Néra Njékaḭkulaje 14:14 - Maktub gə́ To gə Kəmee

¹⁴ Pool gə Barnabas gə́ to njékaḭkulaje lə Jeju lé loo gə́ deḛ d’oo bèe ndá d’wa kubu gə́ rɔ dee’g hao̰-hao̰ til ɓa deḛ teḛ pəd-pəd d’uru mbuna koso-dəwje’g neelé.

Néra Njékaḭkulaje 14:14 ပူးပေါင်းရင်းမြစ်များ

2 Mbaije 18:37

Yen ɓa Eliakim, ŋgolə Hilkija gə́ to mbai dɔ njémeekəije lə mbai ləm, gə Sebna, njendaji-maktub ləma, gə Joa, ŋgolə Asap gə́ to njeŋgəm maktub ləm tɔ lé tel ree rɔ Ejekias’g gə kubuje lə dee gə́ til hao̰-hao̰ ndá deḛ ndaji taje gə́ Rabsake pa lé d’aree oo tɔ.

2 Mbaije 5:7

Loo gə́ mbai gə́ Israɛl lé tura maktub neelé ndá yeḛ til kubuje gə́ rəa’g hao̰-hao̰ pa ne pana: See ma m’to Ala ɓa m’a kar dəw wəi ləm, karee tel si kəmba ləm tɔ ɓa yeḛ ula ne dəw neelé rɔm’g mba kam m’ɔr ba̰ji rəa’g wa. Ooje maji to gə́ yeḛ saŋg loo mba ra səm ta gə́ ra ya.

Jeremi 36:24

Mbai gə kuraje ləa lai gə́ d’oo taje neelé deḛ ɓəl el ləm, til kubuje lə dee el ləm tɔ.

Bula lə Israɛlje 14:6

Juje, ŋgolə Nun, gə Kaleb, ŋgolə Jepune lé to gə́ mbuna dee-deḛ gə́ d’aw tən loo mee ɓee’g lé deḛ kara til kubuje rɔ dee’g hao̰-hao̰ tɔ,

Matiyo 26:65

Yen ŋga ŋgɔ-njekinjanéməs lé wa kubu ləa har-har til ula dee pana: Aa ooje, yeḛ ila ndɔl dɔ Ala’g mba̰. See j’a dəji njékɔrgootaje gə́ raŋg gə mba ɗi tɔɓəi wa.

Mark 14:63

Yen ŋga ŋgɔ-njekinjanéməs lé wa kubu gə́ rəa’g hao̰-hao̰ til ula dee pana: See ɗi tɔɓəi ɓa j’a dəji ne njékɔrgootareeje gə́ raŋg gə mbəa tɔɓəi wa.

Néra Njékaḭkulaje 14:4

Dəw-mee-ɓee-booje lé d’ɔr kəm na̰ ar njé gə́ na̰je to gə́ ka̰ Jibje ləm, njé gə́ na̰je to gə́ ka̰ njékaḭkulaje ləm tɔ.

1 Njé gə́ Kɔrḭtə 9:1

See ma m’to ŋgonkoji el wa. See ma m’to gə́ njekaḭkula el wa. See ma m’oo Jeju Mbaidɔmbaije lə sí el wa. See seḭ toje kula ramje gin Mbaidɔmbaije’g el wa.