Néra Njékaḭkulaje 14:4 - Maktub gə́ To gə Kəmee

⁴ Dəw-mee-ɓee-booje lé d’ɔr kəm na̰ ar njé gə́ na̰je to gə́ ka̰ Jibje ləm, njé gə́ na̰je to gə́ ka̰ njékaḭkulaje ləm tɔ.

Néra Njékaḭkulaje 14:4 ပူးပေါင်းရင်းမြစ်များ

Misee 7:6

Mbata ŋgon gə́ diŋgam ula sul dɔ bɔbeeje’g ləm, Ŋgon gə́ dené ɔs ta lə kea̰je rəw ləm, Njeməm gə́ dené ɔs ta lə məmeeje gə́ dené rəw ləma, Njémeekəije kara to njéba̰je lə njekəi ləm tɔ.

Lugu 2:34

Simeo̰ tɔr ne ndia dɔ dee’g, ula Mari gə́ ko̰ ŋgonje lé pana: Aa oo, ŋgon neelé d’unda no̰ dee’g ɗaŋg gə né kɔr koso gə nékuba loo kḭ lə dəwje bula gə́ Israɛl ləm, gə nétɔji gə́ a kar dee d’aw ne gə na̰ puduru-puduru ya ləm tɔ.

Tagə́maji gə́ Ja̰ ndang 7:43

Togə́bè ɓa ar boo-dəwje d’unda ne kəm na̰ ɓəd-ɓəd gə mbəa.

Néra Njékaḭkulaje 13:2

Loo gə́ d’wa dɔ na̰ gə mba kwa Mbaidɔmbaije meḛ dee’g, d’ɔg ne meḛ dee ɓoo keneŋ ndá Ndilmeenda ula dee pana: Maji kar sí ɔrje Barnabas gə Sool unda deeje gə kəmee loo kula gə́ m’ɓar dee keneŋ lé.

Néra Njékaḭkulaje 13:45

Loo gə́ Jibje d’oo boo-dəwje neelé ndá kəmkəḭ rusu meḛ dee njḭ-njḭ ar dee d’oma̰ gə Pool gə tamaḭ ləm, gə tajikil ləm tɔ.

Néra Njékaḭkulaje 13:50

Denéje gə́ na̰je gə́ d’wa Ala meḛ dee’g gə́ to kankəm denéje mee ɓee’g ləm, gə dəwje gə́ boo mee ɓee’g ləm tɔ lé Jibje pélé meḛ dee wəs-wəs dɔ Pool gə Barnabas’g. Deḛ d’ɔs dee mba kar dee d’ula kəm Barnabas gə Sool ndòo ndá deḛ tuba dee dɔ naŋg’g lə dee.

Néra Njékaḭkulaje 14:14

Pool gə Barnabas gə́ to njékaḭkulaje lə Jeju lé loo gə́ deḛ d’oo bèe ndá d’wa kubu gə́ rɔ dee’g hao̰-hao̰ til ɓa deḛ teḛ pəd-pəd d’uru mbuna koso-dəwje’g neelé.

Néra Njékaḭkulaje 14:19

Yen ɓa Jibje gə́ d’ḭ Antiɔs gə Ikɔnə ree d’iŋga dee keneŋ ndá d’ula meḛ koso-dəwje na̰’d, d’ar dee tila Pool gə kɔri-ər, deḛ ndɔree d’ilá ŋgaŋloo’g d’ə̰ji ta meḛ dee’g pana: Yeḛ wəi mba̰.

Néra Njékaḭkulaje 14:2

Nɛ Jibje gə́ d’ɔm meḛ dee dɔ ta’g lə dee el lé pélé meḛ njépole-magəje d’ar meḛ dee adə dee dɔ Pool gə Barnabas’g.

Néra Njékaḭkulaje 14:5

Njétar-Alaje gə Jibje d’ɔm na̰’d gə mbaije lə dee mba ra sə dee majel tila dee gə kɔri-ər.

Néra Njékaḭkulaje 19:9

Nɛ njé gə́ na̰je gə́ to gə́ njédumje lé d’un mbi dee ndogo ne lel dɔ ta’g ləa. Loo gə́ yeḛ oo to gə́ deḛ pata gə́ yèr dɔ rəw’g lə Mbaidɔmbaije no̰ dəw-bulaje’g lé ndá yeḛ sa rəa rɔ dee’g unda kəm njékwakiláje ɓəd ndoo dee ne né gə ndəa-ndəa loo-ndoo-né’g lə dəw gə́ ria lə Tiranus.

Néra Njékaḭkulaje 28:24

Ta gə́ yeḛ ula dee lé njé gə́ na̰je taa rəgm ya, nɛ njé gə́ na̰je d’ɔm meḛ dee dɔ’g el tɔ.

1 Njé gə́ Kɔrḭtə 9:5

See j’askəm kɔr kɔnan sí gə́ dené mba karee to njekaw sə sí gə looje lai gə́ j’a kaw keneŋ to gə́ njékaḭkulaje gə́ raŋg ləm, gə ŋgako̰ Mbaidɔmbaije ləma, gə Képas ləm tɔ ra lé el wa.

1 Njé gə́ Tesalonikə 2:14

Tɔgərɔ ya, ŋgakɔmje, seḭ telje ndajije kəm Eglisəje lə Ala gə́ d’ɔm na̰’d gin Jeju Kristi mee ɓeeko̰ gə́ Jude lé mbata seḭje kara njé gə́ goo ɓee’g lə sí-seḭ ɓa d’ula kəm sí ndòo to gə́ Jibje kara d’ula kəm dee-deḛ ndòo bèe ya tɔ.