Néra Njékaḭkulaje 13:48 - Maktub gə́ To gə Kəmee

⁴⁸ Loo gə́ njépole-magəje d’oo ta neelé ndá deḛ ra rɔlel d’ula ne rɔnduba dɔ ta’g lə Mbaidɔmbaije. Deḛ lai gə́ d’wa kəmə gə́ gə no̰ d’wɔji ne dɔ dee lé d’un meḛ dee tɔ.

Néra Njékaḭkulaje 13:48 ပူးပေါင်းရင်းမြစ်များ

Pakɔsje 138:2

Ma m’unda barmba mee kəi’g ləi gə́ to gə kəmee doi lé ləm, Ma m’unda no̰ rii mbata meemaji ləi gə meenda londoŋ ləi ləm tɔ. Mbata rii lé ɓar gə loo mbidi-mbidi Gə goo ndukunje ləi gə́ i ar dee d’aw lée’g béréré lé.

Matiyo 25:46

Deḛje neelé d’a kɔd kaw loo gə́ bo̰ néra dee a kɔs ta dee’g keneŋ gə no̰ nɛ njémeekarabasurje lé d’a kɔd kaw si loo-sikəmba’g lə dee gə no̰ tɔ.

Matiyo 28:16

Njékwakila Jejuje gə́ dɔg-gir-dee-kára lé d’aw Galile dɔ mbal gə́ Jeju tɔji dee lé.

Lugu 7:8

Mbata ma lé m’to gə́ njera torndu dəw dɔmje ləm, njérɔje kara d’isi gelm’g d’isi ra torndum ləm tɔ. Ɓó lé m’ula yeḛ gə́ kára m’pana: Aw! ndá yeḛ ɔd aw ya tɔ. Ɓó lé m’ula yeḛ gə́ raŋg m’pana: Gə́ ree! ndá yeḛ ɔd ree ya tɔ, əsé m’ula kura ləm m’pana: Ra né gə́ nee! ndá yeḛ ra nja tɔ.

Tagə́maji gə́ Ja̰ ndang 10:16

Badje ləm gə́ raŋg d’isi gən nɛ d’aar gə koso-badje’g neelé el. Lé riri kara m’a saŋg dee ree sə dee ɓəi, d’a koo ndum ndá m’a kɔm dee na̰’d sad kar dee tel to koso-badje gə́ kára ba ləm, njekul dee kara a to gə́ kára ba ya ləm tɔ.

Tagə́maji gə́ Ja̰ ndang 11:52

Nɛ to mbata gin ɓee lə dee ɓa gə karee el, nɛ yeḛ a kwəi gə mba mbo̰ ŋgan-Alaje gə́ sanéna̰ kad-kad lé mba kar dee to darɔ gə́ kára ba.

Néra Njékaḭkulaje 13:12

Yen ŋga, loo gə́ njenai gə́ njeguburuɓee neelé oo né gə́ teḛ dɔ Elymas’g lé ndá kaaree wá paḭ dɔ ta’g lə Mbaidɔmbaije aree un ne mée tɔ.

Néra Njékaḭkulaje 13:42

Loo gə́ deḛ d’unda loo teḛ raga mba̰ ndá deḛ ra ndòo rɔ dee’g mba kar dee tel ndɔ-kwa-rɔ gə́ gogo gə mba kɔr goo tareeje neelé kar dee ya ɓəi.

Néra Njékaḭkulaje 15:2

Pool gə Barnabas d’ḭ maḭ sə dee rədədə ɓa d’ɔr Pool gə Barnabas gə njé gə́ raŋg d’ɔm dee dɔ dee’g, d’ar dee d’aw Jerusalem rɔ njékaḭkulaje’g gə ŋgatɔgje’g gə mba gɔl taree.

Néra Njékaḭkulaje 15:31

Loo gə́ deḛ tura maktub lé mba̰ ndá ŋgako̰ na̰je ra rɔlel mbata diŋgam gə́ d’ula meḛ dee’g lé.

Néra Njékaḭkulaje 2:41

Deḛ gə́ taa ta ləa lé d’aree ra dee batɛm. Ndá mee ndəa’g neelé bula lə njémeekunje ḭ dɔ maree’g as tɔl-dɔg-loo-munda d’ɔm dɔ mar deeje’g.

Néra Njékaḭkulaje 2:47

Deḛ pidi ne Ala ləm, deḛ taa kəm dəwje rəgm ləm tɔ. Ndá deḛ gə́ d’aji lé Mbaidɔmbaije orè ne mareeje gə́ Eglisə’g gə ndəa-ndəa.

Néra Njékaḭkulaje 20:13

Nɛ jeḛ lé j’uru mee bato’g j’aw kédé no̰ Pool’g mba kaw Asos loo gə́ jeḛ j’wɔji-kwɔji kiŋga Pool keneŋ mbata yeḛ ndigi kun rəw lé gə gɔlee.

Néra Njékaḭkulaje 22:10

Yen ŋga m’dəjee m’pana: Mbaidɔmbaije, see m’a ra ban ŋga nee wa. Ndá Mbaidɔmbaije ilam keneŋ pana: Uba naŋg ḭta aw Damas ndá d’a kulai né gə́ kəm kari ra lé ɓəi.

Néra Njékaḭkulaje 28:23

D’wɔji ndɔ dee d’aree ɓa njé gə́ na̰je bula ree d’iŋgá kəi gə́ yeḛ si keneŋ lé. Pool ɔr ta riba ne dɔ ɓeeko̰ lə Ala, ɔr ne ginta godndu Moyis gə ka̰ njéteggintaje gə́ wɔji dɔ Jeju ula ne ta meḛ dee’g. D’wɔji na̰ ta dɔ’g gə ndɔ ya saar d’ar kàrkemetag dɔ dee’g.

Néra Njékaḭkulaje 8:8

Boo-rɔlel taa loo mee ɓee-boo’g neelé pəl-pəl ya.

Njé gə́ Rɔmə 11:7

See ɗi tɔɓəi wa. Né gə́ Israɛlje ndolè lé d’iŋgá el nɛ deḛ gə́ yeḛ ɔr dee unda dee gə kəmee lé ɓa d’iŋgá nɛ njé gə́ raŋg lé deḛ to gə́ njédɔkədərəje

Njé gə́ Rɔmə 13:1

Maji kar dəwje kára-kára lai d’oso kul no̰ njéko̰ɓeeje’g ya, mbata gin ko̰ɓee gə́ rara kara gə́ a lal kḭ rɔ Ala’g lé godo ləm, deḛ gə́ d’isi gə́ njéko̰ɓeeje lé kara Ala nja gə́ njekunda dee keneŋ ləm tɔ.

Njé gə́ Rɔmə 8:28

Gelee gə́ nee ɓa, jeḛ n’gər gao, dəwje gə́ d’unda Ala dan kəm dee’g, deḛ gə́ Ala ɓar dee gə goo né gə́ yeḛ nja wɔji mée’g lé ndá néje lai gə́ ra dee lé d’a mbo̰ na̰ kiŋga na̰ gə majee dɔ dee’g ya.

1 Njé gə́ Kɔrḭtə 16:15

Ŋgakɔmje, ma m’ndigi ndəji sí bər-bər dɔ ta gə́ raŋg’d ya tɔɓəi. Seḭ gərje gao kojikəije lə Stepanas lé deḛ nja to kó njétaamee-Kristije gə́ Akai gə́ d’ula goŋ dee kula’g mbata lə deḛ gə́ to gə kəmee lé.

Njé gə́ Epesə 1:11

Mbɔl dɔ Kristi lé ɓa jeḛ n’tel n’to ne nédɔji ləa gə goo kuma̰ gə́ yeḛ nja kuma̰ sí mée’g kédé gə́ dɔtar, yeḛ nja ɓa unda ne néje lai gə goo nduree-nduree to gə́ mée wɔji

Njé gə́ Epesə 1:19

gə boo-siŋgamoŋ ləa gə́ wɔji dɔ síjeḛ gə́ j’ɔm meḛ sí dəa’g ləm tɔ. Yee ɓa to siŋgamoŋ gə́ dum dɔ loo ya.

Njé gə́ Epesə 1:4

Mbɔl dɔ Kristi lé ɓa Ala ɔr sí ne unda sí ne gə kəmee kédé gə́ dɔtar, loo gə́ yeḛ tum ne gin naŋg nee el ɓəi, mba kar sí j’isi ne gə kəmee nea̰’g ləm, kar gel sí godo ləm tɔ.

Njé gə́ Epesə 1:5

Yeḛ kuma̰ sí ne mée’g gə goo kunda gə́ yeḛ unda sí dan kəmee’g lé mba kar sí n’toje ne ŋganɓaaje ləa gin Jeju Kristi to gə́ mée ɓa wɔji lé.

2 Njé gə́ Tesalonikə 3:1

Ŋgakɔmje, ges ta gə́ nai lé ɓa nee: Raje tamaji mbata lə sí mba kar ta lə Mbaidɔmbaije oso ne gə loo mbidi-mbidi nduba ne rəa gə́ raga, to gə́ yee ra ɓee lə sí bèe