Néra Njékaḭkulaje 15:17 - Maktub gə́ To gə Kəmee

¹⁷ Mba kar kawal-dəwje gə́ nai gogo lé D’a ndolè ne goo Mbaidɔmbaije ləm Ginkoji dewje gə́ raŋg gə́ d’unda rim dɔ dee’g lé kara D’a ndolè goom ləm tɔ Njesigənea̰ gə́ a gə kar néje neelé aw lée’g béréré lé ɓa pa bèe.

Néra Njékaḭkulaje 15:17 ပူးပေါင်းရင်းမြစ်များ

Gḭ-Néje 22:18

Ginkoji dəwje gə raŋg lai dɔ naŋg nee lé d’a kiŋga dɔkaisəgərə rɔ ŋgakaije’g mbata i lé njaa gə ŋgonkoji dɔ ta’g ləm ya.

Gḭ-Néje 48:16

Maji kar kura lə Ala gə́ dara gə́ njekɔrm dan némajelje’g lai lé Tɔr ndia dɔ basaje’g neelé! Maji kar rim to dɔ dee’g, Gə ri bɔmje-je gə́ Abrakam gə Isaak ləm, Maji kar dee tel bula d’ḭ ne dɔ maree’d gə́ kédé-kédé Mbuna njé gə́ naŋg neelé ləm tɔ!

Gḭ-Néje 49:10

Kag-mbai lé a kḭ rɔ Juda’g kaw raŋg el ləm, Kag-tɔs gə́ ka̰ ko̰ɓee lé a kḭ ŋgira gɔlee’g kaw raŋg el ləm tɔ Saar mba kar silo ɓa ree, Kar dəwje d’ila ŋgonkoji dəa’g ya.

Esai 11:10

Mee ndəa’g neelé barkəmrɔ Isai A kaar keneŋ asəna gə nétɔji mbata lə koso-dəwje, Ginkoji dəwje gə raŋg d’a tel kəm dee gə́ rəa’g Ndá rɔnduba ɓa a taa loo-siée pəl-pəl ya.

Esai 43:7

Deḛ lai gə́ d’unda rim dɔ dee’g, Deḛ gə́ m’unda dee mba kar dee d’ula rɔnduba dɔm’g ləm, M’uba kubururɔ dee ləma, m’ra dee ləm tɔ.

Esai 63:19

Jeḛ lé un kudee ləw ba ya Jeḛ n’toje asəna gə koso-dəwje Gə́ i o̰ dee bèe el ləm, Asəna gə koso-dəwje Gə́ d’unda rii dɔ dee’g el bèe ləm tɔ. Ǝi, ɓó lé i ta̰ dara ləm, Ɓó lé i risi ur naŋg ləm tɔ ndá Mbalje d’a yə ɓugu-ɓugu nɔḭ’g ya.

Esai 65:1

Deḛ gə́ dəjim né kára el lé M’ar dee né ləm, Deḛ gə́ saŋgəm el kara Ma m’ar dee d’iŋgam ləm tɔ, Ma m’pana: Yḛ̀ m’aar nee M’ar ginkoji dəwje gə́ ɓar rim el.

Jeremi 14:9

See gelee ban ɓa i to Asəna gə dəw gə́ aar jim əsé Asəna gə bao-rɔ gə́ askəm kaji sí el bèe wa. Lé bèe kara əi Njesigənea̰, I lé si dan sí’g ləm, Rii kara ɓar dɔ sí’g ləm tɔ. Maji kari uba sí ya̰ sí el!

Jeremi 16:19

Njesigənea̰ i lé to siŋgam, Gə loo-gəd-rɔm, Gə loo-kiya-rɔm ndɔ nékəmndoo’g! Ginkoji dəwje gə raŋg d’a kḭ rudu naŋg’d ree rɔi’g Ndá d’a kulai pana: Bɔ síje-je lé taŋgɔm ləm, Gə magəje gə́ kari ba ləm To ɓa gə́ nénduba lə dee.

Loo gə́ killa rea kəm Daniel’g 9:19

Ǝi Mbaidɔmbaije, maji kari oo ya! Ǝi Mbaidɔmbaije, maji kari ar məəi ti mbidi! Ǝi Mbaidɔmbaije, ur mbii gèŋ! Ra né ɓó, tila gə tila el mbata meenoji ləi-i ya, əi Ala ləm! Mbata rii ɓar dɔ ɓee-boo’g lé ləm, ɓar dɔ koso-dəwje’g ləi ləm tɔ.

Ojee 2:23

Njesigənea̰ pa togə́bè pana: Mee ndəa’g neelé m’a to Ala gə́ njekoo ta kila’g, M’a koo ndukwɔi lə dara ndá Dara a koo ndukwɔi lə naŋg nee tɔ,

Amɔs 9:12

Mba kar dee dum dɔ ges Edɔmje gə́ nai ləm, Gə dɔ ginkoji dəwje gə raŋg lai Gə́ ɓar ri neḛ dɔ dee’g ləm tɔ lé Njesigənea̰ gə́ a gə kar néje neelé aw lée’g béréré ɓa pa bèe.

Misee 5:7

Ges Jakobje d’a nai mbuna ginkoji dəwje gə́ bula digi-digi’g Asəna gə toboḭ gə́ aar mbuna daje gə́ mee kag-kɔr’g bèe ləm, Asəna gə ŋgon toboḭ gə́ aar mbuna koso-ŋgan badje’g bèe ləm tɔ. Loo gə́ yee dəs mba kaw ndá Yee tuba dee naŋg ləm, Yee ti dee mbidi-mbidi ləm tɔ Ar dəw gə́ njetaa dɔ dee godo.

Jakari 2:11

Seḭ njé gə́ Sio̰, Seḭ gə́ síje ɓee-ɓər gə́ Babilɔn lé Maji kar sí aḭje ajije rɔ sí.

Malasi 1:11

Un kudee loo kuba’g lə kàr saar teḛ ne loo kuru naŋg’d ləa jig ya rim ɓar mḭ mbuna ginkoji dəwje gə raŋg’g. Gə looje lai-lai lé deḛ roo né gə́ ə̰də sululu keneŋ d’unda ne no̰ rim ya ləm, deḛ d’odo nékarje gə́ àr ŋgad-ŋgad ləm tɔ, mbata rim gə́ ɓar mḭ mbuna ginkoji dəwje gə raŋg’g lé ya. Njesigənea̰ gə́ njeboo-néje lé ɓa pa bèe.

Bula lə Israɛlje 24:23

Balaam pata ləa gə́ gə ndəree tɔɓəi pana: Ai-i! Loo gə́ Ala a ra néje neelé see na̰ ɓa a si kəmba ɓəi wa.

Bula lə Israɛlje 6:27

Yee gə́ bèe ɓa d’a kunda ne rim dɔ Israɛlje’g, tɔɓəi m’a tɔr ne ndum dɔ dee’g tɔ.

Tel tura Godndu 28:10

Koso-dəwje lai d’a koo to gə́ ri Njesigənea̰ ɓar dɔ sí’g ndá deḛ d’a ɓəl sí ne.

Maktub gə́ Jak ula ne ar ngan-Allaje 2:7

See dee d’ila ndɔl dɔ ri gə́ maji lə yeḛ gə́ seḭ toje kea̰ lé el wa.