Néra Njékaḭkulaje 13:5 - Maktub gə́ To gə Kəmee

⁵ Loo gə́ deḛ teḛ Salaminə ndá d’ila mber ta lə Ala mee kəi-kwa-dɔ-na̰je’g lə Jibje. Ja̰ nai sə dee gə́ njela sə dee tɔ.

Néra Njékaḭkulaje 13:5 ပူးပေါင်းရင်းမြစ်များ

1 Mbaije 19:21

Loo gə́ yeḛ ya̰ Eli gə kuree ndá yeḛ tel ree wa bɔ maŋgje joo inja dee gə́ nékinjanéməsje ləm, yeḛ ndiri dakas dee gə néməməna̰ gə kag-kɔs lə maŋgje lé ya ar dəwje d’usɔ ləm tɔ. Tɔɓəi yeḛ ɔd aw goo Eli’g aw ra né aree tɔ.

1 Mbaije 19:3

Loo gə́ Eli oo ta neelé ndá yeḛ ḭ sa rəa aḭ aw gə mba kaji rəa. Yeḛ teḛ Beer-Seba gə́ to ɓee lə Juda ndá yeḛ ya̰ kura ləa keneŋ tɔ.

2 Mbaije 3:11

Nɛ Josapat pana: See njetegginta lə Njesigənea̰ kára kara si keneŋ mba kar sí n’dəjije ne Njesigənea̰ ta el wa. Kura lə mbai gə́ Israɛl kára ilá keneŋ pana: Elije, ŋgolə Sapat gə́ njeboakula lə Eli si keneŋ nee ya.

Teḛ-Raga 24:13

Moyis ḭta, deḛ gə Juje gə́ nje la səa dɔ kula’g lé, ndá Moyis al aw dɔ mbal’g lə Ala.

Matiyo 20:26

Nɛ seḭ nja maji kar sí raje togə́bè mbuna na̰’d el. Nana ɓa mbuna sí’g ndigi kur dɔ sí’g lai ndá maji karee tel rəa gə́ ŋgonjelookisi lə sí ləm.

Néra Njékaḭkulaje 12:12

Yeḛ tel aar gèŋ ə̰ji ta mée’g ɓa ɔd si aw kəi lə Mari, ko̰ Ja̰je gə́ d’unda ria lə Mark lé to loo gə́ dəwje bula d’wa dɔ na̰ keneŋ d’isi ra tamaji.

Néra Njékaḭkulaje 12:25

Barnabas gə Sool lé loo gə́ kula gə́ deḛ d’ula dee gə mbəa lé godo mba̰ ndá deḛ d’ḭ Jerusalem d’ɔs tel d’aw Antiɔs. Deḛ d’ɔr Ja̰ gə́ d’unda ria lə Mark lé d’aree aw sə dee na̰’d tɔ.

Néra Njékaḭkulaje 13:14

D’ḭ Perjə d’aw kəm dee gə́ kédé saar teḛ Antiɔs dɔ naŋg gə́ Pisidi. D’andə d’aw mee kəi-kwa-dɔ-na̰’g gə ndɔ-kwa-rɔ d’isi keneŋ.

Néra Njékaḭkulaje 13:46

Yen ŋga Pool gə Barnabas d’ula dee ta gə kəm ŋgon diŋgam pana: Ala wɔji mée’g gə mba kar sí-seḭ nja ooje ta ləa kédé par-par, nɛ to gə́ seḭ ɔseeje rəw, ooje ne rɔ sí gə́ dəwje gə́ d’askəm kisi gə kəmə gə́ gə no̰ lé el ndá aa ooje, jeḛ j’ɔs n’tel gə́ ɓee lə njépole-magəje.

Néra Njékaḭkulaje 14:1

Mee ɓee gə́ Ikɔnə lé Pool gə Barnabas d’ɔd na̰’d d’aw kəi-kwa-dɔ-na̰’g lə Jibje ndá deḛ d’ɔr ta lə dee d’aree ɓar mḭ yaa̰, bèe ɓa Jibje gə Grekje bula yaa̰ d’un ne meḛ dee.

Néra Njékaḭkulaje 15:37

Barnabas ndigi kar Ja̰ gə́ d’unda ria lə Mark lé aw sə dee tɔ.

Néra Njékaḭkulaje 17:17

Yen ɓa yeḛ aw gə Jibje na̰’d mee kəi-kwa-dɔ-na̰’g lə dee wɔji sə dee ta ləm, yeḛ wɔji ta gə deḛ gə́ ɓəl Ala lé ləm tɔ. Ndəa-ndəa yeḛ aw loo-nada wɔji ta gə dəwje gə́ yeḛ iŋga dee keneŋ tɔ.

Néra Njékaḭkulaje 18:4

Gə ndɔ-kwa-rɔ kára-kára lai lé Pool ɔr ginta kəi-kwa-dɔ-na̰’g lə dee oma̰ ne gə Jibje gə Grekje.

Néra Njékaḭkulaje 19:22

Yeḛ ula njéla səaje joo, Timote gə Erastə ar dee d’aw Masedoinə, nɛ yeḛ nja nai Asi ndəa bula bəl ɓəi.

Néra Njékaḭkulaje 19:29

Dəwje lai gə́ mee ɓee’g neelé d’aw dɔ na̰’g pum-pum. D’aḭ yao-yao ree mbo̰ dɔ na̰ kəi-koo-néndajije gə́ boo’g lé ndɔr Gayus gə Arisitarəkə gə́ to njé gə́ Masedoinə gə́ to njéboalookawje lə Pool lé keneŋ sə dee na̰’d.

Néra Njékaḭkulaje 19:8

Gée gə́ gogo Pool andə aw mee kəi-kwa-dɔ-na̰’g ndá yeḛ aar keneŋ pata yororo-yororo. As naḭ munda yeḛ ɔr goo ta néje gə́ wɔji dɔ ɓeeko̰ lə Ala ula ne rəa ndubu gə mba kar deḛ gə́ d’oo ta ləa lé taa ta gə́ yeḛ ula dee lé rəgm.

Néra Njékaḭkulaje 9:20

Yen ŋga waga ndá yeḛ un kudu kɔr gin ta mee kəi-kiŋga-na̰je’g pana: Jeju to gə́ Ŋgon-Ala gə́ gəd lé ya.

Njé gə́ Kolosə 4:10

Arisitarekə, njeboadaŋgai ləm ra sí lapia. Mark, ŋgolə bɔ Barnabas gə́ ma m’ula sí ta gə́ wɔji dəa kédé lé yeḛ kara ra sí lapia tɔ. Ɓó lé yeḛ a kaw ɓee lə sí ndá maji kar sí wáje gə́ rɔ sí’g.

2 Timote 4:11

Lugu nja gə karee ba ɓa nai səm. Bèe ndá ɔr Mark aree ree səi na̰’d mbata yeḛ ɓa orəm més loo-kula’g ləm.