Néra Njékaḭkulaje 14:17 - Maktub gə́ To gə Kəmee

¹⁷ Nɛ yeḛ ɔr gin rəa gə́ kédé-kédé gə némeemajije ləa ɓó yeḛ əw el. Yeḛ ar sí mán ndi gə́ dara ləm, yeḛ ar naḭ kàr gə ɓar taa tor na̰ ləma, yeḛ ar kó lə sí unda gə mba kar sí síje ne dan nésɔ’g bèdèg kar meḛ sí ndá ne kaḭ ləm tɔ.

Néra Njékaḭkulaje 14:17 ပူးပေါင်းရင်းမြစ်များ

1 Mbaije 18:1

Ndɔje bula dəs ndá mee ləb gə́ njekɔm’g munda lé Njesigənea̰ ula Eli ta nee pana: Aw aar no̰ Akab’g tɔjee rɔi ndá m’a kar ndi ər dɔ naŋg nee.

Nehemi 9:25

Deḛ taa ɓee-booje gə́ siŋga dee to ləm, Gə dɔ naŋg koje ləm tɔ, Deḛ taa kəije gə́ némajije ɓəd-ɓəd Rusu meḛ dee tub-tub ləm, Gə bwa-manje gə́ d’uru ləm, Gə ndɔ-nduúje gə kag-koiyoje ləma, Gə kagje gə́ d’andə gə kandə dee njim-njim Gə́ taa loo pəl-pəl ləm tɔ. Deḛ d’usɔ d’ar meḛ dee ndan tub-tub ləm, D’ər ne ndɔl-ndɔl ləm tɔ, Tɔɓəi deḛ d’isi dan néje gə́ lel dee’g Gə goo boo-meemaji ləi ya.

Maktub gə́ wɔji dɔ Jɔb 36:31

Gə goo rəwje neelé ɓa yeḛ ɔr ne kəm ta lə dəwje ləm, Yeḛ ar dee nésɔ aree taa rɔ dee pəl-pəl ləm tɔ.

Maktub gə́ wɔji dɔ Jɔb 37:6

Yeḛ ula kwɔjije pana: Maji kar sí ɔmje naŋg nee! Yeḛ ula gə mán ndi ləm gə ko̰ ndi gə́ ər ɓai-ɓai ləm tɔ.

Maktub gə́ wɔji dɔ Jɔb 5:10

Yeḛ ar ndi ər dɔ naŋg nee ləm, Yeḛ ar manee taa mee ndɔje ləm tɔ.

Pakɔsje 145:9

Njesigənea̰ lé ra maji gə dəwje lai ya, Meekaw taḭ-taḭ ləa lé wɔji dɔ néreaje lai ya ləm tɔ.

Pakɔsje 4:7

Njé gə́ na̰je bula pana: See na̰ ɓa a kar sí j’isi dan némajije’g wa. Ǝi Njesigənea̰, maji kar kəmi gə́ to lookàr lé ndogó dɔ sí’g!

Pakɔsje 52:1

Pakɔs lə Dabid gə́ ar bao-pa mba karee ɔs sə dee lé.

Esai 22:13

Nɛ aa ooje, boo-rɔkal gə rɔlel to keneŋ! Deḛ tɔl maŋgje gə badje ləm, Deḛ d’usɔ da gə d’ai mán-nduú ləm tɔ Pa ne pana: Ar sí j’usɔje gə j’aije Mbata bèlè j’a gə kwəije!

Esai 40:21

See seḭ gərje el wa, Esé see ooje taree el wa. See d’ar sí gərje un kudee ndɔ tum gelee’g el wa. See seḭ ə̰jije dɔ loo-kunda-gin-naŋg’g lé el ya saar wa.

Esai 5:6

M’a kya̰ karee tuji: Dəw a tuga barkəmee el ləm, D’a ndɔ mée el ləm tɔ, Kun-pɔrɔrɔje gə kunje d’a ra tɔg keneŋ ləm, M’a kun ndum kar loo-kil-lə-ndije Gə mba kar dee d’ar ndi ər keneŋ el ləm tɔ.

Jeremi 14:22

See mbuna magəje’g lə ginkoji dəwje gə raŋg lé Yee gə́ ar ndi ər to keneŋ wa. Esé see dara ɓa ar ndi ər wa. See to i Njesigənea̰, Ala lə sí el wa. Jeḛ j’unda meḛ sí yel gə́ dɔi’g, Mbata to i ya ɓa ra néje neelé lai.

Jeremi 5:24

Deḛ d’ə̰ji ta meḛ dee’g pana: Ar sí m’ɓəlje Ala lə sí Yeḛ gə́ ar mán ndi gə naḭyee-naḭyee lé ləm, Gə́ ar ndi gə́ doŋgɔr gə rudu ər ləma, Yeḛ gə́ njekwɔji naḭ kinja dɔ kó ləm tɔ lé Deḛ d’ə̰ji bèe el.

Ejekel 34:26

N’a kar dee-deḛ gə looje gə́ gugu dɔ mbal sub lé to nétɔrnduje, n’a kar ndi ər mee naḭyee-naḭyee’g ndá a to ndi gə́ ka̰ ndutɔr.

Joɛl 2:23

Seḭ dəwje gə́ Sio̰ lé Maji kar sí alje rɔ sí ləm, raje rɔlel Gin Njesigənea̰, Ala’g lə sí ləm tɔ. Mbata yeḛ a gə kar sí mán ndi Gə naḭyee-naḭyee ləm, Yeḛ a kar sí ndi gə́ doŋgɔr Gə yee gə́ gogo ləm tɔ To gə́ yeḛ ra kédé gə́ ləw lé tɔ.

Ləbije 26:4

m’a kar sí mán ndi gə naḭyee-naḭyee ləm, naŋg a kinja gə néje ləa ɓagəsa ləma, kagje gə́ mee ndɔje’g kara d’a kandə njim-njim ləm tɔ.

Matiyo 5:45

Yen ɓa seḭ a toje ne ŋgan Bɔ síje gə́ si dara lé, mbata yeḛ ar kàr ləa uba dɔ njémeeyèrje’g gə dɔ njémeemajije’g ləm, yeḛ ar ndi ər dɔ njéra né gə́ gə dɔ najee-je gə dɔ njéra né gə́ gə dɔ najee-elje ləm tɔ.

Lugu 6:35

Nɛ seḭ lé undaje njéba̰je lə sí dan kəm sí’g ləm, waje sə dee noji ləma, ar deeje wɔr sí né ɓa undaje bala təa el ləm tɔ. Togə́bè ɓa nékiŋgaje lə sí a kal dɔ loo ɓəi ləm, seḭ a toje ŋgan Njekurdɔloo’g ləm tɔ mbata yeḛ ra meemaji gə njéra nédɔkuduje ləm, gə njémeeyèrje ləm tɔ.

Néra Njékaḭkulaje 14:18

Ta neelé ar dee d’əw rɔ dee kinja néməs pole dee ya nɛ meḛ dee to kəmba dɔ’g ɓəi ɓó meḛ dee ɔr dɔ’g el.

Néra Njékaḭkulaje 17:26

Məs dəw kára ba ya yeḛ unda ne ginka dəwje gə́ loo-loo ləm, yeḛ wɔji ne loo-si dee si dee dɔ naŋg nee ləm tɔ. Yeḛ wɔji ləb si dee si dee ləm, gə rəw-nim ɓeeje lə dee ləm tɔ.

Tel tura Godndu 11:14

m’a kar ndi ər mee ɓee’g lə sí gə naḭyee-naḭyee, ndi gə́ doŋgɔr ləm, gə rudu ndi ləm tɔ ndá seḭ a kinjaje dɔ kó lə sí ləm, a kiŋgaje mán-nduú lə sí ləma, gə ubu lə sí ləm tɔ,

Tel tura Godndu 28:12

Njesigənea̰ a kɔr kəm dara gə́ to loo gə́ nébaoje ləa gə́ maji dum to keneŋ kar sí gə mba kula ne gə mán ndi dɔ ɓee’g lə sí gə naḭyee-naḭyee ləm, gə mba tɔr ndia dɔ kulaje lai gə́ seḭ a raje ləm tɔ, ginkoji dəwje gə raŋg bula d’a tona sí né, nɛ seḭ a tona deeje né el.

1 Timote 6:17

Ndəji baoje gə́ dɔ naŋg nee ɓasinè lé mba kar dee beelé dɔ rɔ dee’g el ləm, gə mba kar dee d’unda meḛ dee yel gə́ dɔ nébaoje gə́ a gə to njaŋg el lé el ləm tɔ. Nɛ maji kar dee d’unda meḛ dee yel gə́ dɔ Ala lé gə́ njedaa sí gə néje rib-rib mba kar sí ndá ne meḛ sí kaḭ.