Njékaḭkulaje 17:10

Léegəneeya ŋgako̰ na̰je d’ar Pool gə Silas d’ḭ loondul’g mba kaw Bere. Loo gə́ deḛ teḛ keneŋ mba̰ ndá d’aw mee kəi-kwa-dɔ-na̰’g lə Jibje.

Néra Njékaḭkulaje 17:14

Yen ŋga ŋgako̰ na̰je d’ar Pool ḭ gə tɔgee aw par gə́ gə loo gə́ baa-boo’g, nɛ Silas gə Timote ɓa nai Bere.

Néra Njékaḭkulaje 17:4

Njé gə́ na̰je mbuna dee’g taa ta ləa ndá d’ɔm gə Pool gə Silas na̰’d yəg. Grekje bula yaa̰ gə́ d’wa Ala meḛ dee’g ləm, gə denéje gə́ na̰je gə́ to gə́ kankəm denéje mee ɓee’g ləm tɔ lé d’ɔm sə dee na̰’d tɔ.

Néra Njékaḭkulaje 18:5

Nɛ loo gə́ Silas gə Timote d’ḭ Masedoinə ree ndá Pool orè kəmee dɔ ginta gə́ kɔr’g ya goo kára ba, ar Jibje d’oo gəd to gə́ Jeju to Kristi ya.

Néra Njékaḭkulaje 8:14

Njékwakiláje gə́ d’isi Jerusalem lé loo gə́ d’oo to gə́ njé gə́ Samari taa ta lə Ala lé ndá d’ɔr Piɛrə gə Ja̰ d’ula dee keneŋ.

2 Njé gə́ Kɔrḭtə 1:19

Mbata Jeju Kristi, Ŋgon-Ala gə́ jeḛ gə Silbɛ̰ gə Timote j’ila mber ta ləa mbuna sí’g lé yee ɓa to ta gə́ ula sí na̰’d el nɛ ta ləa to njaŋg.

1 Njé gə́ Tesalonikə 1:1

Ma Pool gə Silbɛ̰ gə Timote, jeḛ ndaŋg maktub nee j’ar Eglisə gə́ Tesalonik, seḭ gə́ ɔmje na̰’d gə Ala Bɔ síje ləm, gə Jeju Kristi Mbaidɔmbaije lé ləm tɔ. Maji kar noji gə meelɔm nai sə sí ya!

2 Njé gə́ Tesalonikə 1:1

Ma Pool, jeḛ gə Silbɛ̰ gə Timote lé jeḛ ndaŋg maktub nee j’ar Eglisə gə́ Tesalonik, deḛ gə́ d’ɔm na̰’d gə Ala Bɔ síjeḛ ləm, gə Jeju Kristi Mbaidɔmbaije ləm tɔ.

1 Piɛrə 5:12

M’ar Silbɛ̰, ŋgoko̰ sí gə́ majikoji lé ndaŋg maktub nee gə jia ɓəl ar sí, gə mba ndəji sí ne ləm, gə mba kɔr ne goo ta noji lə Ala gə́ seḭ rḛ́je keneŋ lé kar sí gərje gao to gə́ kankəm noji lə Ala ləm tɔ.