Néra Njékaḭkulaje 13:26 - Maktub gə́ To gə Kəmee

²⁶ Ŋgakɔmje gə́ dəwje gə́ toje ŋgaka Abrakam ləm, gə seḭ gə́ ɓəlje Ala lé ləm tɔ lé ta kaji neelé d’ula ne d’ar sí-seḭ ya.

Néra Njékaḭkulaje 13:26 ပူးပေါင်းရင်းမြစ်များ

2 Sôrta Gḭka Israɛlje 20:7

Ǝi Ala lə sí, see to i nja ɓa tuba koso-dəwje gə́ mee ɓee’g neelé no̰ koso-dəwje ləi gə́ Israɛl ya̰ ne loo ar ŋgaka Abrakam gə́ d’undai dan kəm dee’g lé gə no̰ el wa.

Pakɔsje 105:6

Arje meḛ sí olé dɔ nédumkooje gə́ yeḛ ra lé ləm, Gə dɔ némɔrije gə́ yeḛ ra ləma, Gə rəwta-gaŋgje ləa gə́ teḛ təa’g lé ləm tɔ.

Esai 41:8

Nɛ seḭ Israɛlje gə́ toje kuraje ləm, Seḭ ŋgaka Jakob gə́ ma m’ɔr sí, Seḭ ŋgaka Abrakam gə́ m’unda sí dan kəm’g lé.

Esai 46:13

M’ar néra gə́ gə dɔ najee ləm ree M’aree to mbɔr sí’g dəb ɓó to əw el, Kaji ləm kara a tila gə́ tila el tɔ. M’a kar kaji to mee ɓee gə́ Sio̰’g ləm, M’a kar rɔnduba ləm ɔm dɔ Israɛlje’g ləm tɔ.

Esai 48:1

Ooje ta nee, Seḭ gel-bɔje lə Jakob, Seḭ gə́ undaje ri Israɛl dɔ sí’g ləm, Seḭ gə́ ḭje ginka’g lə Juda ləm tɔ, Seḭ gə́ manje rɔ sí gə ri Njesigənea̰ ləm, Seḭ gə́ ɓarje ri Ala lə Israɛlje ləm tɔ Nɛ lal kankəmta gə néra gə́ danasur lé!

Matiyo 10:6

Nɛ awje rɔ ŋgan badje lə Israɛlje gə́ ndəm ɓa.

Matiyo 3:9

ɓó ulaje rɔ sí pajena: Jeḛ lé Abrakam ɓa to gə́ bɔ síjeḛ, maji kar sí paje togə́bè el! Mbata ma m’ula sí təsərə, Ala askəm tel kɔr mbalje gə́ to neelé gə́ ŋganje kar Abrakam ya.

Lugu 1:69

Yeḛ nja ɔr njekaji sí gə́ njesiŋgamoŋ Mbuna ŋgaka Dabid gə́ to kura ləa lé ar sí,

Lugu 1:77

Mba kar koso-dəwje ləa gər ne gin kaji gə́ yeḛ a kaji dee Kɔr ne ɓaŋg kaiyaje lə dee ləm tɔ.

Lugu 24:47

d’a kila mber ta kwa ndòo rɔ dɔ kaiya’g gə ta kɔr kaiya dɔ dəwje’g ləm tɔ gə ria-yeḛ kar ginkoji dəwje gə raŋg ya ndá d’a kun kudee Jerusalem ya.

Tagə́maji gə́ Ja̰ ndang 6:68

Simo̰ Piɛrə ilá keneŋ pana: Mbaidɔmbaije, see jeḛ j’a kawje gə́ rɔ na̰’g to wa. I nja si gə ta gə́ ar sí j’isi ne gə kəməgə́ gə no̰ lé.

Néra Njékaḭkulaje 10:2

Dəw neelé tədkag Ala ləm, ɓəlee ləm tɔ, yeḛ gə njénojije ləa lai ya.

Néra Njékaḭkulaje 10:35

Nɛ gə ginkoji dəwje gə raŋg lé nana ɓa gə́ ɓəlee ra ne né gə́ to gə dɔ najee ndá to gə́ njetaakəmee rəgm ya.

Néra Njékaḭkulaje 13:43

Tɔɓəi loo gə́ dəwje d’isi sanéna̰ ndá Jibje bula gə deḛ gə́ tel rɔ dee gə́ Jibje gə́ d’wa Ala meḛ dee’g lé ndɔm na̰ goo Pool gə Barnabas’g. Deḛ d’wɔji sə dee ta ləm, ndəji dee ne gə mba kar dee d’ɔm meḛ dee dɔ nojikwa’g lə Ala lé reḛ́ keneŋ rḛ́-rḛ́ ya ləm tɔ.

Néra Njékaḭkulaje 13:46

Yen ŋga Pool gə Barnabas d’ula dee ta gə kəm ŋgon diŋgam pana: Ala wɔji mée’g gə mba kar sí-seḭ nja ooje ta ləa kédé par-par, nɛ to gə́ seḭ ɔseeje rəw, ooje ne rɔ sí gə́ dəwje gə́ d’askəm kisi gə kəmə gə́ gə no̰ lé el ndá aa ooje, jeḛ j’ɔs n’tel gə́ ɓee lə njépole-magəje.

Néra Njékaḭkulaje 16:17

Yeḛ oso goo síjeḛ gə́ Pool’g ra né tar wəl-wəl pana: Dəwje neelé to kuraje lə Ala gə́ Njekurdɔloo’g gə́ d’ula sí ne ta lə rəw-kaji.

Néra Njékaḭkulaje 22:5

Ŋgɔ-njekinjanéməs gə ŋgatɔgje lə Jibje lai lé to njékɔrgoo néramje neelé ya. M’taa maktub ji dee’g gə mba kaw ne kar ŋgako̰ deeje gə́ Damas loo gə́ m’isi m’aw keneŋ gə mba kwa deḛ gə́ keneŋ neelé gə kúla lar ree sə dee Jerusalem gə mba kar bea̰ ɔs ta dee’g.

Néra Njékaḭkulaje 28:28

Bèe ndá maji kar sí ooje to gə́ ta kaji lə Ala lé d’ula njétareeje ndá deḛ d’a taa ya.

Néra Njékaḭkulaje 3:26

Ala ɔr kura ləa aree aw rɔ sí-seḭ’g ya dɔtar mba karee tɔr ndia dɔ sí’g mba kar nana kara mbuna sí’g sa rəa dɔ néra gə́ ndɔji pɔdɔdɔ’g ya.

Néra Njékaḭkulaje 4:12

Dəw gə́ raŋg rara kara gə́ kaji a kḭ rəa’g lé godo. Ɓó lé seḭ a kawje rara gin dara gə dɔ naŋg nee mbuna dəwje’g kara seḭ a kooje ri dəw gə́ raŋg gə mba kun kaji ne lé el.

Néra Njékaḭkulaje 5:20

Ɔdje awje mee kəi-Ala’g aw ɔrje goo ta lə si kəmba neelé arje koso-dəwje neelé d’oo sə sí.

Njé gə́ Rɔmə 1:16

Mbata m’ra kəmkul dɔ Tagə́maji’g lé el: yee to siŋgamoŋ lə Ala gə mba kaji nana ɓa gə́ ɔm mée dɔ’g lé Jibje kédé ɓa Grekje keneŋ ɓəi.

Njé gə́ Epesə 1:13

Seḭje kara loo gə́ seḭ ooje ta gə́ tɔgərɔ lé to Tagə́maji gə́ seḭ ajije ne, seḭ ɔmje ne meḛ sí dəa’g ndá yeḛ ar sí Ndilmeenda gə́ Ala un ndia gə mba kar sí lé unda sí ne gə dɔ jia.

Njé gə́ Kolosə 1:5

Yee neelé seḭ raje mbata seḭ undaje meḛ sí yel dɔ né gə́ d’unda gə kəmee mbata lə sí mee ɓee gə́ dara ləm, mbata lə kankəmta gə́ to Tagə́maji gə́ d’ar kəm sí inja dɔ’g kédé lé ləm tɔ.