Néra Njékaḭkulaje 15:10 - Maktub gə́ To gə Kəmee

¹⁰ Bèe ndá see ban ɓa seḭ aḭje mee Ala ɓasinè ulaje ne nékodo gə́ wɔi gə́ dum dɔ ka síje gə dɔ síjeḛ’g lé gwɔb njékwakiláje’g bèe ɓəi wa.

Néra Njékaḭkulaje 15:10 ပူးပေါင်းရင်းမြစ်များ

Teḛ-Raga 17:2

Togə́bè dəwje d’aar gə Moyis gə ta jələ-jələ. Deḛ d’ulá pana: Ar sí mán j’aije. Moyis ila dee keneŋ pana: See ban ɓa seḭ aarje səm gə ta jələ-jələ bèe wa. See ban ɓa seḭ aḭje mee Njesigənea̰ bèe wa.

Esai 7:12

Nɛ Akaj tel ilá keneŋ pana: M’a dəjee né kára kara el ləm, m’a kaḭ mee Njesigənea̰ el ləm tɔ.

Matiyo 23:4

Deḛ tɔ nékodo gə́ wɔi d’unda dɔ tam dəwje’g nɛ ŋgaw ji dee kara d’ula keneŋ d’ɔrɔ ne kereŋ el.

Matiyo 4:7

Jeju tel ilá keneŋ pana: Deḛ ndaŋg mee maktub’g tɔɓəi pana: Mbaidɔmbaije, Ala ləi lé i a kaḭ mée nda̰ el.

Néra Njékaḭkulaje 5:9

Yen ŋga Piɛrə tel dəjee pana: See gelee ban ɓa seḭ ɔmje meḛ sí na̰’d sad ərje ne kəm Ndil Mbaidɔmbaije wa. Aa oo, deḛ gə́ dubu ŋgabije lé kaa gɔl dee to ɓar gə́ raga’n gə́ nee ndá d’a kuni-i ya tɔ.

Njé gə́ Galati 4:9

Nɛ ɓasinè to gə́ seḭ gərje Ala mba̰, əsé to gə́ yeḛ nja ɓa gər sí lé ŋga see ban ɓa seḭ telje gə́ dan néje gə́ gə mḭdé ba gə́ dɔtar mba kwaje ne rɔ sí ɓərje keneŋ tɔɓəi wa.

Njé gə́ Galati 5:1

Kristi ɔr sí dan ɓər’g mba kar sí j’isi gə́ ŋgankojije ya. Bèe ndá sije keneŋ njaŋg ɓó ar deeje tel d’ila sí pəgərə gin ɓər’g lé el ŋga.

Ǝbrəje 3:9

Lée neelé ya ɓa bɔ síje-je d’aḭ məəm keneŋ mba naa ne meekuru ləm, Deḛ d’oo ne kula ram ləb dee rɔ-sɔ.

Ǝbrəje 9:9

Yee ɓa to ban né gə́ wɔji dɔ ndɔ gə́ ɓasinè loo gə́ dəw gə́ wa Ala mée’g ndá yeḛ un nénojije aree ləm, yeḛ inja nékinjanéməsje aree ləm tɔ nɛ néje neelé d’askəm kar mée to ne maji ɔr njoroŋ el ləm, mée aar kərm ɓəi ləm tɔ.