Néra Njékaḭkulaje 13:34 - Maktub gə́ To gə Kəmee

³⁴ Teḛ gə́ yeḛ aree teḛ dan njé gə́ d’wəi’g lé a tel kunda naŋg ndəs el ŋga to gə́ yeḛ pa ne taree təsərə pana: N’a kar sí néje lə Dabid gə́ to gə kəmee ləm, gə nétɔrnduje gə́ to njaŋg ya ləm tɔ.

Néra Njékaḭkulaje 13:34 ပူးပေါင်းရင်းမြစ်များ

2 Samel 23:5

See to togə́bè gə njémeekəije ləm no̰ Ala’g lé ləm el wa. Mbata yeḛ man rəa Gə manrɔ gə́ to gə no̰ am ləm, Yeḛ ar taje lai gə́ to keneŋ lé To njaŋg ləma, Am m’isi ne gə meekulɔm ləm tɔ.

Esai 55:3

Urje mbi sí gèŋ, Ndá gə́ reeje rɔm’g, Ooje ta ndá A síje ne kəmba. M’a kun ndum kar sí Gə ndu manrɔ gə́ to gə no̰ Gə mba kar némeemaji gə́ m’ra gə Dabid lé To ne njaŋg.

Jeremi 30:9

D’a ra kula kar Njesigənea̰, Ala lə dee ləm, d’a kar Dabid, mbai lə dee gə́ m’a karee ḭ mbuna dee’g ləm tɔ.

Jeremi 33:26

ma m’a kuba ŋgaka Jakob, gə ŋgaka kura ləm Dabid kya̰ dee togə́bè ləm, mbuna ŋgakeaje’g lé m’a kɔr deḛ gə́ d’a gə ko̰ dɔ ŋgaka Abrakam, gə ka̰ Isaak, gə ka̰ Jakob el ŋga ləm tɔ. Mbata m’a kar njé’g lə dee gə́ d’aw ɓee-ɓər’g tel ree ɓée ləm, m’a koo kəmtondoo lə dee ləm tɔ.

Ojee 3:5

Gée gə́ gogo ndá Israɛlje d’a tel ree rɔ Njesigənea̰’g tɔɓəi d’a ndolè goo Ala lə dee ləm, gə Dabid gə́ to mbai lə dee ləm tɔ. Mee ndɔje gə́ aw ree’g lé, deḛ d’a rəm pər gə́ rɔ Njesigənea̰’g ləm gə rɔ némeemajije’g ləa ləm tɔ gə kàr gəd ya.

Amɔs 9:11

Mee ndəa’g neelé n’a kun ɓeeko̰ lə Dabid Gə́ to asəna gə kəi gə́ oso lé Kuree tar lée’g gogo ləm, N’a gɔl kəmee gə́ ta̰ ləm, N’a gɔl néje gə́ tuji keneŋ Kunda dee tar lée’g ɗaŋg ləma, N’a rəa sigi to gə́ to ne keneŋ ləw lé ləm tɔ.

Jakari 12:8

Mee ndəa’g neelé Njesigənea̰ a kaḭ bada dɔ njé gə́ Jerusalem’g ndá njerəm gə́ dan dee’g mee ndəa’g neelé siŋgá a kasəna gə ka̰ Dabid bèe ləm, gel-bɔje lə Dabid d’a to kəm dee’g asəna gə Ala bèe ləma, d’a to kasəna gə kura lə Njesigənea̰ gə́ dara no̰ dee’g bèe ləm tɔ.

Néra Njékaḭkulaje 13:30

Nɛ Ala aree unda loo teḛ dan njé gə́ d’wəi’g.

Néra Njékaḭkulaje 13:33

yeḛ tɔl təa bém ar síjeḛ gə́ to ŋgan deeje loo gə́ yeḛ ar Jeju lé unda ne loo teḛ dan njé gə́ d’wəi’g gə goo ta gə́ deḛ ndaŋg mee maktub Pakɔs’g gə́ joo’g pana: I to Ŋgonəm, Ɓogənè ɓa m’ojii.

Néra Njékaḭkulaje 13:37

Nɛ yeḛ gə́ Ala aree unda loo teḛ dan njé gə́ d’wəi’g lé darəa unda naŋg ndəs el.

Néra Njékaḭkulaje 2:24

Nɛ Ala nja aree unda loo teḛ dan njé gə́ d’wəi’g, aree ti kúla lə yoo rəa’g mbata yoo lé askəm kwá ga̰-ga̰ gə dɔrea el.

Njé gə́ Rɔmə 6:9

mbata jeḛ n’gər gao Kristi gə́ teḛ dan dəwje gə́ d’wəi’g lé a tel kwəi gogo el ləm, yoo kara a ɓar ria gogo el ŋga ləm tɔ.